နှစ်ဟောင်းရဲ့အဆုံးသတ် ရက်စွဲတစ်ခုနှင့် ကျွန်မ  

December 31, 2007

နှစ်ဟောင်းရဲ့အဆုံးသတ် ရက်စွဲတစ်ခုနှင့် ကျွန်မ

နှစ်တစ်နှစ်ကုန်ဆုံးလို့ နေ့သစ်တွေမွေးဖွားခြင်းရဲ့အစ ရောက်ရပြန်တော့မယ်။ တကယ်တော့ တစ်နှစ်ပြီးတစ်နှစ် နှစ်သစ်တွေ စတင်တိုင်း ငါဟာ စိတ်သစ် လူသစ်နဲ့ နှစ်သစ်မှာ အကောင်းဆုံးဖြစ်အောင် ကြိုးစားမယ်လို့ ဆုံးဖြတ်ခဲ့တာ ကိုယ့်ဘ၀ကိုယ် ရပ်တည်ချင်တဲ့စိတ် စတင်ဖြစ်ပေါ်ကတည်းကပဲ။ ဒီလိုနဲ့ ခုဆို ၂၀၀၇ ကုန်ဆုံးပြီ။ မနက်ဖြန်ဆို ၂၀၀၈ ဖြစ်ပြီ။ ညီမလေး ၀င်္ကပါ ပြောသလိုပဲ ကိုယ်လုပ်ခဲ့သမျှ အရာအားလုံးကို လက်က ချမရေးရဲသေးဘူး။ စိတ်နဲ့ အရင်ခန့်မှန်းကြည့်တယ်။ သေချာတာတော့ ကျေနပ်အားရမှုမရှိသေးတဲ့အတိုင်းအတာတစ်ခုပဲ။ ငါဟာ ကြိုးစားဆဲပါပေါ့။ ဘယ်လိုပဲဖြစ်ဖြစ် ဒီ ၃၁ မှာ အမှတ်တရရှိခဲ့တာတော့ သေချာတယ်။ ပျော်ရွှင်ခြင်းလား၊ ၀မ်းနည်းကြေကွဲခြင်းလား... အေးချမ်းသော သိုးမလေး လို့ ချစ်ကြသူတွေက ခေါ်ကြတယ်။ ချစ်ရတဲ့ ဖေဖေကတော့ သမီးလေး နှင်း လို့ ခေါ်တယ်။ အမည်ပညတ်ချက်အတိုင်း နင့်ကို အေးချမ်းစေချင်တယ်လို့ အချစ်ဆုံးသူငယ်ချင်းက ပြောခဲ့တယ်။ ဖြူစင်သော သိုးမလေးရယ်လို့ မရည်ရွယ်ပါဘဲ ဒီနာမည်ကို ရခဲ့တယ်။ ဘ၀မှာ ပေးဆပ်မှုသာ ရှိမယ်လို့ မမေးရဘဲ ဗေဒင်ဟောခံထားရတယ်။ ဒါတွေဟာ တိုက်တိုက်ဆိုင်ဆိုင် ၃၁ မှာ ဖြစ်ခဲ့တာတွေပါ။ မယုံ ပုံပြင်လို့မှတ်။ မနှစ်က ၃၁ မှာ ပျော်ရျွင်ခြင်း၊ ၀မ်းနည်းခြင်း ဘာဆိုဘာမှ မရှိခဲ့ဘူး။ အဖေ့ကို သတိရတဲ့စိတ်က လွဲလို့ပေါ့။ ဒီ ၃၁ မှာတော့ တကယ်ကို အငိုမျက်လုံး အပြုံးမျက်နှာ ဆိုသလို အဖေ့အတွက် လွမ်းတဲ့စိတ်ကြောင့် ငိုချင်နေတဲ့နှလုံးသားကို သူငယ်ချင်းတွေရဲ့ ပျော်ရွှင်ဖွယ်နှစ်သစ်ဖြစ်ပါစေ ဆိုတဲ့ ဆုတောင်းလေးတွေဖတ်ပြီး ပြုံးရယ်နေတဲ့ မျက်နှာက အရှက်ရနေတယ်။ မမလေး tag လို့ ရေးလိုက်တာ။ လက်တန်း။ ဘာမှ ပြင်ဆင်ထားခြင်း မရှိ၊ ရည်ရွယ်ထားခြင်း မရှိပါဘဲ တဒင်္ဂဖြစ်ပေါ်လာတဲ့ ခံစားချက်အတိုင်း ချရေးလိုက်တာပါ။ ၃၁ ကို ၃၁ မှာပဲ ထားခဲ့ချင်တယ်လေ။ အားလုံးပဲ နှစ်သစ်ကို ပျော်ရွှင်မှုတွေနဲ့အတူ ရွှင်လန်း လတ်ဆတ်စွာ စတင်နိုင်ပါစေ။

AddThis Social Bookmark Button


ကျေပါစေတော့ ၀ဋ်ကြွေးရယ်  

December 26, 2007

ကျေပါစေတော့ ၀ဋ်ကြွေးရယ်

မမွေးဖွားခင် သေဆုံးခဲ့ရတဲ့ ကလေးငယ်လို
ရင်ထဲကဆန´တွေဟာလည်း
မရှင်သန်ခင် ပျက်သုဉ်းခဲ့ရပြီလေ
ဒါပေမဲ့ အစပျိုးမိတဲ့အသည်း
တဆတ်ဆတ်နာနေဆဲပါပဲ။

3 ရက်၊ 3 လ မဟုတ်ဘူး၊ 3 နှစ်ခွဲရမှာ
အစ်ကိုပြောတာ နားထောင်ပါဦး တဲ့
ခုတော့ မျှော်လင့်ခြင်းဆိုတဲ့အရာကို
မုန်းတီးနေတတ်ခဲ့ပြီ အစ်ကို။

စကားလုံးမဲ့ဘ၀ထဲကို တိုးဝင်လာခဲ့ပြီးမှ
တေးချင်း တူစုံညည်းချင်တယ်ဆိုရင်တော့
စွမ်းနိုင်ရည်မဲ့တဲ့ တိမ်တွေနဲ့
ကောင်းကင်ပြာကို ထမ်းမထားလိုတော့ပါဘူး။

ဒီဇင်ဘာညရဲ့ အအေးဒီဂရီဟာ
အနုတ်လက©ဏာပြနေတယ်တဲ့
အသံတိတ်ကြိတ်ငိုလို့ ပူလောင်နေတဲ့ ရင်ခွင်မှာတော့
နွေခေါင်ခေါင်ပါပဲလေ။

အချိန်ကာလလို့ တွက်ချက်နေကြတဲ့
လည်နေဆဲ နာရီတွေရယ်
တန်ဖိုးမဲ့ကုန်ဆုံးသွားတဲ့ နေ့ရက်တွေရယ်
ကျွန်မရဲ့ အဖော်တွေ ဖြစ်ခဲ့ဖူးတယ်။

ဒီလိုသာလည်ပတ်နေမယ်ဆို
နောင်သံသရာဆိုတာရှိခဲ့ရင်
လူမြင်လှမှာမဟုတ်ဘူးလေ
လွမ်းနေဆဲနှလုံးသားကို
ဝဋ်ကြွေးပါလားဆိုတဲ့ အသိတရားအောက်မှာ
ပျောက်ဆုံးသွားပါစေလို့ ဆုတောင်းရင်း
ကျွန်မ ကြေကွဲစွာ ကျေနပ်တတ်ခဲ့ပါပြီ။

AddThis Social Bookmark Button


Movie Maker ကျေးဇူး  

December 22, 2007

Movie Maker ကျေးဇူး

ပြီးခဲ့တဲ့သောကြာနေ့က အလုပ်ကလည်း အား၊ ပိုက်ဆံကလည်း ပြတ်နဲ့ သိုးလေး တော်တော်စိတ်ညစ်နေတာ။ အင်တာနက်သုံးချင်တာလည်း ပိုက်ဆံမရှိလို့ မသုံးရဘူး။ တော်တော်သနားဖို့ကောင်းတယ် ဟီးဟီး။ အဲဒါနဲ့ မထူးဘူးဆိုပြီး ကွန်ပျူတာရှေ့မှာ ဟိုလုပ်ဒီလုပ်နဲ့ လျှောက်လုပ်နေရင်း သူငယ်ချင်းတစ်ယောက် ပြောပြဖူးတဲ့ Movie Maker ကို သွားသတိရရော။ ပုံထည့်တာ၊ သီချင်းထည့်တာတော့ သိတယ်။ effect တွေ ထည့်ပြီး သီချင်းတစ်ပုဒ်ဆုံးတဲ့ထိ တစ်ခါမှမလုပ်ဖူးဘူး။ ဒါနဲ့ သိုးလေးအစ်မ ကျိုက်ထီးရိုးသွားတုန်းက ရိုက်ထားတဲ့ပုံတွေကို ကင်မရာထဲကနေ စက်ထဲထည့်၊ ပြီးတော့ တစ်ပုံနဲ့တစ်ပုံ ပြောင်းတဲ့ Video Making တွေ ထည့်၊ ပြီးတော့ audio သီချင်းသွင်း၊ ပြီးတော့ ပြန်ဖွင့်ကြည့်တော့ သီချင်းတစ်ပုဒ်ဆုံးသွားရော ပုံက အများကြီးကျန်နေသေးတယ်။ ဘယ်ရမလဲ နောက်သီချင်းတစ်ပုဒ်ထပ်သွင်း၊ အဲ... သီချင်း နှစ်ပုဒ်ဆုံးတော့ ပုံနဲ့ ကွက်တိ။ ဒါနဲ့ တစ်ခုခု လိုနေသေးသလိုပဲလို့ စဉ်းစားတော့ ခေါင်းစဉ်နဲ့ အပိတ်။ ဒါပေမဲ့ မထည့်တတ်ဘူး။ ကလိတဲ့နေရာမှာ သိုးလေးလေ ဘယ်ရမလဲ...Making title ဆိုတာတွေ့တာနဲ့ ဟုတ်ပြီ ဆိုပြီး နှိပ်လိုက်တာ။ အဲဒီလိုနဲ့ အဖွင့်စာသားနဲ့ အပိတ်စာသား ရသွားရော။ အပိတ်မှာလည်း Designed by Ayechanthu ဆိုပြီး အလကားရတဲ့ effct အကုန်ထည့်ပစ်လိုက်တာပေါ့။ ဘယ်ရမလဲ။ အဲဒီလိုနဲ့ နေ့ဝက်လောက်ကုန်သွားတဲ့အချိန်မှာ မမရဲ့ ကျိုက်ထီးရိုးသွား ခရီးစဉ် ရုပ်သေပုံလေးတွေဟာ သိုးလေးရဲ့အစွမ်းနဲ့ Movie Maker နဲ့လုပ်ထားတဲ့ မသပ်မရပ် မလှမပ (ကိုယ့်ဘာကိုယ်တော့ ပီတိဖြစ်နေတာပေါ့ ဟဲဟဲ) အခွေလေးတစ်ခွေ ဖြစ်သွားရော။ ပြီးတော့ အကြံရသွားတယ်။ ငါ့မှာ သူ့ပုံတွေကို နေ့ဝက်ကြီးများတောင် အချိန်ကုန်ခံပြီးလုပ်လိုက်ရတာ။ အကျိုးဆောင်ခတော့ ရသင့်တယ်လို့။ ဟုတ်တယ်ဟုတ်။ ဒါနဲ့ မမကို 'မမကျိုက်ထီးရိုးသွားတဲ့ပုံတွေကို သမီး အခွေလုပ်ပေးထားတယ်။ နောက်ခံသီချင်းလေးနဲ့။ အရမ်းမိုက်တယ် သိလား။ အဲဒါ နှစ်ထောင့်ငါးရာပဲပေး။ သူများဆို မရဘူး။ ပုံတွေကို Scan ဖတ်ရမယ်ဆိုရင်တော့ အဲဒီဈေးနဲ့ မရဘူး။ မမမို့ လျှော့ပေးတာ' ဆိုတော့ သူကလည်း သဘောတွေကျ၊ သူ့အခွေလေးကို ဖွင့်ကြည့်ပြီး ချက်ချင်းပဲ နှစ်ထောင့်ငါးရာ ထုတ်ပေးတယ်။ သူလည်း ကျေနပ်၊ ကိုယ်လည်း ပိုက်ဆံရပေါ့။
     ညနေကျတော့ ဘယ်ကဘယ်လိုကြားလာတယ်မသိဘူး၊ နောက်တစ်ခါ ညီမလေးသဘောနဲ့ ညီမလေးလုပ်ရင် ပိုက်ဆံမပေးဘူးနော် တဲ့။ အဲ... ဘယ်လိုဖြစ်ရပြန်တာလဲ ဆိုတော့ တခြားကပြောလိုက်တယ်၊ ဆိုင်မှာ ပုံ ၇၀ ကျော်ကို အဲဒီလိုလုပ်တာ ၁၅၀၀ ပဲ ပေးရတယ်တဲ့။ ငါသာ အ လို့ ခံလိုက်ရတာ။ နင့်ဆီ ဘယ်သူမှလည်း အလုပ်အပ်မှာမဟုတ်ဘူးတဲ့။ ရှက်လည်းမရှက်ဘူး၊ နောက်ဆုံးမှာ သူ့နာမည်က ပါသေး ဆိုပြီး အပြောခံလိုက်ရတယ်။ သိုးလေးကတော့ မထင်ပါဘူး။ ပုံ ၇၀ ကျော်ကို Scan ဖတ်ပြီး အဲဒီလိုအခွေလုပ်တာ ၁၅၀၀ ပဲ ရမယ်ဆိုရင် သိုးလေးတော့ လုပ်မစားတော့ဘူး။ ဟီးဟီး... လောလောဆယ်တော့ ဘာပဲပြောပြော ၂၅၀၀ ရသွားပြီလေ။ အဲဒီပိုက်ဆံလေးကို စုထားရတယ်။ မမကို အခွေပေးကတည်းက ပြောထားတာလေ၊ မေမေ့ကို ပိုက်ဆံပေးရတယ်လို့ မပြောရဘူးလို့။ နှစ်ဦးသဘောတူမှ အခွေထုတ်ပေးထားတာဆိုတော့ သူလည်း မပြောရဲဘူး။ လူတကာလုပ်တတ်နေကြတဲ့ Movie Maker ကို သိုးလေးက အခုမှလုပ်တတ်တာ ရှက်တော့ ရှက်ပါဘူး။ ဘာလို့ဆို သိုးလေးက အဲဒါမျိုးတွေ သိပ်ဝါသနာမပါလို့။ ကိုယ်မလုပ်တတ်တာဆိုရင်တော့ လုပ်တတ်ချင်တယ်လေ။ အဲဒါကြောင့် မေးချင်တာရှိရင် မေးတယ်၊ မဖြေရင်တော့လည်း စိတ်မဆိုးပါဘူး၊ သူတို့မအားလို့ပဲနေမှာပေါ့လို့ တွေးပြီး ကိုယ့်ဘာကိုယ် ဖြေပါတယ်။ မဟုတ်ရင် ကိုယ်ပဲ စိတ်ညစ်ရမှာပေါ့။ ဟုတ်ဘူးလား။
     မှတ်မှတ်ရရ အဲဒါလုပ်ပြီး ညဘက်ကျတော့ မီးက အပြတ်၊ UPS ကလည်း မခံနိုင်တာနဲ့ တိုက်ရိုက်ပိတ်သွားတာ။ ပြန်ဖွင့်တော့ Window မတက်တော့ဘူး။ Window လာတင်ပေးတဲ့ servician ကို Movie Maker ပါ ထည့်ပေးနော် ဆိုတော့ ရယ်တယ်။ ရယ် ရယ်... ကိုယ်မှ နားမလည်လို့ ပြောတာပဲ။ အဲဒါလေးကို အမှတ်တရအဖြစ် မမက သူ့သူငယ်ချင်းကို မေးလ်ကနေတစ်ဆင့် ပို့ပေးပါလားတဲ့။ သိုးလေးလည်း နားမလည်ပါးမလည်နဲ့ ယူလာတာပေါ့။ USB Flash Drive နဲ့ ကူးလာပြီး ဆိုင်ရောက်တော့ ထည့်ပေးပါလို့ ပြောလိုက်တယ်။ ခဏနေ ဆိုင်က အစ်မက ဟာ... ဟာ... နင့်ဟာကြီးက ဗိုင်းရပ်တွေပါလာတယ်။ ငါ့ server တော့ ကြွတော့မှာပဲတဲ့။ အဲလိုပြောရင် သိုးလေးက စိတ်မကောင်းဘူး။ အဲဒျီအငခု ကို ၀ယ်ပြီးကတည်းက format ချရတာလည်း အခါပေါင်းမနည်းတော့ဘူး။ သူ့ကိုတပ်တိုင်းလည်း Virus Scan လုပ်တယ်။ သတ်တယ်။ အဲဒါတောင်မှ ဗိုင်းရပ် ပါလာတယ်ဆိုတော့ စိတ်ဓာတ်တွေက ဟိုးအောက်ဆုံးထိ ကျ၊ ဘာပဲပြောပြော ဒီနေ့ သိုးလေးစိတ်ကြိုက် ဘလော့တွေ ဖတ်နိုင်တာ Movie Maker ကျေးဇူးနဲ့ ရလာတဲ့ ပိုက်ဆံလေးကြောင့်လေ။ အဲဒါကြောင့် မိတ်ဆွေတို့လည်း အိမ်မှာပျင်းရင် Movie Maker လေးနဲ့ လုပ်ပြီး သိုးလေးလို ညာစားကြည့်ပါလားလို့။ သူငယ်ချင်းတို့က လုပ်တတ်ပြီးသားလူတွေဆိုတော့ သိုးလေးလိုတောင် အချိန်ကုန်မယ်မဟုတ်ဘူး။

AddThis Social Bookmark Button


December 20, 2007

နားခိုခွင့်

အဲဒီနေ့က အိမ်လေးတစ်လုံးထဲ ရောက်ခဲ့တယ်
ငါတို့ရဲ့ ကမ္ဘာငယ်လေးပါပဲ
အချိန်တွေကုန်လွန်တာနဲ့အမျှ
သံယောဇဉ်တွေဟာ တိုးလို့လာခဲ့တယ်
ကျေးဇူးပါ အိမ်လေးရေ လို့
ရင်ထဲက အကြိမ်ပေါင်းများစွာ ပြောဖြစ်ခဲ့တယ်
အိမ်လေးရေ...
ငါဟာ ပြင်ပကမ္ဘာမှာ
သီးခြားစိတ်နဲ့ ရှင်သန်ခဲ့ပေမဲ့
အိမ်လေးထဲမှာတော့
လူသားဆန်တဲ့ လူတစ်ယောက် ဖြစ်ခွင့်ရခဲ့တယ်
အိမ်လေးထဲမှာ
အရင်းနှီးဆုံး သူငယ်ချင်းတွေရှိတယ်
တန်ဖိုးထားရတဲ့ မိတ်ဆွေတွေရှိတယ်
နွေးထွေးစွာလက်ကမ်းနေတဲ့ အိမ်သူအိမ်သားတွေရှိတယ်
အိမ်လေးနဲ့ပတ်သက်တဲ့
ချိုမြိန်တဲ့အိပ်မက်တွေကိုလည်း မက်ခွင့်ရခဲ့တယ်
အိမ်လေးရေ...
ခရီးတစ်ခု အတို အရှည် သွားလို့
အချိန်အတိုင်းအတာတစ်ခုထိ နှုတ်ဆက်နိုင်ပေမဲ့
သေဆုံးပြီးနောက်မှာရော နှုတ်ဆက်နိုင်ပါဦးမလား
အိမ်လေးထဲက ချစ်သောသူတို့ရေ...
အကယ်၍များ ငါ နှုတ်ဆက်တဲ့အခါ
ချောက်ချားတယ်လို့တော့ မဆိုကြပါနဲ့
သေဆုံးခြင်းရဲ့ နောက်
အသစ်ဖြစ်တည်ခြင်းရဲ့ အစ ကြားကာလမှာ
ငါ့ဝိညာဉ်ကို ဒီအိမ်လေးနားမှာပဲ နားခိုခွင့်ပေးပါ
စာနာလို့ပဲဖြစ်ဖြစ် ညှာတာလို့ပဲဖြစ်ဖြစ်... ... ...

AddThis Social Bookmark Button


 

December 15, 2007



ညဟာ အေးသထက် အေးလာတယ်
ဒီလိုညတွေဟာ ချောက်ချားစရာကောင်းပါရက်နဲ့
ကျွန်မ ဘာကြောင့်များ တောင့်တခဲ့ပါလိမ့်
အရိုးသားဆုံးအနေနဲ့
အဖေ့ကို အမှတ်ရစေမယ့် သတိကြယ်ပွင့်
ကျွန်မကောင်းကင်မှာ တွေ့ခွင့်ရမယ်လေ
ပြီးတော့ သူ.....

အေးစက်မှုဟာ မဖိတ်ခေါ်ပါဘဲ
စောင်ထူထူကြားက ထိုးဖောက်လာတယ်
ပစ်စလက်ခတ်အေးစမ်းပါစေတော့
အဖေဟာ ကောင်းကင်ကြီးပေါ်ကနေ
ကျွန်မကို နွေးထွေးမှုတွေ ပေးနေတယ်လေ
ညဟာ တစ်ဖန် တိတ်ဆိတ်သွားပြန်တယ်.....

တစ်လောကလုံး နှစ်ခြိုက်စွာ အိပ်မောကျလို့
ဝင်လေထွက်လေကို အတိုင်းသား ကြားနေရတယ်
မှိတ်ထားတဲ့မျက်ဝန်းတွေရဲ့တစ်ဖက်
အိပ်မက်မဟုတ်တဲ့ အနက်ရောင်လွင်ပြင်မှာ
သူ့ပုံရိပ်တွေက ဝေေ၀၀ါးဝါး
သည်လိုနဲ့ ညစ်တစ်ည ပြီးဆုံးတော့မှာပါလား.....

