E m 0 t i o n

ဖေဖေ့သို့ လွမ်းချင်း

ပြီးခဲ့တဲ့ တနင်္ဂနွေနေက မထင်မှတ်ဘဲ တွံတေးကို သွားဖို့ အကြောင်းဖန်လာလို့ ညီအစ်မသုံးယောက် တွံတေးရောက်သွားရတယ်။ တွံတေးသွားဖို့ ရန်ကုန်ကနေ ဒလဘက်ကို သင်္ဘောစီးရတယ်လေ။ သင်္ဘောပေါ်ရောက်တော့ ဘယ်လိုကနေ ဘယ်လိုဖြစ်တယ်မသိဘူး၊ တော်တော်ကို စိတ်ထဲမှာ ၀မ်းပန်းတနည်းခံစားမိလိုက်တယ်။ ဒါ ဘာလဲဆိုတော့ ဖေဖေ့ကို သတိရလာလို့ပေါ့... မမတို့က မေးတယ်။ ဘာဖြစ်တာလဲတဲ့... ဖေဖေ့ကို အရမ်းသတိရတာပဲလို့ ဖြေလိုက်တော့ တဒင်္ဂ သူတို့မှာ နှုတ်ဆွံ့သွားတယ်။ အားလုံးရင်ထဲမှာ အတွေးကိုယ်စီ ဖြစ်သွားကြပြီပေါ့...
ဖေဖေက ကော့မှူးဇာတိလေ။ ဟိုးငယ်ငယ်တုန်းကဆို ၆ လ တစ်ခါလောက် ပုံမှန် ဖေဖေနဲ့အတူ ကော့မှူးကို လိုက်သွားဖြစ်တယ်။ သင်္ဘောစီးတိုင်း သင်္ဘောပေါ် လာရောင်းသမျှ မုန့်သည် အကုန်ခေါ်စားကြတာပဲ။ ဖေဖေနဲ့ အကြိုက်ချင်းတူတဲ့ ငုံးဥပြုတ်ကတော့ အမြဲမပြတ်ပဲပေါ့... သားသမီးတွေကို အရမ်းချစ်တတ်တဲ့ဖေဖေ... ငယ်ငယ်က သားသမီးတွေကို မေမေက ဆူရင် ရိုက်မှာစိုးရင် ဖေဖေက အရင် ရှေ့က ကြိုပြီး ငါရိုက်မယ်... ငါ့ကလေးတွေကို ငါရိုက်မယ်ဆိုပြီး အိမ်နောက်ဖေးမှာစိုက်ထားတဲ့ ဘူးပင်က ဘူးရိုးတွေ ယူပြီး ရိုက်တတ်တဲ့ ဖေဖေပေါ့... မေမေက ပြောရှာတယ်... ကိုမြင့်... ရှင့်ကလေးတွေ တော်တော်နာသွားဦးမယ် တဲ့...
ကျန်းမာရေးမကောင်းလို့ အလုပ်ကနေ အငြိမ်းစားယူပြီးတဲ့ ဖေဖေ... လေဖြန်းချင်သလိုဖြစ်နေလို့ လမ်းကောင်းကောင်းမလျှောက်နိုင်တဲ့ ဖေဖေ... ၄၅ မိနစ် ကြာအောင် လမ်းလျှောက်ရတဲ့ ကျောင်းကို တစ်ယောက်တည်း လမ်းလျှောက်ပြီး လာကြိုခဲ့တဲ့ ဖေဖေ...
သူငယ်ချင်းတွေက ပြောတယ်
ဟိုမှာ နင့်ဖေဖေတဲ့...
ဖေဖေ ဘာလာလုပ်တာလဲ၊ လမ်းလည်း မလျှောက်နိုင်ဘဲနဲ့ ဆိုတော့
ဒီနေ့ သမီး ရီပို့ကဒ်ထွက်မယ့်နေ့လေ... အဲဒါကြောင့် ဖေဖေ လာကြိုတာ တဲ့...
ဟုတ်သားပဲ... ဟိုးငယ်ငယ် သူငယ်တန်းကတည်းက ရီပို့ကဒ်ထွက်မယ့်နေ့ဆို မုန့်စားဆင်းချိန်မှာ လာပြီး ရီပို့ကဒ် လာယူနေကျ ဖေဖေ့ကို မေ့မိတော့မလို့....
အလိုလိုနေရင်း ၀မ်းနည်းလာတဲ့စိတ်ကို ဖေဖေမမြင်အောင် ချိုပ်ထိန်းလိုက်ရတယ်... ဖေဖေလည်း သိချင်သိမှာပဲလေ...
အပြန်မှာ ဖေဖေ့ကို တွဲပြီး လျှောက်ရင်းနဲ့ ကြည်နူးတဲ့စိတ်ရော ၀မ်းနည်းတဲ့စိတ်ရော ပေါင်းလို့ပေါ့
ဖေဖေ့ကို သတိရတဲ့စိတ်... တမ်းတတဲ့စိတ်... ... ... ...
အရမ်းလွမ်းတယ် ဖေဖေရယ်... လို့...
သမီးအငယ်ဆုံးလေးမို့.... အများနဲ့မတူတဲ့ သမီးလေးမို့... အချစ်တွေပိုပြီး ချစ်ပြခဲ့တဲ့ ဖေဖေ
သင်္ဘောစီးရတဲ့ မိနစ်ပိုင်းလေးမှာ ဖေဖေ့ကို သတိရလိုက်မိတဲ့ ၀မ်းနည်းစိတ်တွေကြောင့် သမီး မပျော်နိုင်တော့ပါဘူး ဖေဖေရယ်...
ဒီသင်္ဘောကြီးကိုလည်း နောက်တစ်ခါ ဖေဖေမပါဘဲနဲ့ သမီး မစီးချင်တော့ပါဘူးလို့...
-----------------------------------------------------------
(ဖေဖေ ကွယ်လွန်တာ ဒီနေ့ဆိုရင် ရှစ်နှစ်နဲ့ ငါးလ တိတိ ပြည့်ပြီလေ...)
ဖေဖေ့အတွက် သမီးရဲ့ အမှတ်တရလေးပါ...