လောကကြီးကတော့ ပုံမှန်အတိုင်းပဲ
မနက်ဖြန်တွေ မွေးဖွားလိုက်
ညတွေ သေဆုံးလိုက်နဲ့
ကျွန်မလည်း အရင်လိုပဲ
ခိုရာမဲ့ စိတ်ကို
ချော့သိပ်ရဦးမယ်။

AddThis Social Bookmark Button


သားအဖဂစ်တာ  

December 13, 2007

သားအဖဂစ်တာ

အဖေလည်း ငယ်ငယ်က ဂစ်တာကို လွယ်ခဲ့ဖူးမှာပဲ
ကျွန်တော့်ဂစ်တာကို အတင်းဖြုတ်ယူ
ဥပါဒ်တေးတွေ ပါ မပါ စစ်ဆေးရတယ်လို့
အဖေ့အတွက်တော့
ဂစ်တာဟာ
ကျေးလက်ဆီအလည်သွားဖို့ အုန်းခွံရောင်မြင်း
ကျွန်တော့်အတွက်တော့
သတ္တုမြို့ပျက်မှာ ဒုန်းစိုင်းမယ့် ဆိုင်ကယ်
အဖေက
ဂစ်တာကို အိမ်ဦးခန်းမှာ ရှေးဟောင်းဓားလိုထားတယ်
ကျွန်တော့်အတွက်တော့ ဂစ်တာဟာ မောင်းချဓားတစ်မျိုးပဲ
အဖေထင်သလိုတော့
အရောင်ကြောင်ကျားနဲ့ လေဆာဓာတ်ပြားတွေ မဟုတ်ဘူးပေါ့
ဓာတ်ပြောင်းကြီး ဖွင့်ချလိုက်ရင်
ကွန်ဆာဗေးတစ်သီချင်းတွေပဲ ထွက်ကျလာမှာ သိတယ်
လိုအပ်ရင် ခုနစ်ကြိုးတပ်ပြီး
မလိုအပ်ရင် ရိုက်ချိုးချင် ရိုက်ချိုးလိုက်မယ်
ဒါ... ကျွန်တော်တို့ခေတ်ရဲ့ လောကဓံကို
စည်းလိုက်နေတာပဲ အဖေ
ကျွန်တော်ကတော့
အနုပညာလှေဆိပ်မှာ ဂစ်တာတွေဆုံရင်
တစ်ယောက်နဲ့တစ်ယောက် ကြိုးညှိ
ကြယ်တွေဆီ ရွက်လွှင့်ကြည့်ကြမယ်ပေါ့
အဲဒါကို အဖေက
မှောင်ရိပ်ခိုကျွန်းမှာ ပင်လယ်ဓားပြတွေဆုံရင်
တစ်ယောက်နဲ့တစ်ယောက် ၀ိုင်ခွက်ချင်းတိုက်
ပင်လယ်နက်ထဲ ခုန်ချကြတော့မယ်တဲ့
ကျွန်တော်ထွက်ခဲ့တယ်
လက်နက်အပြည့်နဲ့ အိတ်ကို လွယ်လို့
(ဒစ်စပရာဒိုမင်းသားလို)
ထရပ်ကားသံတညံညံနဲ့
ကောင်းဘွိုင်မုဆိုးတွေများတဲ့မြို့ကြီးကို။
အဖေက
ဒေါက်တာဇီဗားဂိုးရဲ့ ဇာတ်ဝင်တေးကို လေချွန်လို့
ဆောင်းရာသီ သစ်ကိုင်းခြောက်တွေကြား ကျန်ခဲ့။
အခုဆို ကျွန်တော်ဟာ
ကံကြမ္မာရဲ့ လက်ကွက်အရွှေ့အပြောင်းမှာ
ကီးအမြင့်ဆုံးအသံထွက်နေရတဲ့ ဂစ်တာလေးတစ်လက်ပေါ့
အဖေ့ရဲ့ ဂစ်တာသံတွေဟာ
ကျွန်တော်အခုလိုအပ်နေတဲ့ ကရုဏာတေးသက်သက်ပဲဆိုတာ
ကျွန်တော် သိနေပြီလေ။

မောင်ယုပိုင်
မြားနတ်မောင်မဂ္ဂဇင်း

AddThis Social Bookmark Button


ကြယ်  

December 11, 2007

ကြယ်

လုံလောက်တဲ့ နွေးထွေးခြင်းလည်း မရ
ပြည့်ဝတဲ့ အလင်းရောင်လည်း
ပေးစွမ်းနိုင်ခြင်းမရှိပါဘဲ
သူ့ကို လူတွေ တပ်မက်ကြတယ်
အလွမ်းတွေ တိုင်တည်ရင်း
စာတွေ သီဖွဲ့ကြတယ်
သူရှိနေတဲ့ညဟာ
အရာအားလုံး ပြီးပြည့်စုံနေသလိုလို
သူသေဆုံးတဲ့အခါမှာတော့
ကသောကမျော ဆုတွေတောင်းလို့.....

AddThis Social Bookmark Button


ကျွန်မနှင့် သူငယ်ချင်း  

December 09, 2007

ကျွန်မနှင့် သူငယ်ချင်း

ဟိုးတစ်ချိန်က မြို့လေးတစ်မြို့မှာ ကျွန်မနှင့်အတူ ပျော်ရွှင်ခြင်း၊ ၀မ်းနည်းခြင်းတွေကို ဝေမျှခံစားပေးခဲ့တဲ့ သူ့ကို ကျွန်မရဲ့သူငယ်ချင်း (အရင်းနှီးဆုံး) အဖြစ် ပြောပြချင်တယ်။ ကျောင်းသူဖြစ်စအချိန်ကနေ ယခုထက်တိုင် ကျွန်မရဲ့ တစ်ဦးတည်းသော သူငယ်ချင်းဟာ သူပဲ။ အပေါင်းအသင်းဆိုရင် စိတ်တူကိုယ်တူ ရွေးပေါင်းတတ်တဲ့ ကျွန်မ သူနှင့်သာ အတွဲများခဲ့တယ်။ တကယ်တော့ ပြောင်းလဲဆန်းသစ်နေတဲ့လောကကြီးမှာ ကျွန်မအတွက် သူဟာ အားဆေးတစ်ခွက်ပါ။ စာသင်ခန်းပရိဝုဏ်မှာသာမက ပြင်ပမှာပါ ကျွန်မနဲ့ပတ်သက်လာရင် သူဟာ ကျားပဲ။ အရာရာကို စဉ်းစားချင့်ချိန်ပြီး ကျွန်မအတွက် ဆုံးဖြတ်ရခက်တာမှန်သမျှ ရှင်းပြတတ်တဲ့ သူက ကျွန်မထက် ၉ လပဲကြီးတဲ့ အတန်းတူသူငယ်ချင်းပေါ့။ စာသင်ခန်းမှာ စာမေးတဲ့အခါတိုင်း ကျွန်မရဲ့သဘောထားကို သူပြောပြလေ့ရှိတယ်။ ကျွန်မရဲ့စိတ်ကို သူ အပြည့်အ၀ နားလည်တယ်လေ။ ငယ်ပေါင်းကြီးဖော်သူငယ်ချင်းတွေသာမက တန်းလုံးကျွတ်လိုလိုကပါ သူ့ကို ခေါ်တတ်တယ်။ အန်းဆူလီဗန် တဲ့။ အဲဒီအခါမျိုးမှာ ကျွန်မ သူ့ကို အရမ်းအားနာရပေမဲ့ သူကတော့ နင့်အတွက် ငါ အန်းဆူလီဗန် ဖြစ်ခွင့်ရတာကိုပဲ ကျေနပ်တယ်လို့ အမြဲပြောတယ်။ ကျွန်မ မသိတတ်ခဲ့တဲ့ အသေးအမွှားကအစ သူက ဂရုတစိုက်ရှိတယ်။ ၄၅ မိနစ် လမ်းလျှောက်မှ ရောက်ရတဲ့ ကျောင်းမို့ အိမ်က စက်ဘီးနဲ့လွှတ်တတ်ပေမဲ့ သူ့အမိန့်အရ သူ မပါတဲ့နေ့ဆို လမ်းပဲလျှောက်ရတယ်။ ကျွန်မကြုံတွေ့လာမယ့် အခက်အခဲတွေကို သူက ကြိုတွေးပြီး အမြဲပူပန်နေတတ်တယ်။ မနက် ကျောင်းသွားဖို့ အိမ်ကို သူ လာခေါ်တိုင်း မေမေက ပြောတတ်တယ်။ ကြီးလာလို့ ကိုယ့်ဘ၀ ကိုယ် လျှောက်ကြရပြီဆိုရင် သမီးလေးမပါဘဲနဲ့ ဘ၀ကြီးကို မဖြတ်သန်းရဲတဲ့သူ ဖြစ်နေဦးမယ် သမီးရယ် တဲ့။ အဲဒီတုန်းက စိတ်ထဲမှာ အလိုမကျဖြစ်ခဲ့ပေမဲ့ တကယ်ကိုက ကျွန်မ အဲဒီလိုဖြစ်ခဲ့တာလေ။ ၁၀ တန်းအောင်ပြီး ဂျီတီစီ တက်ဖို့လုပ်တော့ သူမပါဘဲ ကျွန်မလျှောက်လှမ်းရမယ့်ခရီးကို တွေးရင်းနဲ့တင် ရင်မောရတယ်။ ကျွန်မအပေါ် နားလည်မှုပေးခဲ့တဲ့ မေမေ့ရဲ့ကျေးဇူးနဲ့ သူနဲ့ ကျွန်မ မေဂျာတူ တက္ကသိုလ်ကျောင်းသူတွေခဲ့ကြတယ်။ တစ်ရွာမပြောင်း သူကောင်းမဖြစ် ဆိုသလို ကျွန်မတို့မိသားစု အိမ်ပြောင်းတော့လည်း သူ အိမ်ကိုလိုက်လာပြီး အိပ်တတ်တယ်။ ကျွန်မ တကယ်ကိုရူးသွပ်ခဲ့တာပါ။ သေဆုံးချိန်ထိ ခွဲဖြစ်မှာမဟုတ်ဘူးလို့ ခံယူထားခဲ့တာ။ လောကကြီးရဲ့ မမြဲခြင်းတွေ ခဏမေ့သွားတယ်။ နာမည်ဆိုတာ ပညတ်ချက်တစ်ခုပဲ။ ဒါပေမဲ့ နင့်အတွက်တော့ အဲဒီပညတ်ချက်လိုပဲ နင့်ဘ၀တစ်ခုလုံးကို အေးချမ်းစေချင်တယ် တဲ့။ ကျွန်မအတွက်တော့ သူဟာ အဖြူသက်သက် သူငယ်ချင်း၊ နားလည်မှုအပေးနိုင်ဆုံး သူငယ်ချင်း လို့ပဲ နှလုံးသားထဲ စွဲနေပါတယ်။ ခုတော့ ကျွန်မတို့ တကယ့်ကို ဝေးသွားခဲ့ကြပါပြီ။

AddThis Social Bookmark Button


ဆန္ဒ  

ဆန္ဒ

လိုချင်တာရဖို့ ကြိုးစားနေကြတဲ့ကမ္ဘာကြီးမှာ
ခေါင်းစဉ်တပ်ကြည့်တဲ့ကိစ္စတွေဟာ
အရေးမကြီးပါဘူး
ရင်ခုန်သံလှိုင်းကိုလိုက်
ယုံကြည်ရာရွက်တိုက်ရင်း
ဘ၀မြေလွတ်ကို ဖွံ့ဖြိုးစေနိုင်တယ်
မြို့ပြဟာ အသက်ရှူသံပြင်းတယ်ဆိုလည်း
ငါ့အတွက် ဓားတစ်လက်ပေါ့
ဘယ်တော့မှ ခြမစားတဲ့
အမေ့ရဲ့ အိပ်ရာဝင်တေးတွေဟာ
ငါ့ရဲ့ဒိုင်းပဲ
အဲဒီဘ၀တိုက်ပွဲမှာ
အသန့်ရှင်းဆုံးလူသားဆုရဖို့လည်း မမျှော်မှန်းခဲ့ဘူး
ငါဟာ
ကမ္ဘာမြေပေါ်က
လူသားဆန်တဲ့ လူတစ်ယောက်ပဲ ဖြစ်ချင်ခဲ့တာပါ။

AddThis Social Bookmark Button


December 07, 2007

ကလိတာ တော်တော့်ကို လက်လွန်နေတယ်... ဟီးဟီး... ဇောက်ထိုးတွေ မိုးမျှော်တွေကြားမှာ လူလည်း မျက်စိ တော်တော်မူးနေပြီ။

AddThis Social Bookmark Button


ခြေရာမထင်ကျန်ခဲ့ချင်သော...  

December 06, 2007

ခြေရာမထင်ကျန်ခဲ့ချင်သော...

ရေပြင်ကို ငါ ထိုင်ကြည့်နေမိတယ်

ငြိမ်သက်နေတဲ့ တစ်ခဏကနေ

လှိုင်းထလို့ လှုပ်ရှားရသလို

တစ်စုံတစ်ယောက်ရဲ့ ခဲတစ်ပစ်ဟာလည်း

ရေပြင်ကို လှုပ်ခါသွားစေတယ်

ရေပွက်တစ်ပွက် ပေါ်ပေါက်ခြင်း

ပြန်လည်ငြိမ်သက်ခြင်းမှာ

သံဝေဂရနိုင်ပေမဲ့

လှိုင်းလူးတွေနဲ့တော့ ရန်ဖြစ်လို့မရဘူးလေ

နောက်ဆို

ဒီကမ်းစပ်ကို ဘယ်တော့မှမလာတော့ဘူး အမေ။

AddThis Social Bookmark Button


သိုးလေးနှင့် ဘလော့  

December 03, 2007

သိုးလေးနှင့် ဘလော့
      ဘလော့ဂါတွေရဲ့ ဘလော့နဲ့ပတ်သက်တဲ့အကြောင်းတွေကို မှန်ဘီလူးတစ်လက်နဲ့ ဦးစံရှားလုပ်နေတဲ့ မကပ်သော ကိုပီကေက သိုးမလေးဆီမှာ သဲလွန်စ ဘာများတွေ့တယ်ရယ်မသိဘူး၊ ရှိတာအကုန်ထုတ် သိုးလေး တဲ့၊ အဲလေ... tag ထားတယ်တဲ့။ ဒါနဲ့ သိုးလေးတစ်ယောက် တအားပျော်ပေါ့ (ရေးစရာတစ်ခုရပြီဆိုပြီးတော့)။ သိုးလေး ဘလော့လုပ်တာ တစ်နှစ်ပြည့်တော့မယ်လေ။ ဘလော့လုပ်ဖြစ်ပုံကတော့ မယမင်းက သူ ဘလော့တစ်ခုလုပ်ထားတယ်။ ကြည့်ပြီး ဝေဖန်ပါ၊ အကြံပေးပါလို့ပြောတာနဲ့ သိုးလေး ကြည့်ကြည့်တော့ အရမ်းသဘောကျတယ်။ အဲဒါနဲ့ မယမင်းကို အပူကပ်ပြီး ဘလော့တစ်ခုဆောက်တယ်။ အဲဒီတုန်းက ဘလော့ကို ပြုပြင်ရမှာ နားမလည်တာနဲ့ ဘလော့တစ်ခုလုပ်လိုက်၊ မကြိုက်လိုက်၊ နောက်တစ်ခုလုပ်လိုက်နဲ့ အေးချမ်းသူ ဆိုတော့မှ အတည် ဖြစ်သွားတယ် (သုံးခုမြောက်ပေါ့)။ နေမြင့်လေ အရူးရင့်လေ ဆိုသလို ဘလော့လုပ်တာ ကြာလေ ဘလော့ကို ဖြတ်မရလေပဲ (တစ်ခါတစ်ခါ စိတ်ကူးမိတာလေ)။ ကိုပီကေက tag တဲ့သူဆိုတော့ ကိုပီကေနဲ့ နှိုင်းပြောရမယ်။ သိုးလေးလည်း ကိုပီကေ့လိုပဲ ဘလော့မှာ ပို့စ်မတင်ရရင် တစ်ရက်ကနေ နှစ်ရက်ဆို မနေနိုင်တော့ဘူး။ ခံစားချက်ချင်း တူတယ်။ ပြီးတော့ အပြင်မှာမပြောရသမျှ ဘလော့မှာ အတိုးချပြီး ရေးလို့ရတယ်လေ။ ကဗျာနဲ့တစ်မျိုး၊ စာနဲ့တစ်မျိုးပေါ့။ သိုးလေး မေးကြည့်ဖူးသမျှ ဘလော့လုပ်တဲ့သူ တော်တော်များများ သဘောကောင်းကြတယ်။ သိုးလေးက သိချင်တာရှိရင် တစ်ယောက်ပြီးတစ်ယောက် လိုက်မေးတာလေ။ွှWeb နဲ့ ပတ်သက်လို့လည်း ဘာမှမသိပေမဲ့ အရမ်းစိတ်ဝင်စားတာ။ အခြေခံလေးတက်ပြီးကတည်းက သိချင်တာတွေ ပိုများလာပြီး အမေးအမြန်းထူလွန်းလို့ တော်တော်များများတောင် စိတ်ညစ်နေကြမလားမသိဘူး။ တော်ကြာ သိုးမလေး ဟေ့ ဆိုရင် ရှောင် ရှောင် ရှောင် ဖြစ်နေမှာစိုးလို့ ခုတော့ သိပ်မမေးတော့ဘူး... ဟီးဟီး... မမမိုးချစ်သူက သူငယ်ချင်းနဲ့ပတ်သက်လို့ သိုးလေးကို tag တာတောင် ခုတလော ဘလော့ကို ဆော့စရာလို ဆော့နေတဲ့ ချစ်ညီမလေး တဲ့၊ ပြောတော့မပေါ့... မမမိုးချစ်သူလည်း မေးခံထိထားတာကိုး။ မှတ်မှတ်ရရ ညတုန်းက အိပ်မက် မက်တယ်။ မနေ့က တန်းပလိတ်နဲ့ပတ်သက်လို့ သိုးလေး မေးတော့လေ သင်ပေးတဲ့သူ တော်တော်စိတ်ညစ်သွားမယ်ထင်တယ် (နာမည်ြေ့ပာရင် သူက စိတ်ဆိုးမလားပဲ :) )။ သူက တန်းပလိတ်ထဲမှာ ဟိုဟာရှာခိုင်းလည်း သိုးလေး တန်းပလိတ်ထဲမှာ မရှိဘူး၊ ဒီဟာရှာခိုင်းလည်း မရှိဘူး၊ page element မှာထည့်ဖို့ coding ပေးတော့လည်း သိုးလေးဆီမှာ အဲဒီ page element ဆိုတာကြီးကို မရှိဘူးလို့ ပြောလိုက်တော့ လက်မြှောက်သွားရော... ဟဲဟဲ... အဲဒီလို အဲဒီလိုနဲ့ သူ့ကို အပြင်မှာလည်း မမြင်ဖူးဘဲနဲ့ အိပ်မက်ထဲမှာ သူနဲ့ ရန်ဖြစ်ရပါရော... ဟားဟား... သိုးလေးဘလော့ကြီး သူ လုပ်လိုက်လို့ ပျက်စီးသွားတယ်တဲ့လေ။ အိပ်မက်ထဲမှာ သူ့ကို ဘာပြောလိုက်လဲ သိလား၊ ကိုပေကီနဲ့ မမမိုးချစ်သူ tag ထားတာ သိုးလေး မရေးရသေးဘူး။ အဲဒီဘလော့ကြီး ပြန်ကောင်းအောင်လုပ်ပေး ဆိုပြီး အော်တာပေါ့။ သူကလည်း မခေဘူး၊ တစ်ခွန်းမခံ ပြန်ပြောတယ်။ ကြောက်မယ်မထင်နဲ့ ခြေထောက်တွေ၊ လက်တွေ အလကားထားတာ မဟုတ်ဘူး။ ခြေထောက်က ပြေးဖို့၊ လက်က ထိုင်ရှိခိုးဖို့တဲ့။ အဲဒါနဲ့ သူ့ကို ဘာထပ်ပြောရမယ်မသိဖြစ်နေတုန်း ခြောက်နာရီထိုးနေပြီ၊ ဘုရားထရှိခိုးတော့ ဆိုတဲ့ မွေးမေမေရဲ့ အသံကြောင့် နိုးသွားရော။ အဲဒါ ကိုပီကေ့ရဲ့ tag ကို ဘယ်လိုရေးရမလဲဆိုတာ စဉ်းစားရင်းနဲ့ အိပ်မက် မက်တဲ့အထိ ဖြစ်သွားရတာလေ။ တစ်နည်းပြောရရင် ဘလော့ကြီးအပေါ် သက်ရောက်တဲ့ သိုးလေးရဲ့စိတ် ဘယ်လောက်များတယ်ဆိုတာပေါ့။ ကိုပီကေ... ကျေနပ်ပါတယ်နော်...
      (သိုးလေး ပေါက်ကရမေးသမျှ စိတ်လိုလက်ရ ပြန်ဖြေကြတဲ့ ချစ်သော ဘော်ဘော်တွေကို သိုးလေးက ဒီပို့စ်လေးကနေပဲ ကျေးဇူးတင်လိုက်ပါတယ်နော်...)

AddThis Social Bookmark Button


December 02, 2007

THE QUIET LIFE



Thus let me live, unseen, unknown
Thus let me die,
Steal from the world, and not a stone,
tell where I lie.

ALEXANDER POPE



အဲဒီလို လူမသိ သူမသိ နေချင်လှ
အဲဒီလို လူမဆွေး သူမဆွေး သေချင်ပ
လူသူလေးပါး တိတ်ချိန်ကျ လောကကြီးက ထွက်ခွာမှ
ငါလျောင်းရာ ဘာကျောက်တိုင်မှ မပြ။

ဦးခင်မောင်လတ်

AddThis Social Bookmark Button


နှင်းချစ်တဲ့ ဖေဖေ... သို့...  

November 28, 2007

နှင်း ချစ်တဲ့ ဖေဖေ... သို့...


ဆောင်းပန်းချီကားတစ်ချပ်

အသက်ဝင်လာပြန်ပြီ အဖေ

ဟိုးတစ်ချိန်ကတော့

နေရာလေးတစ်နေရာမှာ

အဖေရယ် သမီးရယ်

ချစ်တဲ့နှင်းရည်တွေလူးလို့

ဆောင်းဦးရဲ့ အေးမြတဲ့ရနံ့ပါတဲ့

လေပြည်လေးတွေ ရှူရှိုက်ရင်း

ဆောင်းကို ကြိုဆိုခဲ့ကြတယ်။



ကျယ်ပြောလှတဲ့ ကွင်းပြင်ကျယ်ကြီးမှာ

လှပစွာကျလာတဲ့ နှင်းတွေအောက်

ကျောက်ရုပ်လိုရပ်ရင်း

တစ်ယောက်ကိုတစ်ယောက်ထွေးဖက်

အပြုံးတွေယှက်လို့

အပျော်ရွှင်ဆုံးအချိန်တွေကို ဖြတ်သန်းခဲ့ကြတယ်။


သမီးကို အသနားပိုတဲ့အဖေနဲ့

အဖေ့ကို အချစ်ပိုခဲ့ရတဲ့ သမီးတို့ရဲ့ဘ၀

နှင်းတွေက စာနာပေးကြတယ်လေ

ကမ္ဘာလောကကြီးမှာ တိတ်ဆိတ်စွာမွေးဖွားလာခဲ့တဲ့

သမီးရဲ့ရင်တွင်းငိုရှိုက်သံတွေကို

အဖေတွန်းအားပေးတဲ့အခါ

နှင်းတွေထဲမှာ သွန်ချတယ်

နှင်းဟာ သမီးအတွက်တော့

အဖေပေးတဲ့ တီးတိုးဖော်ပါပဲ။


အဖေချစ်တဲ့ နှင်းတွေထဲမှာ

ထာဝရအိပ်စက်ရလိမ့်မယ်လို့

အဖေလည်း ဘယ်တုန်းကမှ

မတွေးခဲ့ဖူးဘူး မဟုတ်လား

အဲဒီ့တုန်းက

အဖေ့ဆန္ဒ ပြည့်ဝခဲ့တာလား

နှင်းလေးတွေကပဲ အဖေ့ကို

သမီးဆီကနေ ထာဝရသိမ်းပိုက်သွားတာလား

သေချာတာတော့ နှင်းတွေနဲ့အပြိုင်

သမီး မျက်ရည်ဖြိုင်ဖြိုင်ကျခဲ့ရတာပဲ

အဖေသိမယ်ထင်ပါတယ်

သမီးကို ကိုင်ထားတဲ့အဖေ့လက်

နှင်းတွေထက် ပိုအေးစက်နေတယ်လေ။


အဖေ အမြတ်နိုးဆုံးခေါ်ဝေါ်တတ်တဲ့

သမီးလေး နှင်း ဆိုတဲ့အသံ

ဘယ်နေရာကမှ မကြားရတော့သလို

သမီးကိုယ်တိုင်လည်း အဲဒီအချိန်ကစလို့

ပကတိ တိတ်ဆိတ်ခြင်းထဲမှာပဲ

ပျောက်ဆုံးနေခဲ့ရတယ်။


အဖေမရှိဘဲ တစ်ကိုယ်တော်မိတ်ဖွဲ့ခဲ့တာ

ခုဆို ကိုးနှစ်တောင်ရှိပြီ အဖေ

ဒီနေရာမှာ အဖေချစ်တဲ့ နှင်းတွေ မကျတတ်ဘူးတဲ့

သမီးရဲ့အလွမ်းကို ကိုယ်ချင်းစာလို့ထင်ပါရဲ့

ဒါပေမဲ့ သမီးကတော့ နှင်းတွေကို ရှာဖွေနေဆဲပဲ

အသည်းအသန်ပါပဲ အဖေ

နှင်းတွေနဲ့အတူ အဖေများ သမီးရှေ့မှာ ပေါ်လာမလားလို့ပေါ့

အဖေရယ်... သမီးရယ်... ချစ်တဲ့ နှင်းတွေရယ်...

အဲဒီနေရာလေးမှာ ပြန်ဆုံပါရစေလား အဖေ... ... ...

AddThis Social Bookmark Button


အတိတ်ဘ၀  

November 26, 2007

အတိတ်ဘ၀

စက်ဘီးကိုယ်စီယှဉ်ပြိုင်နင်းလို့
တူညီရာ ဖြူ စိမ်း ၀တ်စုံလေးတွေနဲ့
ဆရာဝန်မကြီးလုပ်မယ်
အင်ဂျင်နီယာကြီးလုပ်မယ်ဆိုတဲ့
တစ်ယောက်တစ်ပေါက်ပြောသံတွေကြား
အနာဂတ်ဆိုတာကို မေ့လျော့
အဲဒီခဏတော့ တကယ့်ကို ပျော်ခဲ့ကြရတယ်။

ပြောင်းသွားတဲ့ရာစုနှစ်တွေကြား
မအားမလပ်သူတွေနဲ့
ထားခဲ့ရက်သူတွေနဲ့
အသက်တမျှချစ်ပါတယ်ဆိုတဲ့ သူငယ်ချင်းကတောင်
မျိုးဆက်သစ်တွေပွားလို့
ငါတို့ တကယ်ကို ဝေးသွားခဲ့ကြပါလား။

လျှောက်ခဲ့ဖူးကြတဲ့ ခြောက်သွေ့တဲ့လမ်းမထက်
ခုချိန်ဆို မြေသင်းနံ့ ဆွတ်ပျံ့နေမလား
ကောက်ခဲ့ဖူးကြတဲ့ ခရေပွင့်ကလေးတွေများ
ခုချိန်ဆို သူတစ်ပါး ခူးခြွေနေမလား
အခါခါတွေးရင်းနဲ့ သတိရမိတယ်
ငါတို့ရဲ့ ကျောင်းဝတ်စုံလေးကိုရောပေါ့။

တစ်ခါတစ်ခါတော့လည်း
ပေတံစောင်းနဲ့လက်ဆစ်ခေါက်လို့
နာကျင်ခဲ့ဖူးတဲ့ လက်ချောင်းကလေးတွေကို
ယောင်ယမ်းပြီး ပွတ်မိသလို
အလှအပဆိုတာမရှိ
စကတ်ဇစ်ပြုတ်တာတောင် မသိဘဲနဲ့
ခပ်တည်တည် ဆုတက်ယူခဲ့တဲ့ ကိုယ့်ကိုယ်ကိုယ်
ရှက်ပြုံး ပြန်ပြုံးမိတယ်။

တစ်ခါတလေ
အတွေးတွေ ချောင်ပိတ်မိတဲ့အခါ
အင်အားကုန်သုံးလို့ မိုးလုံးပြည့် အော်ဟစ်ချင်မိတဲ့အခါ
မရနိုင်မှန်းသိပေမဲ့ တပ်မက်မိတဲ့အခါ
အာရုံစွဲပုံရိပ်တစ်ခုနဲ့ ရင်ကိုအေးမြစေခဲ့ရတယ်
ဖြူ စိမ်း ၀တ်စုံလေးကိုယ်စီနဲ့ တို့တစ်တွေလေ...

ဘ၀ရဲ့ရှေ့ပြေးသင်ခန်းစာတွေမှာ
လေ့လာမှုအား နည်း များ ပေါ် မူတည်လို့
ငါတို့ဘ၀တွေ မတူညီကြပေမဲ့
ပြန်လည်မက်ခွင့်ရှိမယ်ဆိုရင်
အားလုံးမက်ချင်ကြတဲ့ အိပ်မက်ကတော့
ထပ်တူကျမယ်လို့ ယူဆမိတယ်
ပျော်ရွှင်စရာတွေ၊ ရင်ခုန်စရာတွေ
မျှော်လင့်ချက်တွေ၊ စိတ်ကူးအိပ်မက်တွေ
အနူးညံ့ဆုံးနှလုံးသားနဲ့ ခံစားခဲ့ကြတဲ့
ကျောင်းသားဘ၀လေး...

လွမ်းတယ် သူငယ်ချင်းတို့ရယ်...

AddThis Social Bookmark Button


သိုးလေးနှင့် အင်္ဂလိပ်စာခြေလှမ်းသစ်  

November 21, 2007

သိုးလေးနှင့် အင်္ဂလိပ်စာခြေလှမ်းသစ်

template ကို ပြုပြင်တဲ့အခါ အများကြီး မမြင်ဖူးတာတွေ မြင်ရ၊ မသိတာတွေ သိရတယ်။ ငါ အဲလောက် တုံးပါလားလို့လည်း တွေးမိတယ်။ ကိုယ်ပြင်ချင်တာက background ဆို အဲဒါကို templage ထဲမှာ ရှာရတာ တော်တော်မလွယ်ဘူး။ စာလုံးသေးသေးလေးတွေကို အပေါ် အောက် မူးနေအောင် ရှာရတာ။ အဲဒါနဲ့ စိတ်ထဲမှာ ပုံမှန် find ဆို F3 နှိပ်တာ ဒီမှာရော ရလားမသိဘူးဆိုပြီး နှိပ်ကြည့်လိုက်မှ ရှာလို့ရမှန်းသိတယ်။ find နဲ့ရှာတာ ကိုယ့်အတွက် ထိရောက်တယ်၊ မြန်တယ်။ html အကြောင်း လေ့လာပြီဆို w3schools နဲ့ လွတ်တဲ့လူ ရှားတယ်လို့ဆိုရလောက်အောင် သူ့ရဲ့ စွမ်းအင်က ထိရောက်တယ်။ လေ့လာသူပေါ်မူတည်ပြီး အခြေခံကနေ professional တစ်ယောက်ဖြစ်အောင်ထိ သင်ပေးနိုင်တယ်လို့ ဆရာက ပြောလို့ ဖွင့်ကြည့်ဖူးတယ်။ တစ်ခါကြီးများတောင်ပဲ။ ခပ်တည်တည်နဲ့ print ထုတ်ပြီး အိမ်မှာ လေ့လာမယ်ပေါ့။ ဆရာပြောခဲ့သလိုပဲ လေ့လာသူပေါ် မူတည်ပါတယ်။ ဘယ်အရာမဆို စိတ် ရှိရုံနဲ့ မပြီးဘူးလေ။ လက်တွေ့ ကလည်း အရေးကြီးတယ်မဟုတ်လား။ ဖြစ်ချင်တာတွေများပြီး ဘာတစ်ခုမှ ဟုတ်တိပတ်တိ လက်တွေ့အကောင်အထည် မဖော်တာဟာ သင်ဆရာ၊ မြင်ဆရာ၊ ကြားဆရာတွေနဲ့ မဆိုင်တော့ဘူး။ ကိုယ်ကိုယ်တိုင်နဲ့ပဲ ဆိုင်တော့တာလေ။ အလုပ်တစ်ဖက်နဲ့မို့ပါလို့ ကိုယ့်ကိုယ်ကိုယ် ဖြေသိမ့်ပေမဲ့လည်း အကြောင်းပြချက် သက်သက်ပါ ဆိုတာ သိနေတော့ ခက်သား။ ခုတော့ အင်္ဂလိပ်စာလေ့လာဖို့ အချိန်တစ်ခုက လိုလာပြန်ပြီ။ တကယ်က ကိုယ့်အသက်အရွယ်ဆိုတာ ငယ်တော့တာ မဟုတ်ဘူး။ ဒီအရွယ်မှာ ငါဟာ ဘာလဲဆိုတာ ပြောလို့ရသင့်တဲ့အရွယ် ရောက်နေပြီလို့ သိုးလေးတော့ ထင်တယ်။ အင်္ဂလိပ်စာကို တကယ်လေ့လာပြီဆို ဆရာသင်တာလည်း သင်တာပေါ့။ ကိုယ်တိုင် self study ကလည်း အရေးကြီးတယ်လေ။ ကိုရဲနိုင်စိုးကိုလည်း ကျေးဇူးတင်ရတယ်။ သူ့ဘလော့က download လုပ်ထားတဲ့ စာအုပ်လေး၊ A4 နဲ့တွက်ရင် 269 မျက်နှာ ရှိတယ်။ ပထမဦးဆုံး လေ့လာဖို့ ကိုယ့်အတွက် အသင့်တော်ဆုံးလို့ထင်တာပဲ။ ဝေးကွာနေတာ ကြာပြီဖြစ်လို့ ကလေးတွေလို ပြန်လုပ်ရမှာလေ။ 4 skills မှာ အညံ့ဆုံးက listeing လို့ ကိုယ့်ကိုယ်ကိုယ် သုံးသပ်မိတာပဲ။ ဒါကြောင့် listening အတွက် ဘယ်ကစပြီး ဘယ်လိုပြင်ဆင်ရမှန်းကိုမသိဘူး။ ကွန်ပျူတာနဲ့ နားထောင်ရတဲ့ CD တွေကျတော့လည်း မီးပျက်တာနဲ့သိပ်မကိုက်ဘူး။ mp3 တွေဆို တော်တော်အဆင်ပြေမယ်ထင်တာပဲ။ ကိုရဲနိုင်စိုးကတော့ သူ့ဘလော့မှာ တင်ပေးမယ် ပြောတယ်။ ဘော်ဘော်တို့လည်း လမ်းသိရင် ညွှန်ပေးပါဦးနော်။ speaking ကျတော့ အညံ့ဆုံးဆိုတာနဲ့ level တူနီးပါး... ဟဲဟဲ... မရဘူးဆိုပါတော့။ စိတ်ဓာတ်မကျပါ... ကြိုးစားပါမည်ပေါ့။ reading နဲ့ ပတ်သက်လို့ ဖတ်သင့်တယ်ထင်တဲ့ စာအုပ်လေးတွေရှိရင်လည်း ပြောပြပါဦး။ ခုမှ ကျောင်းတုန်းက စာအုပ်တွေ ပြန်လှန်ဖတ်တော့ အိမ်က မာမီမားသားက ဆူတော်မူသကွဲ့။ တော်တော်စာကျေခဲ့တာပဲတဲ့။ ကျေ မကျေ မသိဘူး တော်တော်တော့ ကြေ နေပြီ (စာအုပ်)။ အမေကတော့ ၀မ်းသာနေရှာတယ်။ အိမ်ပြန်တာ သိပ်နောက်ကျမှာ မဟုတ်တော့လို့လေ။ နင်လည်း သွားချင်ရာ သွားနေတာ။ ငါ့ကိုတော့ စိတ်မပူနဲ့လို့ လာမပြောနဲ့တဲ့။ ဟုတ်ပေသား။ မိဘကိုး။ စကားမစပ် ကိုစိုးထက်ကတော့ အားပေးတယ်။ ကြိုးစား sis တဲ့။ ဒါနဲ့ ကိုစိုးထက်ကို ဘယ်အရွယ်မှာ အင်္ဂလိပ်စာ အရမ်းကျွမ်းသွားတာလဲဟင်လို့ အင်တာဗျူးတော့ 7 တန်း ကတည်းက တစ်နေ့ကို essay တစ်ပုဒ် ရေးခဲ့ရတာတဲ့။ မတူလိုက်ပုံများ... သိုးလေး 10 တန်းဖြေတုန်းကဆို essay ကို လက်တန်းရေးတာမှန်ပေမဲ့ အသက်ရှူမှားမတတ် ရေးခဲ့ရတာလေ။ ကိုစိုးထက်ကတော့ အဲဒီအချိန်မှာ ထမင်းစား ရေသောက်သလို ဖြေခဲ့ရမှာပဲလို့တောင် တွေးမိသေးတယ်။ လက်တွေ့ဘ၀ကြီးနဲ့ ရင်ဆိုင်တဲ့အခါမှာ ကိုယ်စိတ်ကူးယဉ်တာတွေချည်း ဖြစ်လာမှာမဟုတ်ဘူးလေ။ ဒါကြောင့် နောက်ဆို ဘလော့ကို အရင်လို နှစ်ရက်ခြားတစ်ခါတောင် လုပ်ဖြစ်မယ်မထင်ဘူး။ တစ်ပတ်ကို တစ်ခါတော့ ပုံမှန်လုပ်ဖြစ်မှာပါ။ ဘလော့နဲ့ပတ်သက်ပြီး ရခဲ့တဲ့ ဗဟုသုတတွေ၊ မိတ်ဆွေတွေကို တန်ဖိုးထားတယ်။ အသိတစ်ယောက်က ပြောတယ်။ အလကားရတဲ့ free website ကို ယူပြီးတော့များ မြန်မာဘလော့ဂီ တို့ချစ်သည် လုပ်နေသေးတယ် တဲ့။ အဲဒီလိုပြောချင်လည်း ပြောနိုင်ပါတယ်။ ကိုယ့်အတွေးနဲ့ ကိုယ်ပေါ့။ ဘယ်လိုပဲဖြစ်ဖြစ် အသိပညာတွေ ဖလှယ်၊ အတွေးအမြင်တွေ လွတ်လပ်စွာ ရေးသား၊ စိတ်ကူးတွေ ပုံဖော်လို့ ဘလော့ကြီးကတော့ ရေရှည်တည်မြဲနေမှာပါပဲ။

AddThis Social Bookmark Button


မနက်ဖြန်ဆိုတာ ရှိခဲ့ရင်...  

November 18, 2007

မနက်ဖြန်ဆိုတာ ရှိခဲ့ရင်...

အနားသတ်မညီညာတဲ့ ကောင်းကင်

အလင်းညှိမထားတဲ့ ကြယ်တွေနဲ့

မပြည့်ဝတဲ့ လ

အဲဒီညရဲ့

သာမန်လက်ဖက်ရည်ဆိုင်လေးထဲက

အရောင်လွင့် တိမ်ဖျော့ ကျွန်တော်

သီချစ်းတစ်ပုဒ်အတွက် အသင့်ဖြစ်နေတဲ့

ကြိုးညှိပြီးသား ဂစ်တာတစ်လက်နဲ့

သီချင်းရေးစပ်ဖို့ အဖြူရောင်စာရွက်တစ်ရွက်

ဒါ ကဗျာတစ်ပုဒ်ပဲလား...


ပြီးဆုံးခြင်းပြည်ဖုံးကားနောက်မှာ

ကျွန်တော်တို့ဘ၀တွေ ရေးဆွဲခဲ့ကြတယ်

အရောင်အသွေးတွေလည်း စုံလင်တယ်

...........................

...........................

...........................


ခွင့်လွှတ်ပါ

မနက်ဖြန်ဆိုတာရှိခဲ့ရင်

မနက်ဖြန်မှ ဆက်ကြတာပေါ့။

AddThis Social Bookmark Button


November 16, 2007

သိုးလေး အရှုပ်ကလေးတွေ လုပ်နေလို့... ဘလော့ကိုလေ အောက်ခံ ပြောင်းဖို့၊ ဘန်နာတင်ချင်လို့... အဟဲ... တစ်ခုမှတော့ မဖြစ်သေးဘူး... ကြိုးစားဆဲ။

AddThis Social Bookmark Button


ရင်တွင်းဖြစ်  

November 13, 2007

ရင်တွင်းဖြစ်

၂၁ ရာစုရဲ့သမီးပျို
ရန်ကုန်ကို စစ်မြေပြင်လို သဘောထားတဲ့ ငါ
အဲဒီလမ်း ပင်ပန်းမှာလည်း မကြောက်ဘူး
ကြမ်းတမ်းမှာလည်း မကြောက်ဘူး
ငါကြောက်တာ မလျှောက်လှမ်းရမှာပဲ။

ရည်မှန်းချက်နဲ့ စွမ်းဆောင်ရည်ကို
မိဘအလိုကျ အိမ်မှာအလှပြထားမှ
အဲဒါ သမီးလိမ္မာတဲ့လား...
"မပြောချင်လို့ ကြည့်နေတာ ကြာပြီ" လို့ အပြောခံရလောက်အောင်
ငါ အတော့်ကို ဆိုးရွားနေပြီလား...
"တဇွတ်ထိုး တဇောက်ကန်း" ဆိုတဲ့ ဘွဲ့က
ငါ့အတွက် မြင့်များ မြင့်နေသလား...

ကျယ်ပေမဲ့ ကျဉ်းလွန်းတဲ့ မြို့ပြဟာ
ပါးစပ်တစ်ပေါက်နဲ့ အသက်ရှူတဲ့လူလို
ငါ့အတွက်တော့ ရှူ၍မ၀နိုင်သော လေပဲ။

နေရောင်ပျောက်ရင် မျက်စိအောက်ရောက်နေမှ
စေရာသွား ခိုင်းရာလုပ်
အရုပ်တစ်ရုပ်လိုဖြစ်နေတဲ့ငါ့အတွက်
တနင်္ဂနွေတွေ သေဆုံးခဲ့တာ ကြာပြီ။

Helen Keller နဲ့အတူ ဘ၀တိုက်ပွဲဝင်ခဲ့တဲ့
Anne Sullivan လို
တစ်ခါတစ်ရံတော့ အမေ့ကို အားကိုးချင်တယ်။

ကောင်းကင်ဘုံမှာ နေသားကျနေမယ့်
အဖေ့ရဲ့ရင်ခွင်ကျယ်မှာ
တစ်ခါတစ်ခါ ခိုနားချင်တယ်။

မလိုအပ်ဘဲ စွမ်းအင်တွေ မကုန်ခမ်းစေဖို့
မျက်ရည်မကျတတ်အောင် သင်ပေးခဲ့တဲ့
ငါ့ဘ၀ကြီးကို ငါလေးစားတယ်
အမှောင်တွင်းက အလင်းရစေဖို့
ငါ့ညကို ငါထွန်းပမယ်
ဒါပေမဲ့
အဲဒီညအတွက် အသက်ဆက်ဖို့
အမေ့ရဲ့အပြုံးတစ်ချက်တော့
အမှန်လိုအပ်တယ်။

AddThis Social Bookmark Button


ဝိညာဉ်ရှိ ရုပ်သေးရုပ်များ  

November 12, 2007

ဝိညာဉ်ရှိ ရုပ်သေးရုပ်များ

ဘ၀ပုံစံကို ပြောင်းပစ်ရမယ်တဲ့။
သူတို့က ဘ၀အကြောင်း ဘယ်လောက်သိလို့လဲ။
ဘ၀ရဲ့အသက်ရှူသံကို သူတို့ ကြားဖူးလို့လား။
ဘ၀ရဲ့နှလုံးခုန်သံကို သူတို့ နားထောင်ဖူးလို့လား။

သူတို့ ဘာတွေ ဘယ်လောက်မြင်ဖူးလို့လဲ။
သူတို့က ဘ၀ဆိုတာ ကုန်ကြမ်းပစ္စည်းတစ်ခုလို့ ထင်နေကြတယ်။
သူတို့ပြုပြင်လိုက်ရင် ကုန်ချောဖြစ်သွားလိမ့်မယ် ထင်နေကြတယ်။
သူတို့ ဂုဏ်တင်လိုက်ရင် ဘ၀တစ်ခု မြင့်တက်သွားလိမ့်မယ်လို့ ထင်နေကြတယ်။
ဒါပေမဲ့ ဘ၀ဆိုတာ ပစ္စည်းတစ်ခု မဟုတ်ဘူး။
ဘ၀ဆိုတာ ဘယ်သူကမှ ပြောင်းပေးစရာမလိုဘူး။
သူ့ဘာသာသူ အမြဲပြောင်းနေတာ။ ရွေ့လျားနေတာ။
ငါတို့သိထားတဲ့ ပြောင်းလဲခြင်း သီဝရီတွေထက် အဆမတန် ကျဉ်းတဲ့
ထောင့်ချိုးမျိုးတွေနဲ့ ကွေ့ဝိုက်ပြောင်းလဲနေတာ...

သူတို့က သူတို့နဲ့အတူ သီချင်းတွေ သံပြိုင်လိုက်ဆိုနေမှ...
သူတို့တွေးသလို တွေး...
သူတို့မြင်သလို မြင်မှ...
အဲဒီအတွေးအမြင်တွေက လူတွေရဲ့ ခေါင်းထဲမှာ၊ လည်ချောင်းထဲမှာ ပြည့်ကျပ်
ပြွတ်သိပ်နေပြီ။
သူတို့ပါးစပ်က စကားလုံးကြီးတွေနဲ့ အမြှုပ်ထွက်အောင် ပစ်ပေါက်နေကြတယ်။
ဒါပေမဲ့ အရေးကြီးဆုံး အချက်ကို သူတို့ မေ့နေကြတယ်။
အဲဒါ အင်အားသုံးပြီး ဘယ်တော့မှ အချစ်ခိုင်းလို့
မရဘူး
ဆိုတာပဲ။

(မှီငြမ်း --> Pasternak ၏ Dr. Zhivago နှင့် ဆရာ
တင်မောင်မြင့်၏ ကမ္ဘာကျော်တို့၏ ပုံရိပ်များ)

AddThis Social Bookmark Button


ငါနှင့် ငါမဟုတ်တဲ့ ငါ  

November 10, 2007

ငါနှင့် ငါမဟုတ်တဲ့ ငါ

ငါ့ခန္ဓာထဲမှာ
ငါနှင့်အတူ
ငါဆိုတဲ့
မကောင်းဆိုးဝါးကိုယ်ပွားရှိနေတယ်
ခုမှတော့မဟုတ်ဘူး
ကြာခဲ့ပြီ
မွေးကတည်းကဆိုပါတော့
ငါ့ရဲ့မျှော်လင့်ခြင်း
ငါ့ရဲ့စိတ်ကူး
ငါ့ရဲ့အိပ်မက်
ငါ့ရဲ့ရပ်တည်ချက်
အားလုံးကို ချေဖျက်တယ်
အဆုံး
ငါ့မွေးရာပါ ဦးနှောက်ညာဏ်တောင်
ညံ့ဖျင်းအောင်လုပ်တယ်
ငါ့ဖန်တီးမှု
ငါ့ပြီးပြည့်စုံမှု
ငါ့လွတ်လပ်မှု
ဘာတစ်ခုမှမချန်တဲ့အပြင်
ငါ့ဒုက္ခတွေကိုဝေမျှဖို့
ပြောဆိုခွင့်တောင်မပေးဘူး
ငါ့ကိုယ်ထဲက ငါ့ကို
အပြီးအပိုင်ထုတ်ပစ်လိုက်ဖို့လည်း
ငါမတတ်နိုင်ခဲ့ဘူး
ငါဟာ ငါနှင့်အတူ
အမြဲရှိနေတယ်
သေဆုံးချိန်တိုင်အောင်ပဲ။

Who Am I ရဲ့ The concept of "I" and "Me" နဲ့ တခြားစာသားလေးကို ဖတ်မိပြီး အတွေးဝင်သွားလို့ ရေးဖြစ်တာပါ။

AddThis Social Bookmark Button


ရပ်တည်ချက်  

November 09, 2007

ရပ်တည်ချက်

မညီမျှခြင်းရလာဒ်ကို မကျေနပ်တိုင်း

အိုင်းစတိုင်းကို စော်ကားတာမဟုတ်သလို

အပြုံးတစ်ခုကို မချင့်မရဲဖြစ်တာလည်း

မိုနာလီဇာကို သရော်တာမဟုတ်ဘူး

ကဗျာရေးတဲ့လက် ထမင်းမငတ်သလို

အိပ်မက်တွေမက်တိုင်းလည်း သေဆုံးမသွားတတ်ဘူး။

AddThis Social Bookmark Button


လွတ်လပ်ကောင်းကင်  

November 05, 2007

လွတ်လပ်ကောင်းကင်

ငါဆွဲတဲ့ ပန်းချီကား
စုတ်ချက်တွေ များတယ်
ဆေးရောင်တွေ ကြောင်တယ်
အရောင်တွေ မှောင်တယ် လင်းတယ်

ငါရေးတဲ့ကဗျာ
ကာရန်မညီညာဘူး
သဘာဝနဲ့ အံဝင်ခွင်ကျမဖြစ်ဘူး
အမျိုးမျိုး ဝေဖန်ခွင့်ရှိတယ်မိတ်ဆွေ

ဝင်ရိုးစွန်းချင်းတူရင်
တွန်းကန်တတ်ပေမဲ့
ငါကတော့
ခေါင်းလေး ငဲ့
ခါးလေး လှည့်လို့
တူညီရာဝင်ရိုးစွန်းမှာပဲ
ပျော်ပျော်ကြီးလွင့်မျောချင်တယ်
ဒါက
လွတ်လပ်ကောင်းကင်လေ။

AddThis Social Bookmark Button


Apologize to all  

November 04, 2007

I cannot read any blog and make any post for my blog these days as I
have exam next week. And then Internet connection is so bad. So I
cannot check only mail. I really apologize to all bloggers. Thanks so
much for being visit to my blog.
May you all' be always happy.
With Best Wishes

AddThis Social Bookmark Button


ပုံစံ  

October 30, 2007

ပုံစံ

အနားသတ် မညီညာ
ဆာလောင်တဲ့ နှုတ်ခမ်း
ပန်းလျတဲ့ အသွင်နဲ့
ယဉ်ယဉ်ကလေး လှနေတဲ့
လောက။

ကဗျာဟာ အသွေး
အိပ်မက်ဟာ အသား
စက်ထည့်ထားတဲ့ နှလုံးသားနဲ့
အေးစက်စက်ဝတ်ရုံ
ခြုံလွှမ်းထားတဲ့
ငါ

AddThis Social Bookmark Button


လူအများပို့သတဲ့ မေတ္တာကြောင့် သိုးလေး ဒီနေ့ စာမေးပွဲ ကောင်းကောင်းဖြေနိုင်ပါတယ်။ လာမယ့် တနင်္ဂနွေက စလို့ အားပြီလေ။ အဲဒီကျမှ အတိုးချပြီး ဘလော့ရတော့မယ်။ သိုးလေးမရှိတုန်း ရင်တွင်းစကားတွေ ပြောကြားသွားတဲ့ မောင်နှမတွေကို ကျေးဇူးအများကြီးတင်ပါတယ်။

AddThis Social Bookmark Button


အသံတိတ်ညည်းညူခြင်း  

October 25, 2007

အသံတိတ်ညည်းညူခြင်း

မထင်မှတ်တဲ့ တစ်နေ့ရဲ့
မသိလိုက်သော ဆက်သွယ်မှုတစ်ခုမှာ
သူနဲ့ ဆုံတွေ့မိတယ်
ကမ္ဘာရွာကို လေလှိုင်းပေါ်ကတစ်ဆင့်
စတင်အခြေချတဲ့နေ့ပေါ့။

နောင်တစ်ချိန်မှာ
အဆိုးဆုံးတွေမွေးဖွားလာစေမယ့်
အဦးအစအချိန်မှန်း
မသိခဲ့လိုက်ဘူးလေ။

ရင်ထဲကစကားလုံးတွေ
သူနှင့်ဆုံတိုင်း
ပျောက်ကွယ်ခဲ့ရတယ်
စကားပြောချင်တယ် ဆိုတဲ့
သူ့ရဲ့ မချင့်မရဲအသံတွေပါဝင်နေတဲ့
စကားလုံးတွေကိုမြင်ရတိုင်း
လှည့်လည်သွေးတွေတောင်
ဆုတ်ဆိုင်းကုန်ရတယ်။


ပွင့်လင်းစွာပြောသင့်ပေမဲ့
ပြောမထွက်ခဲ့ဘူး
မခိုင်လုံတဲ့အကြောင်းပြချက်ပေါင်းများစွာနဲ့
ရှောင်ပုန်းနေခဲ့တာ
သူ ယုံမှာမဟုတ်မှန်းလည်း သိပါတယ်။

သူနဲ့အဆုံးသတ်မယ့်နေ့ကို
အိပ်ပျက်တဲ့ညတွေက
ချေဖျက်လို့ရရင် သိပ်ကောင်းမယ်လို့
အခါခါတွေးမိတယ်။

ကမ္ဘာ့ရွာကြီးရဲ့ ဆက်သွယ်မှုတွေထဲမှာ
လေလှိုင်းပေါ်က အသံနဲ့တော့
မဆက်သွယ်နိုင်ခဲ့ဘူး
ဒါပေမဲ့ ဘယ်တုန်းကမှလည်း
စိတ်ဓာတ်မကျဖူးဘူး
သူနဲ့ မဆုံခင်အချိန်ထိပေါ့။

ရင်ထဲမှာ တစ်စတစ်စ
ခိုင်မာလာတဲ့ သံယောဇဉ်
သူ့ရဲ့သဘောထား
သေချာတာတွေအားလုံးဟာ
မရေရာမှုထဲမှာ
မျောပါးပျောက်ကွယ်လုလု...

ညတိုင်း ဆုတောင်းမိတယ်
သူနဲ့ တစ်စက္ကန့်လေးပဲဖြစ်ဖြစ်
စကားပြောခွင့်ရဖို့ပေါ့။

မပြည့်ဝစေမယ့် ဆန္ဒတစ်စုံအတွက်
ရင်ခွင်အစုံလည်း
နွမ်းလျလို့နေပြီလေ

ဒါတွေအားလုံးဟာ
အိပ်မက်ပမာသာဖြစ်ပါစေတော့...

AddThis Social Bookmark Button


ကျွန်မနှင့် ကောင်မလေး  

October 22, 2007

ကျွန်မနှင့် ကောင်မလေး

အသားဖြူဖြူ၊ လုံးလုံးလေးနဲ့ ကော့နက်နက်မျက်တောင်ပိုင်ရှင် ကောင်မလေးကို မြင်ရသူတိုင်းဟာ ချစ်စဖွယ် ကောင်မချောလေးအဖြစ် သတ်မှတ်ကြမယ့်အပြင် သူ့ဘ၀ကိုလည်း ချောမွေ့စွာဖြတ်သန်းခဲရလိမ့်မယ်လို့ မှတ်ချက် ချကြမှာ မလွဲဘူး။ တကယ်တော့ ဇနီးမောင်နှံနှစ်ယောက်အတွက် ဝေယျာဝစ္စလုပ်ပေးနေရတဲ့ ကောင်မလေးရဲ့ဘ၀ကို ဘယ်သူမှသိကြမယ်မဟုတ်ဘူး။ ကောင်မလေးဘ၀မှာ ချောချောမွေ့မွေ့မရှိခဲ့တဲ့အပြင် ယုယထွေးပိုက်ပေးမယ့် မိဘ တွေလည်း မရှိကြတော့ဘူးလေ။ အကြောင်းအရပ်အမျိုးမျိုးကြောင့် တိုက်ဆိုင်စွာ ကျွန်မနဲ့ ဆုံတွေ့လာခဲ့ရတဲ့ ကောင်မလေးကို ကျွန်မလည်း ညီမလေးတစ်ယောက်လို ချစ်မိတယ်။ "မရယ်... မသာ မရှိရင် သမီးလည်း ဒီမှာ မနေချင်ပါဘူး" တဲ့။ တစ်ခါတစ်ခါ ပျော်နေတတ်သလောက် တစ်ခါတစ်ခါ မှိုင်တွေနေတတ်တဲ့ကောင်မလေးကို နိစ္စဓူဝမြင်နေရတဲ့ ကျွန်မရဲ့ရင်ထဲမှာ ခံစားချက်တွေက အမျိုးမျိုးပဲ။ တစ်ခါတစ်ရံ ဆိုင်ထွက်၊ တစ်ခါတစ်ရံ အိမ်မှာလုပ်နဲ့ အမြဲတစေ တွေ့မနေရပေမဲ့ တွယ်မိတွယ်ရာ တွယ်နေတဲ့ ကောင်မလေးရဲ့သံယောဇဉ်ကို ကျွန်မ နားလည်ပါတယ်။ မောကြီးပန်းကြီးနဲ့ အပြင်က ပြန်လာ၊ ကျွန်မရဲ့ပါးကို ရွှတ်ခနဲ မွှေးပြီး အိမ်ထဲပြေးဝင်သွားတဲ့ ကောင်မလေးကို ကျွန်မ ပြုံးပြုံးလေးပဲ စိုက်ကြည့်မိတယ်။ "ဟိတ် ဘာလုပ်တာလ" ဆိုတော့ "မကို ချစ်လို့တဲ့"။ တစ်နေကုန်နေလို့ လုပ်ဖော်ကိုင်ဖက်တွေနဲ့ စကားသုံးခွန်းပြည့်အောင် မပြောတတ်တဲ့ ကျွန်မကို သံယောဇဉ်တွယ်နေတဲ့ ကောင်မလေးကို ကျွန်မကလည်း ညီမလေးလို နှောင်တွယ်မိတယ်။ "မ၊ သမီး လကုန်ရင် အိမ်ပြန်မလို့။ ပြန်လာရမလား၊ မလာရဘူးလားဟင်။ ဒါပေမဲ့ မရယ်၊ မသာ သမီးနဲ့ အတူရှိမနေဘူးဆိုရင်တော့ သမီးလည်း ပြန်မလာချင်တော့ဘူး။ မကို လွမ်းလို့ သေမှာပဲ။" ကျွန်မရဲ့ရင်ထဲမှာ ကောင်မလေးနဲ့ပတ်သက်လို့ ပြောပြချင်တဲ့ စကားလုံးတွေ အများကြီးရှိနေတယ်။ ဒ'ါပေမဲ့ ကျွန်မနှုတ်ဖျားကနေ ထွက်ကျမလာခဲ့ဘူး။ ကိုယ့်အတွက်တစ်နေရာ စာတောင် ပိုင်နိုင်မှုမရှိတဲ့ ကျွန်မဘ၀၊ ဘယ်သူ့ကိုမှ အာမခံချက်မပေးနိုင်ခဲ့ဘူးလေ။ ပြန်လာပါလို့ မဖိတ်ခေါ်ရဲသလို ပြန်မလာနဲ့လို့လည်း ဘယ်တော့မှ ပြောဖြစ်မှာမဟုတ်တာ သေချာနေတယ်။ ဘယ်လိုပဲဖြစ်ဖြစ် ကောင်မလေး စိတ်ချမ်းသာစေချင်တယ်။ "ပြန်လာခဲ့ပေါ့ ညီမလေးရယ်၊ မတို့ ရုံး မရွှေ့သရွေ့တော့ ညီမလေးနဲ့ တွေ့ရမှာပေါ့။ မဟုတ်ရင်လည်း ညီမလေးဆီ မ လာလည်မှာပေါ့" ဒီအခါ ကောင်မလေးရဲ့ ကော့နက်နက်မျက်တောင်လေးတွေ အောက်ကိုထိုးဆင်းသွားတာ ကျွန်မ မမြင်ရက်ခဲ့ဘူး။ သူ့ကိုယ်သူ အိမ်ဖော်တစ်ယောက်လို သိမ်ငယ်နေတတ်တဲ့ ကောင်မလေးကို ကျွန်မနှုတ်က ရှားရှားပါးပါး စကားတစ်ခွန်းပြောဖြစ်တယ်။ ဒါကို ကောင်မလေးက သူ့ပိုက်ဆံညှပ်တဲ့ စာအုပ်လေးထဲမှာ မပီမသတဲ့ ၀ိုးတ၀ါးလက်ရေးလေးတွေနဲ့ ရေးထားတာ ကျွန်မ မသိခဲ့ဘူး။ "သမီးပြန်ရင် မက ဘာလက်ဆောင်ပေးမှာလဲ" တဲ့။ တကယ်က ကျွန်မ ရည်ရွယ်ခဲ့ပြီးသားပါ။ အမှတ်တရဖြစ်စေမယ့် တစ်ခုခုပေါ့။ ကောင်မလေး ပြန်လာမယ်မဟုတ်မှန်း ကျွန်မစိတ်က အလိုလိုကြိုသိနေပြီးသားပါ။ ဘယ်အရာမဆို သံယောဇဉ် ကြီးတတ်တဲ့ ကျွန်မကိုယ်ကျွန်မ အားမလိုအားမရဖြစ်မိတယ်။ ကောင်မလေးကို မတွေ့ရတော့ဘူးဆိုတဲ့အသိက ကျွန်မကို စိုးမိုးထားတယ်။ အလုပ်ထဲမှာ ကောင်မလေးကို တွေ့လည်း ကျွန်မ မကြည့်ဖြစ်အောင် နေတယ်။ ကောင်မလေးပြန်ရမယ့်ရက် နီးကပ်လာလေ ကျွန်မရဲ့စိတ်တွေ ယောက်ယက်ခတ်လေပဲ။ ဒီအချိန် ကျွန်မသာ လူတစ်ယောက်အတွက် တာဝန်ယူနိုင်မယ်ဆိုရင် ကောင်မလေးကို ကျွန်မ ခေါ်ထားမိမှာအမှန်ပဲ။ ကောင်မလေးအတွက် လက်ဆောင်ကို စဉ်းစားနေရင်းနဲ့ မထင်မှတ်တဲ့နေ့မှာ ကောင်မလေး ပြန်သွားတယ်။ မနက်ခင်း လင်းအရုဏ်ဟာ အဲဒီနေ့အဖို့ ကျွန်မအတွက်တော့ မိုးသားတိမ်လိပ်တွေ အုံ့ဆိုင်းနေတဲ့ နေမသာသောနေ့ပဲ။ ကောင်မလေးအတွက် လက်ဆောင်မပေးလိုက်ရလို့ စိတ်မကောင်းတဲ့အပြင် ကောင်မလေးမျက်နှာကို တစ်ဝကြီးမကြည့်လိုက်ရတဲ့ ကျွန်မ၊ ညီမလေးတစ်ယောက် ဆုံးရှုံးလိုက်သလိုပဲ။ ကျွန်မရဲ့ မကောင်းမကန်းကဗျာလေးတွေကို ဖတ်၊ "အရမ်းကောင်းတာပဲ မရယ်" ဆိုတဲ့ ကောင်မလေးရဲ့အသံလေးတွေ၊ ကျွန်မရဲ့ပါးပြင်ကို တရှိုက်မက်မက် နမ်းရှိုက်တဲ့ တစ်ဦးတည်းသော ကောင်မလေးကို ခုတော့ ကျွန်မ လွမ်းဆွတ်နေရပြီ။ ကောင်မလေးရဲ့ ယာယီအုပ်ထိန်းသူဖြစ်ခဲ့ဖူးသူက ကျွန်မလက်ထဲကို စာရွက်လေးတစ်ရွက် လာထည့်ပေးတယ်။ ကောင်မလေး ပေးသွားတာတဲ့။ ကျွန်မ မဖွင့်ရဲခဲ့ဘူး။ ကောင်မလေးရဲ့ မျက်ရည်တွေ စွတ်စိုနေမယ့် ဒီစာလေး ကျွန်မဖွင့်လိုက်လို့ ခြောက်သွေ့သွားမှာ ကျွန်မ မလိုလားဘူး။ ဒါပေမဲ့ ကျွန်မကို ဖတ်စေချင်တဲ့ ကောင်မလေးရဲ့ဆန္ဒကို ကျွန်မ ဖြည့်ဆည်းပေးချင်ခဲ့မိတယ်။ "မ... သမီး မနက်ဖြန်ပြန်ရတော့မယ်။ စောသွားတယ် မရယ်။ သမီးတော့ အရမ်းလွမ်းနေရတော့မယ်။ မနဲ့နေတဲ့ တစ်ချိန်လုံး မက ဘာမှမပြောလည်း မ သမီးကို ချစ်တာ သမီး သိပါတယ်။ အားလုံးထဲကမှ မ ပြောခဲ့တဲ့ စကားလေးကို သမီး အရမ်းတန်ဖိုးထားတယ်။ မ အတွက် အမှတ်တရ မ ပြောခဲ့တဲ့စကားလေးကို သမီးလက်ရေးနဲ့ ရေးပေးထားခဲ့တယ်။ မ သိမ်းထားနော်။"
လူ အထက်မှာ လူ မရှိသလို လူ အောက်မှာလည်း လူ မရှိဘူး။
ချစ်တဲ့ ညီမလေး

AddThis Social Bookmark Button


မှော်ရုံလမ်းမှ ဖြတ်သန်းခြင်း  

October 14, 2007

မှော်ရုံလမ်းမှ ဖြတ်သန်းခြင်း

အစိမ်းသက်သက်လောကကြီးထဲ
အေးစက်စက်သဘောထားတွေနဲ့ ဆက်ဆံ
ကြိမ်ဖန်များလာတော့
ရင်ထဲမှာတောင် နှင်းခဲနေခဲ့ပြီ။

ထမင်းပူပူလွေးလို့
ရင်တွင်းအနွေးဓာတ်ဖြည့်ပေးခဲ့ရတယ်
ငါ့ကိုယ်ငါ။

တစ်ခါတစ်ခါစဉ်းစားမိတယ်
ငါဖြတ်သန်းနေရတာ မှော်ရုံတောလမ်းမှာလားလို့
အားလုံးဟာ အယောင်ဆောင်ထားတဲ့
ကဝေတွေအလားပဲ
စိတ်ရင်းကြည်ဖြူ တွဲကူမယ့်လူက
ကဝေတွေရဲ့ပြုစားမှုအောက်မှာ
မရုန်းနိုင်ရှာဘူး။

အဆုံးတော့
တစ်ယောက်တည်းလျှောက်ခဲ့တဲ့လမ်း
တစ်ယောက်တည်းဆုံးအောင်လှမ်းရမယ်
အစိမ်းသက်သက်လောကကြီးထဲက
မှော်ရုံတောလမ်းမှာ
အယောင်ဆောင်ကဝေတွေနဲ့
ပြုစားခံလူတွေရဲ့ကြား
ငါဆိုတဲ့လူတစ်ယောက်
ခရီးဆုံးထိရောက်ပါ့မလား။

AddThis Social Bookmark Button


One Way  

September 24, 2007

One Way

လမ်းတစ်လျှောက် ငါ
တွေးရင်း ငေးရင်း သွားနေတယ်
တစ်ခါတစ်ရံ ဂရုတစိုက်
ဂရုမစိုက်မိတဲ့အခါလည်း ရှိတယ်။

ငါ့အပြင် လူတွေ လူတွေ
ရှင်သန်ခြင်းအမျိုးမျိုးနဲ့ သွားနေတယ်
တစ်ခါတစ်ရံ ပင့်သက်ရှိုက်
ဟားတိုက်သံကြားတဲ့အခါလည်း ရှိတယ်။

ဒီလမ်းရဲ့တစ်ဖက်တစ်ချက်
မပြတ်တမ်းလူတွေသွားနေတယ်
အခန့်မသင့်လို့ ဆုံတွေ့
မမေ့နိုင်အောင်ဖြစ်ကြသလို
အတူယှဉ်တွဲသွားတောင်
သတိမထားမိတဲ့အခါရှိတယ်။

နားလည်မှု ပါးစပ်ကမချဘဲ
အသာရဖို့ပဲ ကြံနေကြတဲ့လူတွေရှိသလို
အလျင်စလိုတွေးခေါ်မှုတွေနဲ့
ပခုံးချင်းတိုက် ခေါင်းချင်းရိုက်လို့
ရှေ့အမြန်ဆိုက်ဖို့ ပြင်နေကြတဲ့
လူအများစုကလည်း ရှိသေးတယ်။

လမ်းဆုံးရောက်ရင်
တစ်ခေါက်ပြန်ကွေ့ဖို့များ
စိတ်ကူးရှိနေကြသလား
ဒီလမ်း One way ဆိုတာ
မေ့နေကြတယ်ထင်ရဲ့။


Add to Technorati Favorites
Add to Technorati Favorites
Add to Technorati Favorites

AddThis Social Bookmark Button


ထီး  

ထီး

တိမ်ညိုတွေဆိုင်း မြူတွေမှိုင်းလို့
မုန်တိုင်းပမာ မိုးရွာကျတဲ့အခါ
မိုးစက်မိုးပေါက်တွေရဲ့ဒဏ်ကို
အလူးအလဲခံကြရတယ်။

ကောင်းကင်မှာ တိမ်ကင်း
သျှင်နေမင်း ထွန်းပတော့လည်း
သူ့အလှရဲ့ဂုဏ်ဆောင်
ပူလောင်လောင်အလင်းရောင်ဒဏ်
ခံရပြန်တယ်။

တိမ်လိပ်တွေပုန်းခို
သျှင်နေမင်း အဝေးကိုသွားနေတုန်း
လေဟာနယ်တစ်ခွင်ရစ်ပတ်နေတဲ့
နှင်းရည်စက်တွေရဲ့ဒဏ်ကို
ခံကြရပြန်တယ်။

AddThis Social Bookmark Button


ဝန်းကျင်  

September 19, 2007

ဝန်းကျင်

သူတို့ဒဏ်ရာ အသေးအမွှားလောက်ကို
ကျောက်ပတ်တီးကိုင်ဖို့
အပူတပြင်းခြေလှမ်းနဲ့
အထူးကုဆေးခန်းသွားတတ်ပေမဲ့
သူများဒဏ်ရာ ဟပ်တပ်ကွဲ
သွေးတွေရွှဲနေတဲ့အခါ
မရတော့ပါဘူးလို့ပြောပြီး
ဘေးထွက်ထိုင်နေတတ်တဲ့
လူ့အသိုင်းအ၀ိုင်းထက်
အရိုင်းအစိုင်းလို့အမည်တပ်
ပညတ်ချက်ဆိုးတွေ
တရစပ်ပေးထားခံရတဲ့
အရုပ်မြို့တော်မှာပဲ
ငါ ပျော်တော့မယ်။

AddThis Social Bookmark Button


technorati  

September 18, 2007

technorati

Technorati Profile

AddThis Social Bookmark Button


မြန်မာဘလော့ဂီ တို့ချစ်သည်  

မြန်မာဘလော့ဂီ တို့ချစ်သည်

ကျွန်မ ကိုညီလင်းဆက်ရဲ့ Myanmar Blogger Directory ပို့စ်မှာ ကိုယ့်နာမည်လေးကို တွေ့ပြီး အတွေးဝင်မိလို့ ရေးဖြစ်သွားတာပါ။ ကျွန်မ ဒီဘလော့ခ်လေးကို မတ်လ၊ ၂၀၀၇ မှာ စလုပ်တယ်။ ဘလော့ခ်စလုပ်ချိန်ကနေ ခုချိန်ထိ ကျွန်မရေးခဲ့တာတွေမှာ ပညာရစရာတော့ မပါတာ သေချာတယ်။ ကျွန်မ ပညာဖြန့်ဝေနိုင်တဲ့လူတစ်ယောက် မဟုတ်လို့ပေါ့။ ဒါပေမဲ့ ကျွန်မ သူများကို မစော်ကားဘူး၊ မပုတ်ခတ်ဘူး။ ကျွန်မစိတ်ခံစားချက်သက်သက် ၀မ်းနည်းမှု၊ ပျော်ရွှင်မှုလေးတွေ ရေး၊ သိချင်တာလေးတွေ မေး၊ ကဗျာလေးတွေ ရေး၊ သူများ ဘလော့ခ်တွေ (ကိုယ်လက်လှမ်းမီသမျှ အကုန်) ဖတ်၊ ပညာပြန်ယူ၊ ကဗျာတွေ အားပေး၊ စာတွေ ရေးနဲ့ ကျွန်မကိုယ်ကျွန်မ ဘလော့ဂါ လို့ နှစ်သက်စွာ ခံယူထားတာ။ ကျွန်မ ဟိုအရင်က blog.co.uk ရော multiply.com မှာပါ blog လုပ်ဖူးတယ်။ uk blog ကတော့ သိတဲ့အတိုင်း လူမျိုးခြားတွေများမှာပေါ့။ အစတုန်းကတော့ blog မှာ အင်္ဂလိပ်လိုရေးသေးတယ်။ နောက်ပိုင်း ဘုရားဟောဂါထာတွေ ဘာတွေ မြန်မာလို တင်လိုက်တော့ ဘလော့ခ်အသိတစ်ယောက်က English လို ရေးရင်ပိုကောင်းတယ်လို့ မေးလ်လာတယ်။ ဒီတော့ ကိုယ်မကျွမ်းကျင်တဲ့အလုပ်ကို အတင်းကာရော လုပ်နေရသလို ဖြစ်နေတယ်။ ကျွန်မ English ကို ခုထိ လေ့လာနေတာပါပဲ။ ဒါပေမဲ့ အဲလောက်ထိ မရေးနိုင်သေးပါဘူး။ နောက် သိပ်မကြာဘူး ဒီ blogspot.com ကို ချိတ်မိတယ်။ မြန်မာတွေ တော်တော်များတယ်ဆိုတာလည်း သိရတယ်။ အဲဒါနဲ့ စိတ်ဝင်စားလို့ လုပ်ဖြစ် သွားတာ။
ဒီဘလော့ခ်စလုပ်တဲ့ အဲဒီ မတ်လကစပြီး uk blog ကို လုံးဝဆက်မလုပ်တော့ဘူး။ ကျွန်မ မြန်မာ ဘလော့ဂါတစ်ယောက်အဖြစ် နှစ်သက်စွာ ခံယူလိုက်တာ။ ကျွန်မပြောလိုတာက ဒီမှာပါ။ ကျွန်မက မြန်မာ ဘလော့ဂါတစ်ယောက်ဖြစ်သွားပြီဆိုတော့ ဒီ မြန်မာဘလော့အသင်းကြီးတစ်ခုလုံးရဲ့ကိစ္စမှန်သမျှ ကျွန်မနဲ့လည်း သက်ဆိုင်သွားပြီ။ ဒါပေမဲ့ မြန်မာဘလော့အသင်းကြီး တိုးတက်ရေးတို့ စတဲ့ အသင်းအတွက် တခြား စွမ်းဆောင်မှုတွေမှာ ကျွန်မ ပါဝင်နိုင်ပါ့မလား။ ကျွန်မကတော့ မထင်ပါဘူး။ တခြားမတွေးပါနဲ့၊ ကျွန်မ ပို့စ် တင်တာကလွဲပြီး ဘာဆိုဘာမှကို မသိလို့ပါ။ ဒီ့အတွက် ကျွန်မ ဘလော့မလုပ်ရတော့ဘူးလား။ မြန်မာ ဘလော့ဂါတစ်ယောက် မဖြစ်ရတော့ဘူး။ ဒီလိုလည်း ဘယ်ရပါ့မလဲနော်။ ကျွန်မ ကိုရဲထွန်းအောင်ဘလော့ခ်မှာ ဖတ်ခဲ့ရတဲ့ ''မြန်မာဘလော့ဂီ တို့ချစ်သည်'' ဆိုတဲ့ စာသားလေးကို အရမ်းသဘောကျတယ်။ ကျွန်မတို့ရဲ့ မြန်မာ ဘလော့ခ်ကြီးကို ချစ်တယ်။ ပြီးတော့ ကျွန်မဘလော့ကို ကျွန်မ လေးစားတယ်။ နေ့တိုင်းမတင်နိုင်ရင်တောင် အနည်းဆုံး ၁ ပတ် ၁ ခါ၊ ၃ ရက် ၁ ခါလောက် ပို့စ်တစ်ခုတော့ တင်နိုင်အောင် ကြိုးစားမယ်။ ကျွန်မအိမ်မှာ အင်တာနက်မရှိဘူး။ ဒါပေမဲ့ အကြောင်းမဟုတ်ဘူး၊ " စိတ်" သာ အဓိကပဲလေ။ နောက်ဆုံးအဆင့် အကြောင်း အမျိုးမျိုးကြောင့် တစ်လတန်သည် နှစ်လတန်သည် နားရဦး လေးစားစွာနဲ့ အားလုံးကို အသိပေးမှာပဲ။ Blogger.com မှာ ပို့စ်တွေတင်ပြီး ပညာတွေ ဝေငှပေးနေတဲ့ မောင်နှမတွေကို အရမ်းအားကျတယ်။ တစ်နေ့တော့ ကိုယ်လည်း အဲဒီလိုဖြစ်နိုင်ကောင်းပါရဲ့နော်။ ၀ါသနာပါတယ်။ အရမ်းဝါသနာပါလို့ကို ထူသွားတာလား မသိဘူး။ ဒါပေမဲ့ စိတ်ထဲ အရမ်းတော့ feel မထားပါဘူး။ အားလုံးက သူ့လမ်းကြောင်းနဲ့ သူပဲလေ။ နိုင်ငံစုံ၊ နေရာစုံ၊ ဒေသစုံက လူတွေ အလုပ်အကိုင်လည်း မတူကြ၊ ဗီဇ၊ ၀ါသနာ၊ ဓလေ့စရိုက်တွေ ဘာတစ်ခုမှလည်း မတူကြဘဲနဲ့ (တူမယ်မထင်လို့ပါ) ဒီ blogspot.com လေးမှာ လာဆုံကြတာ။ ဒါလေးကိုပဲ ကျွန်မ တန်ဖိုးထားတယ်။ ကျွန်မက အောင်မြင်မှုထက် ကိုယ်လုပ်ချင်တာ လုပ်နေရရင် ကျေနပ်တဲ့ လူစားမျိုး။ ကျွန်မဘ၀မှာ အားနည်းချက်တွေ အများကြီးရှိတယ်။ ပြောရရင် ရှည်တယ်။ ဒါပေမဲ့ ကျွန်မရဲ့ အဲဒီအားနည်း ချက်တွေကြောင့်ပဲ စိတ်ဓာတ်က မာသွားသလားတော့ မသိဘူး။ အသက်ရှင်နေရခိုက်လေး... အဲဒီအသက်ရှင်နေ ရတဲ့အခိုက်အတန့်လေးမှာ ဘယ်သူနဲ့မှလည်း အငြင်းမပွားချင်ဘူး၊ ဘယ်သူ့ကိုမှ မထိခိုက်ဘဲ ကိုယ့်ဘာသာကိုယ် အေးအေးဆေးဆေး ကိုယ်လုပ်ချင်ရာ လုပ်နေရရင်ပဲ ကျေနပ်တယ်။ တော်တော်များများက ဘလော့ခ်လုပ်၊ ပို့စ်တင် ပေါ့ပေါ့ပါးပါး နေကြရပေမဲ့ ပေါ့ပေါ့ပါးပါးမနေနိုင်ဘဲ မြန်မာဘလော့အသင်းကြီး အတွက် အင်တိုက်အားတိုက် ပွဲတွေလုပ်၊ စာအုပ်ထုတ်ဖို့ ပြင်နဲ့ လုပ်နေကြတဲ့ ဘလော့မောင်နှမတွေကို ကျွန်မ ချီးကျူးပါတယ်။ အားလည်း ပေးပါတယ်။ Myanmar Blogger အသင်းကြီးအတွက် တစ်ဖက်တစ်လမ်းကမှ ကျွန်မ မပံ့ပိုးနိုင်ပေမဲ့ အမည်ခံသက်သက်မဟုတ်တဲ့ မြန်မာဘလော့ဂါတစ်ယောက်တော့ ပီသစေရမှာပေါ့။ ကိုယ့်ကိုယ်ကိုယ် မြန်မာဘလော့ဂါတစ်ယောက်အဖြစ် တကယ်လက်ခံတယ်ဆိုရင် ဒီနေရာလေးမှာ ကိုယ့်နာမည် ပါ မပါ သွားကြည့်လိုက်ပါဦး။

AddThis Social Bookmark Button


ဆင်ဖိုနီအလွမ်း  

September 16, 2007

ဆင်ဖိုနီအလွမ်း

အဆင်းအပြင် အရည်အသွေး
တစ်ခုလေးမှ မတူမျှဘဲ
ထပ်တူကျဖို့ ကြိုးစားခဲ့တယ်
မြို့လေးရဲ့အပြင်ဘက်မှာပေါ့။

ထွက်ခွာသွားတဲ့အတွက်
မျက်ရည်စက်တွေမကျကြသလို
ဝမ်းပန်းတသာနဲ့
ဘယ်သူမှလည်း လက်ကမ်းမလာဘူး
မြို့လေးရဲ့အပြင်ဘက်မှာပေါ့။

မြို့လေးထဲမှာ ရေးခဲ့ဖူးတဲ့ပန်းချီကား
စုတ်ချက်တွေ များလို့လား
ဆေးရောင်တွေ ကြောင်လို့လား
အားလုံးက သဘောမကျကြပေမဲ့
စိတ္တဇပန်းချီကားအဖြစ်နဲ့ လေလံတင်နိုင်ရဲ့
မြို့လေးရဲ့အပြင်ဘက်မှာပေါ့။

အေးစက်တဲ့ ခန္ဓာပေါ်
နွေးထွေးတဲ့ ၀တ်ရုံ နေ့စဉ်လွှမ်းခြုံပေမဲ့
နှလုံးသားအတွင်းပိုင်းထိ မရစ်ပတ်မိဘူး
နှလုံးသားကတော့
အေးစက်မာကျောဆဲပဲ
မြို့လေးရဲ့အပြင်ဘက်မှာပေါ့။

မြို့လေးကိုမှန်း လွမ်းတဲ့စိတ်နဲ့
ငါ့ကြိုးကိုတီးခတ်တဲ့အခါ
သံကြောင်မထွက်တော့ဘူး
ခုတော့
ခရမ်းရင့်ဆင်ဖိုနီတွေ
မွေးဖွားတတ်လာပြီ
မြို့လေးရဲ့အပြင်ဘက်မှာပေါ့။

မြို့လေးရေ
ငါ ဘယ်အရပ်ရောက်နေနေ
မင်းဆီက ပေါက်ဖွားလာတဲ့ငါ
မင်းပေးတဲ့ အသွေးအသားနဲ့
တူမျှတဲ့ မင်းလိုပုံသဏ္ဌာန်
ဒါတွေအားလုံး
ဘယ်တော့မှပျက်သုဉ်းမှာမဟုတ်ဘူး
ငါက မြို့လေးရဲ့သမီးပျိုလေ။

AddThis Social Bookmark Button


အနီး အဝေး  

September 15, 2007

အနီး အဝေး

အိမ်အပြန် အမြန်ယာဉ်လို
ဒုန်းစိုင်းနေတဲ့ စိတ်
လိပ်တစ်ကောင်လို ခြေလှမ်းမျိုးနဲ့
ဘ၀ကြီးထဲ ဖြတ်သန်းနေဆဲ
အနီးပါးက ဖြတ်သန်းသွားသမျှ
ကျားသတ္တ၀ါ အားကျလိုက်
လေမှာဝဲပျံနေတဲ့ စွန်ရဲကို
မျှော်ကြည့်လိုက်နဲ့
အခါများစွာ ဖြစ်ခဲ့ဖူးမှာပဲ
ကျားသတ္တ၀ါနဲ့ စွန်ရဲ
အမည်တွေ ဘယ်လိုပဲကွဲကွဲ
အားလုံးဟာ ဖြစ် ပျက် ထဲက မလွဲဘူး
အရာအားလုံးမှာ
အကောင်းနဲ့ အဆိုး ဒွန်တွဲနေမြဲပဲ
အမှောင်တွေပဲ ကွက်မကျသလို
အလင်းချည်းပဲလည်း အမြဲမဖြစ်နိုင်ဘူး
အလိုက်သင့်လေး စီးမျောတတ်ဖို့ပဲလိုတယ်
အဖြူရောင် မနော
မလျှော့သော ဇွဲနှင့်
ညာဏ်ကိုသာ ကူ
လူပီပီ လူတစ်ယောက်အဖြစ်နဲ့
မသေဆုံးတဲ့ နာမည်တစ်လုံးတော့
ရမှာ သေချာတယ်။

AddThis Social Bookmark Button


အမိုးမဲ့ အိမ်  

September 13, 2007

အမိုးမဲ့ အိမ်

ရင်ခွင်မဲ့ကလေးတစ်ယောက်ရဲ့ဘ၀ကို
ခံစားဖူးပါသလား
ရင်ခွင်မဲ့ကလေးတစ်ယောက်ရဲ့
ဆန္ဒတွေ၊ အာသီသတွေ
ဒါတွေကိုကော စာနာဖူးပါသလား ... ... ...

သစ်ပင်တစ်ပင်ရဲ့အရိပ်အောက်မှာ
အဘိုးတစ်ယောက်ဟာ
ကလေးငယ်တစ်ယောက်ကိုပြောပြနေတယ်
ကောင်းကင်ဟာ မိခင်ပဲ
သူများမိခင်တွေ တစ်ချိန်ချိန်မှာ သေဆုံးနိုင်ပေမဲ့
ကောင်းကင်မိခင်ဟာ ဘယ်တော့မှမသေဆုံးဘူး
သားရဲ့မိခင်ဟာ အကောင်းဆုံးတဲ့။

ဒီအချိန်မှာ
ကလေးငယ်ကလည်း တွေးနေတယ်
ကောင်းကင်မိခင်ဟာ ဘယ်တော့မှမသေဆုံးပေမဲ့
သားနဲ့ အရမ်း အလှမ်းဝေးလွန်းနေတယ်
နွေးထွေးတဲ့အမေ့ရင်ခွင်မှာ ခိုနားနိုင်မယ်ဆိုရင်
သား ခုပဲ ငှက်တစ်ကောင်ဖြစ်လိုက်ချင်ပါရဲ့တဲ့။

တစ်ချိန် ပရဟိတလုပ်ငန်းလုပ်နိုင်မယ်ဆိုရင် သိုးလေးက မိဘမဲ့ဂေဟာဖွင့်ပြီး ကလေးတွေကို ကိုယ်တိုင် ပြုစုပျိုးထောင်ပေးချင်တယ်။ မိဘမဲ့နေတဲ့ကလေးတွေကို နွေးထွေးမှုပေးချင်တယ်။ အဲဒါ သိုးလေးရဲ့ ရင်ထဲကဆန္ဒပဲ။ ကလေးလေးတွေ လမ်းဘေးမှာ လျှောက်သွားနေတာတွေ့ရင် ဘာကြောင့်မှန်းမသိဘူး၊ အရမ်းသနားတယ်။ သူတို့ကို ရေမိုးချိုး၊ သန့်သန့်ပြန့်ပြန့်လေးတွေလုပ်ပေး၊ ပြီးရင် ကျောင်းလွှတ် အဲဒီလိုမျိုးလုပ်ပေးချင်တာအရမ်းပဲ။ ငယ်ငယ်က မှတ်မှတ်ရရ သိုးလေးတို့မိသားစု ရုပ်ရှင်သွားကြည့်ကြတုန်းကပေါ့။ ညနေ ကျောင်းကပြန်ချိန်။ မိုးတွေက တအားရွာနေတော့ မေမေက မသွားတော့ဘူးလုပ်တာ။ သိုးလေးတို့မောင်နှမတစ်တွေရဲ့ ဂျစ်ကျတာကို မခံနိုင်တဲ့အဆုံးမှ သွားကြည့်ကြတာ။ အိမ်နဲ့ ရုပ်ရှင်ရုံနဲ့က မိနစ် ၂၀ လောက် လမ်းလျှောက်ရင် ရောက်တယ်လေ။ ကားလည်း ထွေထွေထူးထူး စီးမနေတော့ဘူးဆိုပြီး သိုးလေးတို့အကုန် လမ်းလျှောက်သွားကြတယ်။ ရုံထဲရောက်ပြီး ရုပ်ရှင်ပြနေတုန်း ကလေးလေးတွေ (အဲ သိုးလေးဆိုလည်း အဲဒီတုန်းက တကယ့်ကလေးလေးပေါ့၊ ရှိလှ ၇ နှစ် ၈ နှစ်လောက်ပဲ ရှိဦးမယ်ထင်တယ်) ရုံထဲဝင်လာတယ်။ စုစုပေါင်း ၄ ယောက်။ မိုးရေတွေ စိုရွှဲနေတာပဲ။ သိုးလေးတို့ရှေ့မှာ လာထိုင်တယ်။ မေမေကတော့ ပြောတယ်။ ကလေးလေးတွေ မိဘတွေလည်း မပါဘဲ လာကြည့်ကြတာနဲ့တူတယ်တဲ့။ ရုပ်ရှင်သာပြနေတယ် သိုးလေးတို့မောင်နှမတွေရဲ့ မျက်လုံးက အဲဒီကလေးလေးတွေဆီမှာပဲ။ ကိုယ်နဲ့ ရွယ်တူလေးတွေဆိုတော့ ပိုစိတ်ဝင်စားမိတာလည်း ပါတာပေါ့။ အဲဒီအချိန်တုန်းက ရူုပ်ရှင်တစ်ကားကို နှစ်ပိုင်းကြည့်ရတယ်။ တစ်ပိုင်းပြတယ်၊ ပြီးရင် မုန့်စားချိန် ၁၅ မိနစ်ပေးတယ်။ ပြီးမှ နောက်တစ်ပိုင်းဆက်ပြတယ်။ အဲဒါ မုန့်စားချိန် ၁၅ မိနစ်နားတော့ ကလေးလေးတွေက တအားကို ချမ်းနေပြီ။ သိုးလေးတို့လည်း ဘယ်လိုမှ မနေနိုင်တော့ဘူး၊ မေမေ့ကို ၀ိုင်းပြောကြတယ်။ သိုးလေးတို့ အ၀တ်တွေ ချွတ်ပေးလိုက်မယ်လို့။ သိုးလေးတို့က အိမ်ကထွက်ကတည်းက မိုးရွာမှန်းသိတော့ မေမေက ဘောင်းဘီတိုတစ်ထပ် ဘောင်းဘီရှည်တစ်ထပ်၊ အပေါ်က ဂါဝန်တစ်ထပ်၊ အနွေးထည်တစ်ထပ်နဲ့ဆိုတော့ အကြောင်းမဟုတ်ဘူးလေ။ မေမေက နင်တို့သဘောတူရင် ပြီးတာပဲတဲ့။ ပြီးတော့ မေမေက ကလေးလေးတွေကို ဟိုမေး သည်မေးပေါ့။ နောက်တော့ သိုးလေးတို့အကုန် အိမ်သာထဲသွားကြတယ်။ သိုးလေးက ဘောင်းဘီရှည် ချွတ်၊ အပေါ်က အနွေးထည် ချွတ်၊ သိုးလေးအထက်က မမကလည်း သိုးလေးလိုပဲ ချွတ်၊ ကိုကို့ကိုလည်း ချွတ်ခိုင်း၊ ပြီးတော့ ကလေး လေးယောက်ကို မျှဝတ်ပေးလိုက်တယ်။ အဲဒီကပြန်တော့ ဘာမှလည်း မည်မည်ရရမဟုတ်ပေမဲ့ စိတ်ထဲ အရမ်းပျော်နေတာ။ သိုးလေးသာ တစ်ချိန် လက်ထဲ ပိုက်ဆံထုပ်ပိုက်နိုင်ရင် သီလရှင်ဝတ်မှာလို့ မေမေ့ကိုပြောခဲ့ဖူးသေးတယ်။ နောက်မှ မေမေက နင်ကတော့ အမြဲ တလွဲပြောတဲ့။ အဲဒီအချိန်တုန်းက သိုးလေးက သီလရှင်တွေပဲ မိဘမဲ့ဂေဟာ ဖွင့်လို့ရတယ်လို့ ထင်တာကိုး။ သိုးလေးတစ်သက် အမြဲစိတ်မကောင်းဖြစ်နေရတာ တစ်ခုရှိတယ်။ ကလေးလေးတစ်ယောက် သိုးလေးမျက်စိရှေ့တင် ပျောက်သွားဖူးတယ်။ အဲဒီကလေးလေးက အိမ်ကနေ ထွက်ပြေးလာတာလေ။ သူ့အမေက မော်လမြိုင်မှာမို့ သူ့အမေဆီလိုက်သွားမယ်ဆိုပြီး အိမ်ကနေ ထွက်ပြေးလာတာ။ သိုးလေးရဲ့ရှေ့မှာ အဲဒီကလေးလေးက သွားနေတာ။ သိုးလေးလည်း သွားနေတာပဲ။ ကလေးလေးကို ကြည့်နေရင်းနဲ့ အမှုမဲ့ အမှတ်မဲ့ အဲဒီကလေးလေးကို သတိမထားမိတော့ဘူး။ ခဏနေတော့ နောက်က လူကြီးတွေလိုက်လာပြီး ကလေးလေးတစ်ယောက် တွေ့မိလားလို့ မေးတယ်။ သိုးလေးက တွေ့မိတယ်ပေါ့။ လမ်းဆုံရောက်တော့ ဘယ်ဘက်ချိုးသွားသလဲဆိုတော့ သိုးလေး ဘယ်လိုမှကို မျက်လုံးထဲ ပုံဖော်လို့ မရဘူး။ နောက်တော့ လူကြီးတွေက ရဲစခန်းတိုင်ကြတာပေါ့။ သူ့အမေဆီကိုလည်း မရောက်လာဘူးတဲ့။ မော်လမြိုင်ကို သူက ဘယ်လိုလုပ်သွားတတ်မလဲ။ အခုအချိန်ထိ လုံးဝကို သတင်းမရတော့ဘူး။ တကယ် ပျောက်သွားတာ။ သိုးလေး အဲဒီအကြောင်းစဉ်းစားမိတိုင်း ရင်ထဲ မကောင်းဘူး။ သိုးလေးကြောင့်လို့ပဲ တွေးတွေးနေမိတယ်။ သိုးလေးသာ သေချာ ကြည့်လိုက်မိရင် ဒီလိုဖြစ်မှာမဟုတ်ဘူးလို့။ ကလေးလေးတွေနဲ့ပတ်သက်လာရင် သိုးလေးက ကိုယ်တိုင်ဖြစ်နေသလိုကို ခံစားမိတယ်။ သူတို့ဘ၀တွေ သာယာရင် အလိုလိုနေရင်း ပျော်မိသလို၊ သူတို့ဘ၀တွေ မလှရင် သိုးလေးလည်း စိတ်မကောင်းဖြစ်ရတယ်။ သိုးလေး အိတ်ထဲမှာ သကြားလုံး အမြဲတမ်း ဆောင်ထားတယ်။ ဘတ်စ်ကားပေါ်မှာ တစ်ခါတလေ ကလေးတွေငိုရင် သကြားလုံးလေးပေးလိုက်ရင် ဘာပဲပြောပြော ခဏတော့ အငိုတိတ်သွားတာပဲလေ။ သိုးလေးကိုယ်တိုင်ကလည်း ကြိုက်တယ်။ အလကားနေ အဲဒီသကြားလုံးပဲ စားနေတာလေ။ ရိုးရိုးသကြားလုံးတော့ မကြိုက်ဘူး။ ဒိုင်းနမိုက်လို ပူရှိန်းချောကလက် သကြားလုံးမျိုးကိုကြိုက်တယ်။ သိုးလေးတို့အိမ်မှာ တာချီလိတ်ကနေ ကျောင်းလာတက်တဲ့ မောင်ဝမ်းကွဲလေးရှိတယ်။ သိုးလေးက ပြောလို့ဆိုလို့မရလို့ တအားစိတ်တိုလာရင် နင့်ကို တာချီလိတ်ပြန်ပို့မယ်၊ အထုပ်ပြင်ထားဆိုပြီး ခဏခဏပြောလွန်းလို့ မေမေကဆို ဒါနဲ့များ သူက မိဘမဲ့ဂေဟာ ဖွင့်ဦးမတဲ့ လို့ ပြောတတ်တယ်။ သိုးလေး မိဘမဲ့ဂေဟာ ဖွင့်ဖြစ်ရင် သိုးလေးကို ကူညီကြဦးနော်။ ဟဲဟဲ...။

AddThis Social Bookmark Button


အလှည့်  

အလှည့်

မွေးဖွားရာ အရပ်
ရှင်သန်ရာ ၀န်းကျင်
အခြေခံ ဗီဇ မတူညီကြတဲ့
ကမ္ဘာကြီးထဲက
မျိုးတူလူသားတွေထဲမှာ
အသက်ကယ်ဘောမပါ
ကိုယ့်ဖော့နည်းပညာမတတ်
ဘ၀ရေစီးကြောင်းနားမလည်ပါဘဲ
လောကသမုဒ္ဒရာထဲ
လက်ပစ်ကူးနေရတဲ့လူတွေ
အများကြီး ရှိတယ်။

ဆန္ဒပြင်းပြလွန်းရင်
တစ်ဖက်ကမ်းကို
အရောက်လှမ်းနိုင်သလို
ဇွဲသတ္တိမရှိရင်လည်း
ကမ်းမတင်နိုင်တဲ့ဘ၀
ရောက်သွားနိုင်တယ်။

ဒုက္ခလာရင် အဖော်ပါစမြဲမို့
စနေမိုး မရွာပါစေနဲ့လို့ပဲ
ဆုတောင်းနေရတယ်။

AddThis Social Bookmark Button


ဆေးတစ်ခွက်  

September 12, 2007

ဆေးတစ်ခွက်

ကမ္ဘာစစ်ကြီး ပြီးသွားပေမဲ့
ငါတို့မိသားစုကတော့
အိမ်တွင်းစစ်အေးတိုက်ပွဲတွေ
ဆင်နွှဲနေရတုန်းပဲ
ရသမျှလခ အကုန်အပ်
ဖြောင့်မတ်ခြင်းကို အသက်ထက်ချစ်တဲ့
အဖေက
တာဝန်ကျေပြီဆိုတဲ့ အသိနဲ့
လက်ရှိဘ၀ကိုကျေနပ်နေချိန်
ကလေးငါးယောက်ကြား
အမေကတော့ ဗျာများဆဲပဲတဲ့
နဂိုကမှ မလုံတဲ့အိုး
ခံသမျှ ယိုကျရတာ
မဆန်းပါဘူး
သေတမ်းစာမဟုတ်တဲ့
ရှေ့တန်းတစ်နေရာက
အမေ့အတွက် ရေးတဲ့စာ
တစ်နေ့ သားပြန်လာတဲ့အခါ
အမေနှင့်အတူလက်တွဲလို့
သုံးချောင်းထောက်စားပွဲ
အခြေမြဲအောင်လုပ်ကြတာပေါ့ အမေ။

AddThis Social Bookmark Button


About My Secret Habbit  

September 10, 2007

Ko Blink tagged me to write the secret habit of me. It's really not difficult for me because the manners of me are different with others since in my youth. I've so many secret habits. But I'll describe a little.

1. I cannot live without job and I don't want any spare time except sometime in month.

2. I like white, sky blue and army colors but I usually wear black.

3. I so like both reading and writing poems especially in post modern.
(I mean khit-paw poem)

4. I like silence and I don't want to stay among many people.

5. If I doing the design in Photoshop and testing HTML, I'll forget my lunch. I so interest in Web. But I am only a learner now.
Yet we cannot say that I'll not be a Professional Web Designer in a day. Ha Ha Ha...!!!

6. I so love rain and snow. But I have not seen snow in outside except in TV and Internet yet.

7. I trust in Buddha Dhamma and pray every morning. But I'm not able to pray everday. If I absence to pray, I said myself that 'I always trust in Buddha in my mind, so I have not punish. However I cannot stay the whole day. When I before sleep at night, I pray in hands at least three times. Am I a lazy girl?

I feel back you for my grammar. I've not skillful in English Language. Sorry :)

AddThis Social Bookmark Button


သံသရာ  

September 09, 2007

သံသရာ

ဟိုကိုင်းဖျားမှာ
ပွင့်သစ်စ ပန်းကလေးတစ်ပွင့်
ငွားငွားစွင့်စွင့် ပွင့်နေလေရဲ့
ချူလိုသူ ခြွေယူမှာလား
ဥယျာဉ်မှူး အလှရှုမှာလား
ပန်းကလေးဘ၀
တစ်ခဏ စာနာကြည့်မိတယ်။

ခူးခြွေယူ ပန်ဆင်သူမဲ့တဲ့အပြင်
နင်းခြေသူ လူတွေရဲ့ကြားမှာ
အလေ့ကျပန်းကလေးတွေကတော့
မျက်နှာငယ်ရှာတယ်လေ။

တော်ဝင် သဇင်ပန်းဖြစ်ဖြစ်
လမ်းဘေးက ရနံ့မမွှေးတဲ့ပန်းဖြစ်ဖြစ်
တစ်နေ့နေ့တော့ ကြွေကြမှာပဲ

ဝေမယ်... ကြွေမယ်...

တစ်ပွင့်ကြွေရင် တစ်ပွင့်ပြန်ဝေမယ်

ကြွေခြင်းဟာ ပွင့်ခြင်းပဲ

သံသရာ။

AddThis Social Bookmark Button


သားကောင်  

September 07, 2007

သားကောင်

ငါတို့အသက်ရှင်နေတာ
မမြဲခြင်းသဘောထဲမှာ
မသေချာတဲ့ မနက်ဖြန်အတွက်
ကြေညာမောင်းခတ်လို့
သတ်ပုတ်နေစရာလည်းမလိုဘူး
မင်းဘက်က ကြည့်တော့ လက်ဖ၀ါး
ငါ့ဘက်က ကြည့်တော့ လက်ဖမိုး
အမျိုးမျိုးတွေးလို့ရတယ်
ပန်းတိုင်ကို အရောက်လှမ်းဖို့
လက်တွဲညီဖို့သာ ပဓာနပဲ
အဓိကနဲ့ သာမညတော့
ခွဲခြားတတ်ရမယ်
မုဆိုးက သားကောင်မဖြစ်ဖို့
ချိန်မှတ်ကိုတော့
ထိအောင်ပစ်နိုင်ရမယ်။

(ကိုကလိုစေးထူးရဲ့ ကွန်မန့်ကပေးတဲ့ အတွေးတစ်စကို ဖတ်ရင်း ရေးချင်စိတ်ပေါက်တာနဲ့ ရေးမိသွားတာပါ။ အရေးမတတ်တော့ ဆိုလိုရင်း ရောက်ချင်မှလည်း ရောက်မှာပါ။ ကြိုးစားနေဆဲပါလို့...)

AddThis Social Bookmark Button


ရက်စွဲတစ်ခု  

September 06, 2007

ရက်စွဲတစ်ခု

တနင်္ဂနွေ...
အိုက်စပ်ပူလောင်လွန်းလှသည့်အပြင် လေသည်ပင် ကမ္ဘာလောကနှင့် ဝေးရာအရပ်သို့ ခရီးလွန်နေပုံမျိုး။ သည်တနင်္ဂနွေမှာတော့ ကျွန်မစိတ်ကူးတချို့ကို ခဏတစ်ဖြုတ် မြေမြှုပ်ထားရဦးမည်။ တနင်္ဂနွေနေ့မှာ အလုပ်မရှိလျှင် အိမ်ပြင်ထွက်တာ မကြိုက်တဲ့ အမေ့ရဲ့အလိုကို တစ်ရက်လောက်တော့ ဖြည့်ဆည်းပေးလိုက်ချင်ရဲ့ ဆိုပြီး အပြင်မထွက်ခဲ့တဲ့ တနင်္ဂနွေ။ ကလေးတွေကတော့ ပျော်နေကြမှာပဲ။ ကျွန်မတို့လည်း ငယ်ငယ်က ဒီလိုပါပဲလေ။ တနင်္ဂနွေတွေ မျှော်ရလွန်းလို့ တနင်္ဂနွေ နှစ်ထပ်တောင် ဖြစ်ချင်ခဲ့သေးတာပဲ။ အပြင်မထွက်လျှင်ပြီးရော အိမ်ထဲမှာ ကြိုက်သလောက် မွှေနှောက် စား၊ လှိမ့်ပိမ့် အိပ်ချင် အိပ် စိတ်ရှိသလိုနေ၊ သားသမီး စုံစုံလင်လင်မြင်ချင်တဲ့ အမေ့အကြောင်းကို စဉ်းစားရင်း ကျွန်မတို့ငယ်ငယ်က အမေ့ပုံရိပ်တွေကို မျက်လုံးထဲ မြင်ယောင်လာမိတယ်။
              အမေက အသက်ငယ်ငယ်နဲ့အိမ်ထောင်ကျခဲ့တဲ့အပြင် အဖေနဲ့ အသက်အများကြီးကွာတော့ အဖေ့အပေါ် နိုင်တယ်။ နိုင်တဲ့အပြင် အလုပ်လည်း ဘာမှ မည်မည်ရရမလုပ်တတ်ဘူး။ မိဘလက်ထက်က သက်သောင့်သက်သာ နေခဲ့ရတာလည်း ပါမှာပေါ့။ တစ်ခါတစ်ခါ အဖေက အပေါင်းအသင်းတွေနှင့် အရက်သောက်လာတတ်တဲ့နေ့မျိုးဆို အမေ မသိအောင် လမ်းထိပ် လက်ဖက်ရည်ဆိုင်မှာ ထိုင်နေပြီး အမေအိပ်ပျော်လောက်တဲ့အချိန်ကျမှ အိမ်ပေါ်တက်တယ်။ ပြီးမှ ထမင်း စားသောက်ပြီး အိပ်တယ်။ အဲ... အမေ မနိုးရင်တော့ ကံကောင်းတာပေါ့။ အမေ တစ်ရေးနိုးတဲ့အချိန် အဖေ့ကိုတွေ့တာနဲ့ အတင်းနှိုးပြီး ရစ်တော့တာပဲ။ "ရှင် ဘယ်အချိန်က ပြန်ရောက်တာလဲ။ ဘာလို့ ကျွန်မကို မနှိုးတာလဲ။ ရှင် ဒီအရည်သောက်လာရင် အိမ်ပေါ်တက်မလာနဲ့လို့ ကျွန်မ ပြောထားတယ်နော်" ဆိုတာ မပြီးတော့ဘူး။ အဲဒီအခါမျိုးဆို အဖေက "ညီမရယ်... အစ်ကို တစ်လမှ တစ်ခါလောက်သောက်တာပါ။ နည်းနည်းလေး သောက်ထားတာ။ အဲဒါကြောင့် ညီမအိပ်တဲ့အချိန်မှ အိမ်ပေါ်တက်တာ။ အစ်ကို မမူးပါဘူး" ဆိုပြီး လေပြည်လေးနဲ့ ချော့တယ်။ အဖေ ဘယ်လိုချော့ချော့ အမေကတော့ မိုးအလင်းပဲ။
             ကျွန်မတို့မောင်နှမ ငါးယောက်စလုံးက အမေ့ဆို မျက်လုံးလေးနဲ့တောင် လှန်မကြည့်ရဲပေမဲ့ အဖေ့ကိုတော့ အရုပ်ပဲ။ အဖေကလည်း သားသမီးတွေ ချစ်တဲ့နေရာမှာ ရှာမှရှားလို့ ဆိုရလောက်တယ်။ ကျွန်မတို့အပြစ်တစ်ခုခုလုပ်လို့ အမေက ရိုက်တော့မယ့်အချိန်ဆို အဖေက "ကလေးတွေကို အစ်ကိုဆုံးမပါမယ် ညီမရယ်၊ ညီမ မောပါတယ်။ သိပ်ပြီး စိတ်အပင်ပန်း မခံပါနဲ့" ဆိုပြီး ပြောတတ်တယ်။ အမေကလည်း မရဘူး "ရှင်ဆုံးမမှာကို ကျွန်မသိနေတယ်။ ရှင် နောက်ဖေး ဘူးပင်က ဘူးရိုးကို သွားချိုးမယ်။ ပြီးရင် ကျွန်မ မမြင်ကွယ်ရာကို ခေါ်သွားမယ်၊ ကျွန်မကြားအောင် ပါးစပ်နဲ့ ရိုက်မယ်။ ဟွန့်... ရှင် ကျပ်ကျပ် အလိုလိုက်၊ အဲဒါကြောင့် ရှင့်ကို ဘယ်ကလေးမှ မကြောက်တာ" လို့ ပြန်ပြောတယ်။ အဲဒီအချိန်တုန်းက ဘ၀လေးကို ကျွန်မ အရမ်းတသမိတယ်။ ကျွန်မတို့ခြံကြီးက အကျယ်ကြီးပဲ။ အဖေက စိုက်တာပျိုးတာ ၀ါသနာပါတော့ သရက်၊ သြဇာ၊ မာလကာ၊ နာနတ် အမျိုးစုံပဲ။ ဘုရားပန်းဆိုလည်း အိမ်နားက လူတွေ မ၀ယ်ရဘူး။ ညဘက်ဆို ကျွန်မတို့တစ်မိသားစုလုံး အိမ်ပေါ်မှာ မနေကြဘူး။ ခြံထဲမှာ ဖျာကြမ်းကြီး ခင်းပြီး အဲဒီအပေါ်မှာ အိပ်ကြတာ။ ညဥ့်တော်တော်နက်လို့ အေးလာမှ အိမ်ထဲဝင်ကြတယ်။ အဲဒီအချိန်ဆို အမေက သူငယ်ငယ်ကအကြောင်းတွေ ပြန်ပြောပြတတ်သလို အဖေကလည်း သီချင်းတွေဆိုပြတယ်။ အဖေ့သီချင်းသံ မကြားရရင် မအိပ်တတ်အောင်ကို ဖြစ်ခဲ့ရတယ်။ အဖေ့ပခုံးပေါ်ကနေ ကျော်ပြီး အဖေ့ပေါင်ပေါ်ကို လှဲလှဲချရတာ ကျွန်မ အပျော်ဆုံးပဲ။ အမေက ဇက်ကျိုးမယ်လို့ ဘယ်လောက်ပြောပြော အဖေ့ကို မျက်စိမှိတ်ပြလိုက်တာနဲ့ အဖေက လုပ်ပေးတာပဲ။ ကျွန်မတို့မောင်နှမတွေစီးဖို့ဆိုပြီး အဖေက သရက်ပင်ကြီး နှစ်ပင်ကို ကြိုးနဲ့ သွယ်ပြီး ဒန်းလုပ်ပေးတယ်။ သရက်ပင်က ကြီးလည်း ကြီးပြီး နည်းနည်းလည်း ဝေးတော့ ကျွန်မတို့ ဒန်းကလည်း ကြိုး အရှည်ကြီးနဲ့ အကြီးကြီး ဖြစ်နေတာပေါ့။ ဒန်းပေါ်မှာ တစ်ခါစီးရင် ကျွန်မတို့မောင်နှမငါးယောက်လုံး ထိုင်လို့ရတယ်။
              ကျွန်မတို့မိသားစုအကြောင်းရေးရင် ၀တ္ထုရှည်တစ်အုပ်တောင် မကဘူးထင်တယ်။ အခုအချိန်မှာ အမေက မပူမပင် မကြောင့်မကြ နေရတယ်ဆိုပေမဲ့ အဖေဆုံးခါစ တုန်းက အမေ တော်တော်ဒုက္ခရောက်ခဲ့တာကလား။ ကျွန်မတို့မောင်နှမတွေက ကျောင်းနေတဲ့အရွယ်တွေ။ အမေကလည်း မလုပ်တတ်မကိုင်တတ်နဲ့ ကျွန်မတို့ခြံကြီးကို ရောင်းပစ်လိုက်ရတာလေ။ အမေက သတိရတိုင်း ခြံလေးကို နှမြောလိုက်တာလို့ ပြောတတ်တယ်။ အရင်က ကိုကိုနဲ့ မမတို့ကို စိတ်ဆိုးတဲ့အခါတိုင်း အမေက "နင်တို့လုပ်စာ ငါစားနေတာမဟုတ်ဘူး။ အသက်ကြီးလာလို့ မလုပ်နိုင်မကိုင်နိုင်ဖြစ်လည်း နင်တို့ကိုတော့ အားမကိုးဘူး" လို့ ပြောတတ်ပေမဲ့ ခုတော့ "တနင်္ဂနွေတစ်ရက်တော့ ဘယ်မှမသွားပါနဲ့ သမီးရယ်၊ နင့်အစ်ကိုတွေ အစ်မတွေလည်း လာမှာ။ တနင်္ဂနွေတစ်ရက်လေး မိသားစု ဆုံရတာ။ အမေ ဈေးသွားမယ်။ သမီး စားချင်တာပြော" ဆိုပြီး သားသမီးတွေစုံစုံလင်လင်နဲ့ နေချင်တဲ့ အမေ့ကို ကျွန်မ သနားမိတယ်။ တစ်ခါတစ်လေ "ငါက ကားကို ကိုယ်တိုင်မောင်းပြီး ခရီးသွားချင်တာ" လို့ အမေက ပြောတတ်သေးတယ်။ မောင်နှမတွေအားလုံး အသီးသီးဘွဲ့ရခဲ့ကြပေမဲ့ အမေက "ငါ့သမီး အငယ်ဆုံးလေးကိုပဲ အားကိုးရမှာ။ သူ နိုင်ငံခြားသွားလည်း ငါလိုက်မှာပဲ။ သူ့ကိုပဲ ငါ စိတ်မချတာ။ သူများနဲ့တူတာလည်းမဟုတ်ဘူး။ ဇွတ်တရွတ်ရယ်။ သူလုပ်ချင်တာ လုပ်တာ။ အခုလည်း ညဘက်ညဘက် ပြန်တာ မိုးချုပ်လို့ စောစောပြန်လာပါ မှာရတာ မောလွန်းလို့ ကြာတော့ မမှာနိုင်တော့ဘူး။ သူကလည်း ပြန်လာရင် ငါဆူမှာစိုးလို့ သူတို့ဘလော့တွေ ဘယ်လိုဖြစ်တာ ဘယ်ညာဖြစ်တာနဲ့ ပြောတာ စုံနေတာပဲ။ ငါကတော့ ဘာမှစိတ်မ၀င်စားဘူး။ အေး နင့်ဘာနင် ဘလော့ဖြစ်ဖြစ် ဘလက်ဖြစ်ဖြစ် နောက်နေ့ မိုးချုပ်ရင် သေမယ် ဆိုပြီး ပြောရတာလည်း ရက်ခြားပဲ"။ အမေက အဲဒီလို ခဏခဏပြောတတ်လွန်းလို့ ကျွန်မအိမ်နားက လူတွေကတောင် ကျွန်မကိုမြင်ရင် "ဟဲ့ နင် ဒီနေ့ စောတယ်နော်၊ ဘလော့မလုပ်ဘူးလား" ဆိုပြီး မေးတတ်နေပြီ။ ကျွန်မကတော့ သူတို့ဘာပြောပြော အပြုံးနဲ့ပဲ တုံ့ပြန်တယ်။ ဘာမှ ပြန်မပြောတော့ဘူး။ ဘယ်သူ့ကိုမှလည်း ရှင်းပြချင်စိတ်မရှိဘူး။ ကျွန်မရဲ့ နဂိုဗီဇကိုက လူအများနဲ့ ရောရောထွေးထွေး မနေတတ်တာကြောင့်ရောပေါ့။
               ၀ှူး... ပူအိုက်လွန်းလှတဲ့ တနင်္ဂနွေပါလား။ မိုးကိုချစ်တဲ့ ကျွန်မအတွက်တော့ ဒီတနင်္ဂနွေဟာ ကန္တာရထဲရောက်နေသလို ခံစားရတယ်။ မိသားစုရဲ့ နွေးထွေးမှုသာမရှိရင် ဒီလိုတနင်္ဂနွေမျိုးကို အိမ်ထဲမှာထိုင်ပြီး ကျွန်မအချိန်မဖြုန်းချင်ဘူး။ နောက်အပတ်တော့ ကျွန်မ ဆိုက်ဘာသွားရင် သွား၊ မသွားရင် စာကြည့်တိုက်မှာပဲ စာသွားဖတ်တော့မယ်။ ပြန်လာရင်တော့ ထုံးစံအတိုင်း အမေ့ကို ဟိုဟိုသည်သည် လျှောက်ပြောရင်းနဲ့ ချော့ရမှာပေါ့။

AddThis Social Bookmark Button


ကျွန်မနှင့် အွန်လိုင်းပေါ်မှ အလုပ်များ  

September 04, 2007

ကျွန်မနှင့် အွန်လိုင်းပေါ်မှ အလုပ်များ

ခေါင်းစဉ်ပေးထားတဲ့အတိုင်းပဲ သိုးလေးလျှောက်ခဲ့တဲ့ အွန်လိုင်းပေါ်က အလုပ်တွေနဲ့ သိုးလေးရဲ့ ငိုရမလို ရယ်ရမလို အကြောင်းလေးတွေပေါ့။ သိုးလေးက အွန်လိုင်းနဲ့ အကျိုးပေးတယ်လို့တော့ ပြောလို့ရတယ်။ ဘာလို့ဆို လျှောက်သမျှအလုပ်တိုင်း ခေါ်လို့၊ ဟဲဟဲ... ပထမဦးဆုံး DTP & Graphic Design လုပ်ပေးနိုင်တဲ့သူတစ်ယောက်အနေနဲ့ Myanmartalk မှာ လျှောက်တယ်။ သိုးလေးက လက်ရှိအလုပ်နဲ့ဆိုတော့ Part Time ပဲ လျှောက်တယ်။ ၀ါသနာပါတာကြောင့်ရော အင်တာနက်ဖိုးလေး ကာမိအောင်ဆိုပြီးတော့ရော လျှောက်ထားလိုက်တာ။ ဒီလိုပဲပေါ့။ ခေါ်မယ်လို့လည်း မထင်ဘူးလေ။ လျှောက်ပြီး သိပ်မကြာဘူး ကိတ် လုပ်တဲ့ဆီက ခေါ်တယ်။ နာမည်တော့ မပြောတော့ဘူးနော်။ အဲဒီအစ်မက အိမ်ကို ဖုန်းဆက် ပြီးတော့ အလုပ်လုပ်စေချင်တယ်ပေါ့။ သူတို့နေရာက ဝေးတော့ဝေးတယ်။ ဒါပေမဲ့ အတွေ့အကြုံရအောင်ရယ်၊ ပိုက်ဆံလေးလည်း လိုချင်တာနဲ့ လုပ်မယ်ပေါ့။ အဲဒီကို တစ်ခါမှ မသွားဖူးတော့ အစ်မကိုယ်တိုင် ကားနဲ့လာခေါ်တယ်။ အရမ်းသဘောကောင်းတဲ့ အစ်မပါ။ မုန့်တွေလည်း အများကြီးကျွေးတယ်။ သိုးလေးကတော့ မုန့်တွေစားရတာနဲ့ပဲ ပျော်နေတာပဲ။ တစ်ရက်ပဲပေါ့။ သူတို့ကိတ်တွေရဲ့ စာရင်းတွေကို ဒီတိုင်း သူတို့ချထားတဲ့ ပုံစံအတွင်းမှာ ရိုက်ထည့်ပေးရုံပဲ လုပ်ပေးလိုက်ရတယ်။ နောက်ဆို မုန့်ဘူးဒီဇိုင်းတွေပါ လုပ်ပေးရမယ်လို့တော့ ပြောပါတယ်။ အဲဒီနေ့အတွက်လည်း ပိုက်ဆံရလိုက်သေးတယ်။ ရေရှည်အတွက် စဉ်းစားတော့ နေ့တိုင်း ရုံးကအပြန် ဘတ်စ်ကားနဲ့ သွား၊ ပြီးမှ အိမ်ပြန်... အဲဒီလိုလုပ်ဖို့က အဆင်မပြေဘူး။ ရုံးနဲ့ သူတို့နေရာနဲ့က ဝေးသလို အိမ်နဲ့ကျတော့လည်း တောင်နဲ့ မြောက် ဖြစ်နေတယ်။ အိမ်ပေးလုပ်ဖို့ကျတော့လည်း သူတို့ဘက်က တချို့ဟာတွေဆို သူများပေးမသိစေချင်တာတွေ ဘာတွေနဲ့ဆိုတော့ အဆင်မပြေပြန်ဘူး။ အဲဒီလိုအကြောင်းလေးတွေကြောင့် Part Time ပွဲဦးထွက်အလုပ်ကို တစ်ရက်ကြီးများတောင် လုပ်လိုက်ရတယ်။ ဒါပေမဲ့ အဲဒီတစ်ရက်ကိုလည်း ဘယ်တော့မှ မမေ့နိုင်အောင် ပါပဲ။ ပြန်တော့လည်း လိုက်ပို့ပေးတယ်။ သိုးလေးက flash အကြောင်း စိတ်ဝင်စားတယ်ဆိုလို့ အဲဒီစာအုပ်တောင် ပေးလိုက်သေးတယ်။ နောက် သိပ်မကြာဘူး အစ်ကိုတစ်ယောက်က ထပ်ခေါ်တယ်။ သူကတော့ ဒီရန်ကုန်မှာတင်မက နယ်တွေအပြင် ပြည်ပကိုပါ ခြေဆံ့နေတဲ့ ကွန်ပျူတာပညာရှင်တစ်ယောက်လို့ ပြောလို့ရပါတယ်။ နာမည်ပြောရင် တော်တော် များများက သိကြမှာပါ။ ဒါပေမဲ့ မပြောတော့ပါဘူး။ အစ်ကိုက design နဲ့ ပတ်သက်လို့ ခေါ်ချင်တယ်လို့ပြောတယ်။ သိုးလေး ၀မ်းသာပါတယ်။ နေရာကလည်း အဆင်ပြေတယ်။ သိုးလေး အရမ်းလုပ်ချင်တာပေါ့။ အဲဒီအစ်ကိုက ခေါ်ပြီး လက်တွေ့ လုပ်ပြခိုင်းမှာပဲလို့ စိတ်ထဲမှာ တွေးမိတယ်။ အတတ်နိုင်ဆုံး ကြိုးစားပြီးလုပ်ဖို့လည်း ဆုံးဖြတ်ထားတယ်။ သူဖုန်းဆက်တော့လည်း ကိုယ်မရှိတဲ့အချိန်၊ ကိုယ်ဖုန်းဆက်တော့လည်း သူ မအားတဲ့အချိန်နဲ့ ကြားထဲမှာ တစ်ပတ်လောက် ခြားသွားတယ်။ သိုးလေးမှာက ရင်ခုန်မှုတွေအပြည့်နဲ့ပေါ့။ အဲဒီအချိန်မှာ မထင်မှတ်ဘဲ အဲဒီအစ်ကိုက သိုးလေးကို ညီမ design လုပ်ထားတဲ့ ပုံ နှစ်ပုံ သုံးပုံလောက် မေးလ်နဲ့ ပို့ပေးပါလားလို့ပြောတယ်။ သိုးလေး သိပ်နားမလည်ဘူး။ သိုးလေးက အပြင်မှာ professional လုပ်စားနေတဲ့လူ မဟုတ်ဘူး။ သိုးလေးကိုယ်တိုင် design လုပ်ထားတဲ့ဟာရယ်လို့ သိုးလေး စဉ်းစားလို့ကိုမရဘူး။ ကိုယ်တိုင်ဆွဲထားတဲ့ design လား၊ ဒါမှမဟုတ် ဓာတ်ပုံတွေကို သိုးလေးပြုပြင်ထားတဲ့ လက်ရာကို ကြည့်ချင်တာလား၊ vinyl တွေ လုပ်သလို သိုးလေးလုပ်ထားတဲ့ design မျိုး ပို့ပေးရင်ရော ရလားနဲ့ ခေါင်းထဲမှာ "လား" ပေါင်းများစွာ စဉ်းစားနေရင်းနဲ့ မပို့ဖြစ်ဘူး။ ဒါနဲ့ အဲဒီအလုပ်ကလေးက နိဒါန်းမစခင် နိဂုံးချုပ်လိုက်ရတာပေါ့။ အမှန်တော့ သိုးလေးက ခံယူချက် လွဲသွားတာပါ။ design ဆိုမှတော့ သိုးလေးလုပ်ထားတဲ့လက်ရာပါဖို့က အရေးအကြီးဆုံးပဲမဟုတ်လား။ ဟိုဟိုဒီဒီ လျှောက်လုပ်ထားတာတွေတော့ အများကြီးရှိတာပေါ့။ နောက်မှ ပို့ပေးလိုက်ရ ကောင်းသား ဆိုပြီးတော့ တွေးမိသေးတယ်။ သိုးလေးဖြစ်ချင်တာက သိုးလေးကို ခေါ်တွေ့စေချင်တယ်။ သူလည်း သူလိုချင်တဲ့အပိုင်းကို ပြော၊ ကိုယ်လည်း ကိုယ်လုပ်နိုင်တာကို ပြောမယ်။ လက်တွေ့ လုပ်ပြဆိုတော့လည်း လုပ်ပြမယ်။ ကြိုက်ရင် အလုပ်ဆက်လုပ်၊ မကြိုက်တော့လည်း အလုပ်မဖြစ်ဘူးပေါ့။ သိုးလေးက အဲဒီလို ဖြစ်စေချင်တာ။ ခုလို မစလိုက်ရဘဲ ဆုံးသွားတာကိုတော့ နှမြောမိတယ်။ ဒါဟာလည်း သိုးလေးအတွက် အတွေ့အကြုံကောင်း တစ်ခုပဲပေါ့။ သိုးလေး အတွေးအခေါ်နုနယ်သေးတယ်ဆိုတာ အထင်းသားပေါ်လာတာပဲလေ။ အပြင်မှာ အဲဒီအစ်ကိုက သိုးလေးကို သိမယ်မဟုတ်ပေမဲ့ သိုးလေးကတော့ အဲဒီအစ်ကိုကို သိပါတယ်။ သူ့ seminar ကိုလည်း သိုးလေး နားထောင်ဖူးပါတယ်။ စကားမစပ် အဲဒီအစ်ကိုက ဘလော့ဆရာကြီး သိလား။ သိုးလေးကို ဘလော့လုပ်ဖို့တိုက်တွန်းတဲ့ အစ်မက ဘလော့အကြောင်းကို အဲဒီအစ်ကိုဆီကတစ်ဆင့် သိခဲ့ရတာလို့ပြောတယ်။ အဲဒီလို... အဲဒီလိုပေါ့... အွန်လိုင်းပေါ်မှ အလုပ်နဲ့ ကျွန်မရဲ့ ဇာတ်လမ်းက ရှိသေးတယ်။ ဘလော့မိတ်ဆွေတွေ ဖတ်ရတာ ပျင်းစရာကြီး ဖြစ်နေမှာစိုးလို့။

AddThis Social Bookmark Button


လောက၏ တန်ဆာဆင်ဖွယ်များ  

September 01, 2007

လောက၏ တန်ဆာဆင်ဖွယ်များ


- နီတိကျမ်းသည် မင်းတို့၏ တန်ဆာတည်း။

- ကိုယ်ကို နှိမ့်ချခြင်းသည် ဂုဏ်ကျေးဇူးတို့နှင့် ပြည့်စုံသူတို့၏ တန်ဆာတည်း။

- တည်ကြည်ခြင်းသည် လင်မယားတို့၏ တန်ဆာတည်း။

- သူငယ်တို့သည် အိမ်၏ တန်ဆာတည်း။

- ကဗျာတတ်ခြင်းသည်ပညာရှိတို့၏ တန်ဆာတည်း။

- ကြည်ညိုဖွယ်ရှိသောအဖြစ်သည် ပညာရှိတို့၏ တန်ဆာတည်း။

- ပြေပြစ်သောအဖြစ်သည် ကိုယ်ခန္ဓာ၏ တန်ဆာတည်း။

- နှစ်လိုဖွယ်သည်ကား သူတော်ကောင်းတို့၏ တန်ဆာတည်း။

- ကောင်းစွာစေ့စပ်ခြင်းသည် ရဟန်း ပုဏ္ဏားတို့၏ တန်ဆာတည်း။

- သည်းခံခြင်းသည် အစွမ်းရှိသောသူတို့၏ တန်ဆာတည်း။

- ဥစ္စာရှိခြင်းသည်ကား အိမ်ရာထောင်သောသူ၏ တန်ဆာတည်း။

- ကောင်းမှုကိုကျင့်ခြင်းသည်ကား သူတော်ကောင်းတို့၏ တန်ဆာတည်း။

AddThis Social Bookmark Button


မေတ္တာထားတယ်တဲ့လား  

August 31, 2007

မေတ္တာထားတယ်တဲ့လား

ဘ၀ကြောင်းကံ၊ မကောင်းဖန်လို့
ယခုဘ၀၊ ခြင်ဖြစ်ရလည်း
ကောင်းမှုပြုသူ၊ ငါလိုလူအား
ဆင်ခြင်နုံနဲ့၊ အသိမဲ့၍
ကိုက်ရန်ကြိုးကုတ်၊ ခြင်ဆိုးယုတ်ကို
ခုပင်လျှင်ငါ၊ ဆုံးမပါအံ့
"ဖြန်း..."
အမျှ အမျှ အမျှ
ယူတော်မူကြပါကုန်သော်
သာဓု သာဓု သာဓု။

လောကကြီးမှာ အဲဒီလိုမျိုး အပေါ်ယံဟန်ဆောင်ကောင်း၊ မျက်နှာပေါ် သကာလောင်းထားပြီး တကယ့်လုပ်ရပ်တွေက မနှစ်သက်စရာတွေ လုပ်နေတဲ့လူတွေ တယ်များပါကလားလို့ တွေးမိတဲ့ခဏ... ... ...

AddThis Social Bookmark Button


အချစ်ဆုံးသူငယ်ချင်း သို့...  

အချစ်ဆုံးသူငယ်ချင်း သို့...

အချစ်ငတ်တယ် အချစ်ငတ်တယ်လို့
နှုတ်က တဖွဖွမပြောချင်ဘူး
တေပေတယ် လေလွင့်တယ်
င့ါဘ၀နဲ့ ငါပဲ
မကောင်းရင် ခံ ကောင်းရင် စံ
ကိုယ်လုပ်သမျှ ကိုယ်တန်ပြန်မှာပဲ
တစ်ခုတော့ရှိတယ်
မမိုက်ရိုင်းဘူး
မယုတ်မာဘူး
ငါက
တစ်ကိုယ်တော်လေလွင့်ခြင်း...တဲ့
ရေရွတ်နေကျ မင်းစကားတွေ
နားထဲက မထွက်ဘူး
"ထူးထူး မင်း ငါ့နားမလာနဲ့
မင်းအတွက် ငါက မကောင်းဆိုးဝါး"
အခါမလပ် မင်းပြောတတ်လည်း
မင်းရင်ထဲမှာ နာကျင်နေတာ
ငါသိတယ်
မိုးဖွဲဖွဲလေးကျနေတဲ့ အဲဒီတစ်နေ့
ငါ ဘယ်တော့မှ မမေ့ဘူး
"ထူးထူး ငါ တွေ့ချင်တယ်
တွေ့နေကျနေရာကို လာခဲ့ပါ"
အမှာပါးကြောင့် ငါ
အပြေးအလွှား လာခဲ့တယ်
မင်းငါ့ကို ရှောင်နေတာ
ကြာခဲ့ပြီမဟုတ်လား
ရွာနေတဲ့မိုးက မသည်းပေမဲ့
အဲဒီနေ့က မင်း အင်္ကျီလက်ရှည်လေးနဲ့လေ
မင်းမျက်ဝန်းကို မကြည့်မိတဲ့ ငါ
အရမ်းချမ်းနေလားဆိုတော့
မင်းက အင်းပေါ့လို့ဖြေတယ်
မနူးညံ့တတ်တဲ့ မင်းရဲ့
နူးညံ့တဲ့အသံကြောင့်
ငါ အထိတ်တလန့်မော့ကြည့်တော့
မိုးဖွဲဖွဲနဲ့အပြိုင် မင်း မျက်ရည်တွေ ၀ဲနေတာ...
ငါ ဘာမှားသွားလို့လဲ...
တွယ်ရာမဲ့ မင်းနဲ့ ကပ်ပါး ငါ့ ကြားက
သံယောဇဉ်တစ်မျှင်...
ရုတ်တရက် မင်းက ငါ့ကို
အင်္ကျီလှန်ပြတယ်
ဘုရား... ဘုရား...
ငါ နှုတ်ဖျားက ရေရွတ်မိသွားလား
စိတ်ထဲက ကြိတ်ပြောမိတာလား
မသိတော့ဘူး
"ထူးထူး ငါ မင်းနဲ့ တွေ့လို့မရတော့ဘူး
ငါတို့လိုလူတွေကို သီးသန့်ထားတဲ့
ရေနံ့သာဆိုတဲ့ရွာကို သွားရတော့မယ်"
အဲဒီနေရာမှာ နာရီပေါင်းများစွာ
နာရီပေါင်းများစွာ...
တိတ်ဆိတ်မှုကြားထဲမှာ
ငြိမ်သက်စွာ...
နှုတ်ဆိတ်စွာ...
.......................
.......................
မင်းကို ကုဖို့
ရေနံ့သာဆိုတဲ့ ရွာကို
ဆရာဝန်အဖြစ်နဲ့ ငါ လာခဲ့မယ်...
မင်းအတွက်ဆိုတဲ့ မျှော်လင့်ချက်နဲ့
ငါ ကြိုးစားမယ်...
ငါတို့ထားခဲ့တဲ့ကတိ
မင်း အမြဲသတိရနေပါ
ငါတို့နှစ်ယောက်ထပ်ဆုံဖို့
မင်း ကြိုးစားလို့ အသက်ရှင်နေပါ သူငယ်ချင်း။

(တစ်ခါတစ်ရံ အတွေးတွေတောင် လမ်းပျောက်တတ်တယ်။ စိတ်ကူးနဲ့ ရူးချင်ရာ ရူးလို့ရပေမဲ့ တစ်ခါတစ်ခါ အဲဒီလိုရူးဖို့တောင် ဘယ်လိုစိတ်ကူးရမှန်းမသိတဲ့အခါရှိတယ်။ ဒီနေ့က သူငယ်ချင်းနဲ့ ခွဲခွာတဲ့နေ့... တစ်နည်းပြောရရင် အတွေးတွေ အတည်တကျမရှိတဲ့ နေ့... တွေးချင်ရာတွေး... ရေးချင်ရာရေး...)

AddThis Social Bookmark Button


ဘ၀ပုံကြမ်း  

August 29, 2007

ဘ၀ပုံကြမ်း

မြစ်ကို ဘ၀နဲ့ တင်စားရင်

ငါ့မြစ်က ပိုပြီး
အကောက်အကွေ့များလွန်းတယ်ထင်ရဲ့။
မင်းဘ၀ရဲ့ အလင်းရောင်ဖြစ်ချင်ပါတယ်ဆိုတဲ့
နင်လည်း
ငါ့ညကို တောက်ပအောင်
မစွမ်းဆောင်နိုင်ခဲ့ဘူး။
ငါဆွဲထားတဲ့ တစ်ကြောင်းဆွဲပန်းချီ
ကောက်ကြောင်းတွေ ထပ်နေတယ်။

AddThis Social Bookmark Button


တစ်ရေးနိုးညများ  

August 27, 2007

တစ်ရေးနိုးညများ

ညကြီးမင်းကြီး
တစ်ရေးနိုးပြီး
ကျွန်မ ယောင်ယမ်းလို့
မှန်သားပြင်ကို အကြည့်ရောက်မိတယ်
ညဦးပိုင်းက လိမ်းခဲ့တဲ့
သနပ်ခါးအပြည့် ပါးပြင်ဟာ
ခုတော့
သနပ်ခါးမဲ့ ပါးပြင် ဖြစ်လို့နေပါလား
ဆောက်တည်ရာမရတဲ့ ကျွန်မစိတ်တွေ
မဆီမဆိုင် သေခြင်းတရားကို သတိရမိတော့
တရားအသိကင်းစွာနဲ့ ကြောက်လန့်နေခဲ့တယ်
ချောက်ချားသွားတဲ့ စိတ်တွေက
အိပ်စက်ခြင်းကို အနိုင်ယူနေတယ်
ကျွန်မ တဒင်္ဂ သေဆုံးချင်ပါရဲ့
ရုတ်တရက် အဖေ့ကိုသတိရမိတယ်
အဖေကတော့
တဒင်္ဂကနေ ထာဝရအိပ်စက်ခြင်းကို
ကူးသွားခဲ့ပြီလေ
ကျွန်မလည်း ဘ၀ကို
အဖေ့လိုပဲ အဆုံးသတ်ချင်ပါရဲ့
အိပ်ရာထက် ပြန်လှဲချလိုက်တော့
ဦးဆုံးမြင်ရတာ
ကျွန်မရဲ့ သီးသန့်ကောင်းကင်ပေါ့
ဒီလိုညတွေကိုရင်ဆိုင်နိုင်အောင်များ
ဒီကောင်းကင်ကြီးကို
အဖေ ဖန်တီးခဲ့လေသလား
တိမ်ဆိုင်တွေကို မျက်နှာကြက်မှာ အပြည့်တပ်ဆင်
တောက်ပနေတဲ့ လပြည့်ညတစ်ခု
အဏုမြူကြယ်တွေကို ရေတွက်လို့
ကျွန်မရဲ့ညမှာ လမိုက်မရှိခဲ့ဘူး
အဖေ့ကျေးဇူးတွေပေါ့
အဖေရော...
အခု အဖေက
ဘယ်အရပ်မှာရောက်နေသလဲ
ကျွန်မ သိပ်သိချင်တယ်
ဟိုးကောင်းကင်ကြီးမှာ အဖေရှိနေမလား
သေချာတာတစ်ခုကတော့
ကျွန်မကောင်းကင်မှာ
အဖေ အမြဲရှိနေတယ်ဆိုတာပဲ။

AddThis Social Bookmark Button


ဖြစ်စဉ်  

August 24, 2007

ဖြစ်စဉ်

အတ္တတွေပြည့်နှက်နေတဲ့
နင့်လက်တစ်စုံက
အလုံပိတ်အခန်းကျဉ်းထဲက
ငါ့ဘ၀ရဲ့
အသက်ရှူပေါက်တစ်ပေါက်
ဖြစ်တယ်ဆိုလည်း
ငါ လက်မကမ်းလိုဘူး
ဇာတ်လမ်းကို ဒီမှာရပ်မယ်
ရှေ့ဆက်ရမယ့် လမ်း
ကြမ်းချင် ကြမ်းမယ်
ပန်းချင် ပန်းမယ်
ငါ့ခြေအစုံကို ငါမညှာဘူး
အဆုံးထိရောက်အောင်သွားမယ်
စာနာတတ်သူ
တွဲကူမှာပဲ
ကိုယ့်သမိုင်း ကိုယ်ရေးဖို့
အနည်းဆုံးတော့
စာရွက်နဲ့ ဘောပင် ရှိရမယ်
သေခြင်းတရားကို မမေ့ဖို့
မမြဲခြင်းတော့ ရှုမှတ်ရမယ်။         ။

AddThis Social Bookmark Button


ကိုယ့်ရဲ့ စွမ်းဆောင်မှုတစ်ခုအပေါ် အခြားတစ်ယောက်က Yes လို့ ပြောရင် ကိုယ့်အတွက် အားအင်တွေ တိုးပွားစေလို့ ကျေးဇူးတင်ရမယ်။ No လို့ ပြောရင်လည်း မာနနဲ့ မခံချင်စိတ်ကို ဖြစ်ပေါ်စေလို့ ကျေးဇူးတင်ရမယ်တဲ့။ တကယ်သာ အဲဒီစိတ်မျိုးထားနိုင်မယ်ဆိုရင် အောင်မြင်မှုက လက်တစ်ကမ်းမှာပဲပေါ့။

AddThis Social Bookmark Button


အရာမထင်လိုတဲ့ နှလုံးသား  

August 21, 2007

              အရာမထင်လိုတဲ့ နှလုံးသား

လမ်းပေါ်မှာ သူရူးတစ်ယောက်ပြောတာ ကြားခဲ့ရတယ်
ပဲလှောင်ရင် ပဲဂိုဒေါင်
ဆန်လှောင်ရ၈် ဆန်ဂိုဒေါင်
သူကတော့ ဘာမှမလှောင်တဲ့
ဂိုဒေါင်အလွတ်တဲ့။
ဆေးကုရင် ဆရာဝန်
စာသင်ရင် ဆရာ
သူကတော့ ဘာမှပညတ်မထားတဲ့
ဗလာပါပဲတဲ့။
သူတတွတ်တွတ် ရွတ်နေသေးတာက
သူက
အရာအားလုံး ပညတ်ဖို့
အဆင်သင့်ဖြစ်နေလို့
သူ့ကိုယ်သူ အခွံပါတဲ့။
တစ်ခါက အိန္ဒိယနိုင်ငံမှာ
ဂုရုကြီးတစ်ယောက်ဟာ
သူပိုင်အရာအားလုံးကို လှူလို့
အ၀တ်တစ်ထည်ကိုယ်တစ်ခုနဲ့ပဲ နေမလို့တဲ့။
ဂုရုကြီးက ဆက်ပြောတယ်
ဘာမှမပိုင်ဆိုင်တဲ့လူဟာ
ပိုင်ဆိုင်နေတဲ့လူထက်
ပိုပြီးပြည့်စုံတယ်တဲ့။
ငါကကော...
လူ့ဘ၀အနှစ်သာရ
အခွံချည်းပဲ မဖြစ်ရအောင်
နေ့နေ့ညည ကြိုးစားနေတယ်
ပြီးပြည့်စုံခြင်းမဟုတ်တောင်
လိုအပ်ချက် မများရအောင်
လှုပ်ရှားရုန်းကန်နေတယ်
ဒါပေမဲ့
ခုချိန်ထိလွတ်နေသေးတဲ့
ငါ့နှလုံးသားစာမျက်နှာ
ဗလာသက်သက်ပဲ ထားချင်တယ်။     ။

AddThis Social Bookmark Button


August 20, 2007

ကိုနတ်ဆိုးဘလော့ဂ်ကို ဖွင့်လို့မရဘူးနော်။ title များ ပြောင်းသွားလားလို့။ ပြောပါဦး။

AddThis Social Bookmark Button


ဘလောက်ဂါ  

August 19, 2007

ဘလောက်ဂါ

'လူ'
ဆိုတာမျိုးက ပုံစံခွက်ချလို့မရဘူး
ဘောင်ခတ်လို့ မရဘူး
အတွေးအခေါ်တွေကိုလည်း ကန့်သတ်လို့မရဘူး

ဒါကြောင့် လွတ်လပ်စွာ ရေးသား၊
အမြင်ချင်း ဖလှယ်၊
အသိချင်း ဝေငှ၊
မတူတာ ငြင်းခုံ၊

အဖြေရှာ၊ ညှိနှိုင်း၊
စိတ်တိုင်းကျ ငြိမ်းချမ်းစွာ သဘောကွဲလွဲနိုင်တဲ့
ဘလောက်ကို
ခုံမင်တာ
ကျွန်မအပြစ် မဟုတ်ပါလားနော်။

AddThis Social Bookmark Button


ရောက်တတ်ရာရာ  

August 17, 2007

ရောက်တတ်ရာရာ

ကျွန်တော်က တရုတ်ဇာတာခွင်အရဆို နွားဇာတာရှင်။ ဒါပေမဲ့ ဒီလိုဇာတာရှင်တွေရဲ့ အမူအကျင့်၊ စိတ်နေစိတ်ထား ဘယ်လိုရှိတယ်ဆိုတာ တစ်ခါမှ ဗေဒင်စာအုပ်မဖတ်ဖူးတော့ ကျွန်တော် မသိဘူး။ ကျွန်တော့် စရိုက်က အများနဲ့တော့ သိပ်မတူဘူး။ တစ်ယောက်တည်းသော အစ်ကိုကို အချစ်ပိုပြီး ကျွန်တော်စကားပြောရင် မိန်းမ မဆန်တတ်ဘူး။ တစ်ယောက်ယောက်က ခေါ်ရင် ကျွန်တော်က ဗျာ လို့ ထူးတတ်တယ်။ ငယ်ငယ်ကဆို အတန်းထဲမှာ အရမ်းစည်းကမ်းတင်းကျပ်တဲ့ ဆရာမ ဒေါ်လှလှရီက ကျွန်တော် ဗျာ လို့ ထူးတာကို မကြိုက်လို့ ရှင်လို့ပြော ရှင်လို့ပြောနဲ့ လက်ဆစ်ကို ပေတံစောင်းနဲ့ခေါက်တာ၊ ပထမတော့ ကျွန်တော် ကြိတ်ခံသေးတယ်။ နောက် သွေးထွက်လာတဲ့အခါကျတော့ မရတော့ဘူး ရှင် လို့ပြောလိုက်ရပေမဲ့ ကွယ်ရာမှာ ဗျာ ပြန်ဖြစ်သွားတာ ပါပဲ။ ခုထိ အဲဒီအကျင့်ကို ပြင်လို့မရတော့ဘူး။ ကျွန်တော်က အပေါင်းအသင်းလည်း အများကြီး မထားတတ်ဘူး။ ကျွန်တော်ပေါင်းတဲ့ အပေါင်းအသင်းတွေကလည်း ကျွန်တော့်စရိုက်ကို နားလည်တဲ့သူတွေပဲ။ ကျွန်တော်စကားပြောရင် ချောချောမောမောမရှိဘူး။ ထစ်တာကို မဆိုလိုဘူးနော်။ စကား အဆင်မချောတာကို ပြောတာ။ ဥပမာဗျာ ကျွန်တော်တို့ရပ်ကွက်မှာ အပတ်စဉ် ဗုဒ္ဓဟူးနေ့တိုင်း ဆွမ်းပတ်ရှိတယ်။ အဲဒီရက်ဆို ဘွန္တော အော်တာနဲ့ ကျွန်တော် ဆွမ်းထချက်ရတယ်။ ဆွမ်းလောင်းပြီးတဲ့အချိန်ကျရင် ကျွန်တော်က ပြန်အိပ်တာ မနက် ရှစ်နာရီလောက်မှ ထတယ်ဗျာ။ အဲဒီမနက်မှ အမျိုးတစ်ယောက် (အဘွားပေါ့) အိမ်လည်လာတော့ ကျွန်တော့်ကို ဒီအချိန်အထိ အိပ်ရသလားဆိုပြီး ဆူရော။ ကျွန်တော်က ဒီနေ့ ဘွန္တောရှိတယ်လေ။ အဲဒါကြောင့် အခုမှ ထနိုင်တာပါလို့ ပြန်ပြောလိုက်တယ်။ အဲဒါ အဘွားက ကျွန်တော့်ကို ဘာမှပြန်မပြောဘဲ အမေ့ကို သွားဆူရော။ ကလေးက မိန်းကလေး၊ ဘယ့်နှယ် ဘွန္တောအော်တာ ထည့်လိုက်ရသလဲ ဘာလဲနဲ့ပေါ့။ အဲဒါနဲ့ အမေက ကျွန်တော့်ကို စကားအပြော မတတ်ရပါ့မလားဆိုပြီး ဆူပါလေရော။ နောက်တစ်ခါရှိသေးတယ်။ ကျွန်တော်က တစ်ခုခု အထိတ်တလန့်ဆို မှားအော်တတ်တယ်။ ဥပမာဗျာ လမ်းသွားလို့ ကိုယ့်ရှေ့က လူတစ်ယောက် အောက်က ခလုတ်ကို မမြင်လို့ ခလုတ်တိုက်တော့မယ့် အနေအထားဆို ကျွန်တော်က ဒီမှာဒီမှာ အပေါ်မှာ အပေါ်မှာ နဲ့ မှားအော်လိုက်ရင် ဟိုလူက ကြောင်ပြီး အပေါ်မော့ကြည့်၊ အဲဒီကျမှ ခလုတ်က တကယ် တိုက်ရော။ တစ်ခါတလေတော့လည်း အဲဒီအမှားကနေ ကူရာ ကယ်ရာ ရောက်သွားတာလေးတွေလည်း ရှိတတ်ပါတယ်။ ပြီးတော့ ကျွန်တော်က စတတ် နောက်တတ်တယ်။ တစ်ခုပြောပြရရင် ကျွန်တော် ရှစ်တန်း၊ ကျွန်တော့်အစ်မ ဆယ်တန်းမှာပေါ့။ သူက ဆယ်တန်းဆိုတော့ နေ့နေ့ညည ဟုတ်ဟုတ် မဟုတ်ဟုတ် စာတွေတော့ ကျက်နေတာပဲပေါ့။ ညဘက် ထမင်းစားသောက်ပြီး တစ်အောင့်နေရင် ကျွန်တော်က ထောင့် တစ်ထောင့်၊ အစ်မက ထောင့်တစ်ထောင့်မှာ နေရာယူပြီး စာထိုင်လုပ်ကြတယ်။ အဲဒီနေ့က မှတ်မှတ်ရရ ပဲဟင်းနဲ့ ငါးခြောက်ထောင်း ချက်တဲ့နေ့။ စားလို့ကလည်း ကောင်းပါ့။ ည မိုးချုပ်လာတော့ အကုန်လုံး အိပ်ကြပြီ။ ကျွန်တော်က တွက်လက်စ သင်္ချာလေးပြီးရင် သိမ်းမယ်ပေါ့။ ကျွန်တော့်အစ်မကို လှမ်းကြည့်တော့ အိပ်ငိုက် နေတယ်။ အဲဒါနဲ့ သွားအိပ်တော့လေလို့ပြောတော့ သူက ငါ အိပ်မငိုက်ပါဘူးတဲ့။ ပြူးပြဲနဲ့ ပြန်ပြောတယ်။ နေပေါ့... ထားလိုက်တယ်။ ခဏနေပြန်ကြည့်တော့ အိပ်ငိုက်နေတယ်။ ကိုင်ထားတာက Chemistry စာအုပ်၊ သူ တိုးတိုးတိုးတိုး ရွတ်နေတာက Bio တွေ။ အဲဒါနဲ့ မ ထမင်းစားလို့ကောင်းလားလို့ မေးလိုက်တော့ အိပ်ချင်မူးတူးနဲ့ ပဲဟင်းနဲ့ ငါးခြောက်ထောင်းနဲ့ စားလို့ကောင်းတယ်တဲ့ ပြန်ပြောတယ်။ ကျွန်တော်လည်း သူ အိပ်ချင်ပြေသွားပြီ ထင်တာနဲ့ ကျွန်တော့်စာပဲ ပြန်လုပ်နေတာပေါ့။ ဘယ်ဟုတ်မလဲ သူက အဲဒီကစပြီး တစ်ချိန်လုံး ပဲဟင်းနဲ့ ငါးခြောက်ထောင်းနဲ့ စားလို့ကောင်းတယ် ဆိုတာကိုပဲ စာရွတ်သလို ဆက်တိုက် ရွတ်နေတော့တာပဲ။ ဘယ်ရမလဲ ကျွန်တော်တစ်ယောက်တည်း ကြိတ်ရယ်ရင်းနဲ့ နားကျပ်ကက်ဆက်ယူ၊ အသံသွင်းထားလိုက်တာပေါ့။ မနက် လင်းတော့ တစ်အိမ်လုံးကို လိုက်ဖွင့်ပြ၊ သူ စိတ်တွေဆိုးတာ တအားပေါ့။ အဲဒီကက်ဆက်ခွေကိုလည်း ကျွန်တော့် ဆီက ဘယ်လောက်နဲ့လဲမသိဘူး၊ သူ ၀ယ်သွားတယ်။ ကျွန်တော်က ပိုက်ဆံမလိုချင်ပါဘူး၊ ဒါပေမဲ့ သူ့ကို အားနာလို့....။ အဲဒီလို အဲဒီလိုပေါ့... ကျွန်တော့်အကျင့်ကို ပြောပါတယ်။ အစမရှိ အဆုံးမရှိနဲ့ ဒီမှာပဲ တုံးတိ ဖြတ်လိုက်ဦးမယ်နော်။ ကျွန်တော် အလုပ်သွားရတော့မယ်ဗျ။

AddThis Social Bookmark Button


အကြိုက်ဆုံး ပို့စ် ငါးခု  

သိုးလေးတင်တဲ့ ပို့စ် တော်တော်များများဟာ သိုးလေးရဲ့ အဖြစ်အပျက်တွေ၊ ပတ်ဝန်းကျင်မှာ မြင်တွေ့ရတာတွေ၊ ပြီးတော့ မကျေနပ်ချက်တွေ၊ စိတ်ကူးယဉ်တာတွေ၊ တစ်နည်းအားဖြင့် ခံစားမှုတွေများပါတယ်။ ပညာရစရာတော့ ဘာတစ်ခုမှ မရှိပါဘူး။ ပထမဦးဆုံး ကိုဘုရင့်နောင် tag တယ်ဆိုတာ စသိတဲ့အချိန် သိုးလေး ၀မ်းနည်း ၀မ်းသာ ဖြစ်မိပါတယ်။ သိုးလေးကို သတိတရ tag တဲ့အတွက် ၀မ်းသာသလို သိုးလေးရေးခဲ့တဲ့ ပို့စ်တွေအပေါ် အားမရတာ၊ ဒါ သိုးလေးအကြိုက်ဆုံး ပို့စ်တွေပါလို့ ချပြရလောက်အောင် စိတ်တိုင်းမကျတာလည်း ပါတယ်။ ဒါပေမဲ့ ကိုယ်ရေးချင်တာတွေ ရေးခဲ့တဲ့အတွက်တော့ ကျေနပ်ပါတယ်။ သိုးလေးကို tag တဲ့ ကိုဘုရင့်နောင်၊ ကိုပုဂံသား၊ ကိုနိုင် တို့ကို လေးစားခြင်း၊ ကျေးဇူးတင်ခြင်းများဖြင့် အဟောင်းထဲက အကောင်းလို့ ထင်တာလေးတွေကိုပဲ သိုးလေး အကြိုက်ဆုံးအနေနဲ့ တင်လိုက်ပါတယ်။

- အဇ္ဈတ္တမှ လွတ်မြောက်ခြင်း
  ခံစားချက်တွေက တစ်ခါတစ်ခါ အဲဒီလိုပဲဖြစ်တတ်လို့ပါ (ခုထိပါပဲ)

- အားပေးလို့ကူလှည့်ကြ
  ဘလောက်နဲ့ပတ်သက်တဲ့ သိုးလေးရဲ့ခံစားချက်လေးပါ

- ပြင်ဆင်ခွင့်
  (လူတစ်ယောက်ရဲ့ လူပီပီ အကျင့်ကလေး၊ စိတ်ဓာတ်ကလေးကို အနီးစပ်ဆုံး ရေးထားတာပါ)

- ပုံရိပ်
  (ဒါ တစ်ယောက်သောသူရဲ့ စစ်မှန်တဲ့ ခံစားချက်၊ အနီးစပ်ဆုံး ပုံရိပ်ပါ )

- ထာဝရ
  (အရင်းနှီးဆုံးသူငယ်ချင်းတစ်ယောက်အတွက် ရေးထားတဲ့ ကဗျာလေးပါ)

AddThis Social Bookmark Button


အလွမ်း  

August 16, 2007

အလွမ်း

'အလွမ်း' တဲ့
စကားလုံးနှစ်လုံးတည်းပေမဲ့
သူ့ရဲ့အင်အား
အရမ်းကြီးမားတယ်
သူက
မီးတောင်လို ပေါက်ကွဲအောင်
စွမ်းဆောင်နိုင်သလို
ရေခဲမြစ် ဖြစ်သွားဖို့လည်း
ဝန်မလေးဘူး
သူ့မှာ
အချိန်နာရီ
ရာသီဥတု
ဘာတစ်ခုမှ သတ်သတ်မှတ်မှတ်မရှိဘူး
လူပုဂ္ဂိုလ်
နေရာဒေသ
ဘာပညတ်ချက်မှ မရှိဘူး
သူ့ကို
ခေါင်းစဉ်တပ်ရင်လည်း
အလွမ်းရယ်လို့ မမည်တော့ဘူး
စူးစမ်းတတ်တဲ့အရွယ်မှာ
ရူးနှမ်းသွားစေတာလည်း
ဒီအလွမ်းပဲ
ဂန္ထ၀င်ကဗျာတွေမှာ
ရာနှုန်းများများပါနေတာလည်း
ဒီအလွမ်းပဲ
နေထိုးရင်လည်း လွမ်း
လေတိုးရင်လည်း လွမ်း
မိုးတစ်ပြိုက်နှစ်ပြိုက်ကျလည်း လွမ်း
လမိုက်ညလည်း လွမ်း
လွမ်း ....

AddThis Social Bookmark Button


ထာဝရ  

August 15, 2007

ထာဝရ

သူငယ်ချင်း
မင်းနဲ့ ငါ လက်တွဲခဲ့တာ သုံးနှစ်မက
အခု ရင်နှင့်အမျှ ခံစားနေရတာလည်း
မင်းကြောင့်ပဲ
အမူအရာနဲ့တောင်
ကြင်ကြင်နာနာ မပြုတတ်ခဲ့တဲ့ ငါ
စကားလုံးတွေလည်း
ညင်ညင်သာသာ တစ်ခါမှ မထွက်ခဲ့ဘူး
နီးနီး ဝေးဝေး ငါ့ဘေးနား
မင်း အမြဲမနေနိုင်တော့တာ
ခု သေချာသွားပြီလေ
မင်းဘ၀ လှေခါးထစ်
တစ်ဆင့်မြင့်တက်သွားတာ
အရိုးခံစိတ်နဲ့ ငါဝမ်းသာတယ်
မိသားစုမှာ ငါဟာ
တစ်သီးပုဂ္ဂလ ရှင်သန်နေတဲ့လူ
မင်းရှေ့ရောက်ရင်တော့
ပီဘိကလေးငယ်လို
ချွဲနွဲ့တတ်တဲ့လူ
ခု ငါ့ရင်ထဲမှာ အရမ်းမွန်းကျပ်နေတယ်
အသံတိတ် ကြိတ်ငိုရလွန်းလို့
အာခေါင်တွေတောင် ခြောက်ကပ်လာတယ်
ချန်ရစ်ခဲ့တဲ့လူနဲ့
ကျန်ရစ်ခဲ့တဲ့လူ
ဘယ်သူက ပိုရင်နာမယ်လို့ မင်းထင်လဲ
နေရာသစ်မှာ မိတ်ဆွေသစ်နဲ့
မင်းနေတတ်အောင် ကြိုးစားနေချိန်
ငါကတော့ မင်းအရိပ်တွေနဲ့
တိတ်တဆိတ်ပဲ လှုပ်ရှားနေမိမယ်ထင်ရဲ့
အမူအရာတွေ မနူးညံ့
စကားလုံးတွေ မသိမ်မွေ့ပါဘဲ
စိတ်တစ်ခုကို အရင်းပြုလို့
မင်းနဲ့ ငါ လက်တွဲခဲ့တာ
လက်ထဲမှာ ရေမပြည့်လည်း
ဟန်အပြည့်နဲ့ လျှောက်သွားခဲ့တာ
မင်းနဲ့ ငါပဲ
တနင်္ဂနွေတွေ လျှောက်သွားဖို့
မင်းအဘွားလည်း အခါခါသေခဲ့ရတယ်
မင်းကိုပြောပြရင်
နောက်တစ်ပတ်အတွက်
နောက်တစ်ယောက်ပေါ့လို့
မင်းပြောတတ်တယ်
ငါက အဲဒီလိုဆိုးတဲ့သူ
မသွယ်လျတဲ့ ငါ့လက်တစ်စုံက
နူးညံ့တဲ့ မင်းဆံပင်တွေနဲ့
ခွဲခွာဖို့ အသင့်မဖြစ်သေးဘူး
မင်းသွားရာ ထာဝရလိုက်ပါနိုင်ဖို့
ငါ့နာမည်ရေးထိုးထားတဲ့ တိမ်တစ်စ
ခု ကောင်းကင်ပေါ် လွှတ်တင်လိုက်ပြီ
မင်းမော့ကြည့်လိုက်ချိန်
မြင်ရတဲ့ တိမ်တစ်စဟာ ငါပဲ
မင်းရောက်ရာအရပ်မှာ ငါရှိနေမယ်။

AddThis Social Bookmark Button


နေ့စဉ်ရွတ်ဖတ်သင့်သော ဂါထာ  

August 12, 2007

နေ့စဉ်ရွတ်ဖတ်သင့်သော ဂါထာ

ဣတိပိသော ဘဂ၀ါ
အရဟံ
သမ္မာသမ္ဗုဒ္ဇေါ
ဝိဇ္ဇာစရဏသမ္ပန္နော
သုဂတော
လောက၀ိဒူ
အနုတ္တရောပုရိသဓမ္မသာရထိ
သတ္တာဒေ၀မနုဿာနံ
ဗုဒ္ဇေါ
ဘဂ၀ါ
ဗုဒ္ဇံသရဏံ ဂစ္ဆာမိ
ဓမ္မံသရဏံ ဂစ္ဆာမိ
သံဃံသရဏံ ဂစ္ဆာမိ
လုံးစုံများစွာ သတ္တ၀ါ ချမ်းသာကိုယ်စိတ် မြဲပါစေ။ ဥပဒ်ရန်ဘေး ကင်းစင်ဝေး ငြိမ်းအေးကြပါစေ။

လူတိုင်းရွတ်သင့်တဲ့ ဂါထာလေးကို သိုးလေးနည်းတူ ဘလော့မောင်နှမများလည်း ရွတ်စေချင်လို့ တင်ပြလိုက်တာပါ။ ညာဏ်ကောင်းစေတာ၊ လာဘ်ရွှင်စေတာရယ်လို့ ခေါင်းစဉ်တပ်မထားတဲ့ ဘုရားဟောဂါထာလေးပါ။ ဒီဂါထာလေးကို ရွတ်တာနဲ့ ကိုယ့်ကိုယ်ကိုယ် သရဏဂုံတင်ပြီးသားဖြစ်သလို လူအများအတွက်လည်း မေတ္တာပို့ပြီးသား ဖြစ်စေပါတယ်။ ဘုရားဂုဏ်တော်ကိုးပါးကလည်း ဗုဒ္ဓဘာသာဝင်တိုင်း ရပြီးသားဖြစ်လို့ ဒီဂါထာအတွက် အခက်အခဲရှိမှာမဟုတ်ပါဘူး။ ဒီဂါထာလေးကို မနက်အိပ်ရာက နိုး၊ တစ်ကိုယ်ရေ သန့ရှင်းပြီးတာနဲ့ ဘုရားရှိခိုးရင်းနဲ့ဖြစ်စေ၊ မအားလပ်လို့ အလုပ်လုပ်နေရင်း စိတ်ထဲက ဖြစ်စေ သက်စေ့ ရွတ်ဆိုပေးပါ။ ရွတ်ဆိုဖို့အတွက် အချိန်အကြာကြီးလည်း မကုန်ပါဘူး။ အားလုံး အခက်အခဲမရှိ ရွတ်ဆိုနိုင်ကြမယ်လို့ထင်ပါတယ်။

AddThis Social Bookmark Button


August 11, 2007

လူတစ်ယောက်သည် ပထမအရွယ်တွင် ကွန်မြူနစ်ဖြစ်ပြီး ဒုတိယအရွယ်တွင် လစ်ဘရယ်ဖြစ်ကာ တတိယအရွယ်တွင် ကွန်ဆာဗေးတစ် ဖြစ်သွားသည်ဟု အဆိုရှိသည်။

ဒီစာကြောင်းလေးကို အင်္ဂလိပ်စာအုပ်တစ်အုပ်မှာ ဖတ်ရတာပါ။ ဆိုလိုရင်းကို ထိထိမိမိ မသိဘူးဖြစ်နေလို့ မိတ်ဆွေတို့ သိရင် ရှင်းပြပေးပါဦးလို့.....

AddThis Social Bookmark Button


မှတ်တိုင်လေး  

မှတ်တိုင်လေး

မှတ်တိုင်လေးဆီကို
နိစ္စဓူဝ လူပေါင်းများစွာ
ရောက်ရောက်လာတတ်တယ်
မှတ်တိုင်လေးကတော့
သူ့ဆီရောက်လာတဲ့လူတွေ
တစ်ခဏတာပဲဖြစ်ဖြစ် အေးချမ်းစေရအောင်
သူ့တာဝန်ကို မပျင်းမရိ ထမ်းဆောင်နေဆဲ။

တစ်နေ့တစ်နေ့ ရောက်လာတတ်တဲ့
အလွှာမျိုးစုံ လူတန်းစားမျိုးစုံကို
ငေးငေးနေရတာနဲ့ မှတ်တိုင်လေး
ပျင်းဖို့တောင် အချိန်မရပါဘူး။

တစ်ခါတစ်ခါ လူတွေကြည့်ရတာ အေးချမ်းပေမဲ့
တချို့လူတွေအတွက် ပူလောင်မှုတွေ မငြှိမ်းသတ်ပေးနိုင်လို့
မှတ်တိုင်လေး စိတ်မကောင်းဖြစ်ရသေးတယ်။

မှတ်တိုင်လေးကို အရိပ်ခိုနေပေမဲ့
မသိတတ်သူ လူတချို့က
ကွမ်းတံတွေး ထွေး ညစ်ညစ်ပတ်ပတ်လုပ်လည်း
မှတ်တိုင်လေး သည်းခံရှာတယ်
ဒီလိုလုပ်လို့ စိတ်ချမ်းသာမှုရမယ်ဆို
မှတ်တိုင်လေး အနစ်နာခံပေးမတဲ့။

ခုတလော မှတ်တိုင်လေး
ကောင်မလေးတစ်ယောက်ကို သတိထားမိတယ်
အမြဲမပြုံးမရယ်တတ်သလို
မှတ်တိုင်လေးရဲ့အရိပ်ကို မခိုတတ်တဲ့၊
ဘယ်တော့မှလည်း ခုံနေရာမယူတတ်တဲ့
ကောင်မလေးတစ်ယောက်ကိုပေါ့။

မှတ်တိုင်လေးကို တစ်နေ့တာအတွက်
အချိန်အကြာဆုံး အဖော်လုပ်ပေးတာ
အဲဒီကောင်မလေးပဲ ထင်ပါရဲ့
ကောင်မလေးစီးတတ်တဲ့ တစ်စီးတည်းသောကားက
နာရီဝက် တစ်ခါတောင် မလာတတ်တဲ့ကားဖြစ်နေလို့ပေါ့။

မိုးဖွဲဖွဲရွာလို့တော့ ကောင်မလေး
ဘယ်တော့မှ ထီးမဆောင်းတတ်ဘူး
တဖွဲဖွဲကျနေတဲ့ မိုးစက်တွေအောက်မှာ
မဖြူ မညို စိုပြည်တဲ့အသားအရေနဲ့
မတို မရှည် ဆံနွယ်စလေးတွေ တ၀ဲဝဲလွင့်နေတဲ့
ကောင်မလေးကို ကြည့်ရတာ
ကဗျာမမီ စာမမီ ပါပဲ။

ခုတစ်ခါ မှတ်တိုင်လေးဆီ
ပုံမှန်နီးပါး ရောက်ရောက်လာတတ်တဲ့
ကောင်လေးတစ်ယောက် ထပ်တိုးလာတယ်
ကောင်လေးကလည်း ကောင်မလေးလိုပဲ
မှတ်တိုင်လေးရဲ့ အရိပ်ကို မခိုသလို
ခုံနေရာလည်း မယူတတ်ဘူး
ပိုထူးခြားတာက
ကောင်မလေးစီးတဲ့ကားကိုပဲ
ကောင်လေးလည်း စောင့်စီးရတယ်လေ။

အချိန်ကိုက် တိုက်ဆိုင်တတ်တဲ့
ကောင်လေးနဲ့ ကောင်မလေးကို
မှတ်တိုင်လေး ငေးငေးနေရတာနဲ့
မနက်ခင်းလေး ဘယ်လိုကုန်ဆုံးမှန်းမသိလိုက်တာ
တော်တော်ကြာခဲ့ပြီ။

ကောင်မလေး မှတ်တိုင်လေးနဲ့ အဖော်လုပ်ပေးတာ
၆ လ နီးပါးရှိခဲ့ပြီ
ကောင်မလေးမလာတဲ့နေ့မျိုးဆို
မှတ်တိုင်လေးလည်း တစ်ခုခုလိုနေသလိုလို။

တစ်ခါတစ်ခါ
ကောင်မလေးကို ငေးငေးလေးကြည့်နေတတ်တဲ့
ကောင်လေးကို မြင်ရသလို
မျက်ဝန်းချင်း မဆုံနိုင်အောင် ကြိုးစားနေတတ်တဲ့
ကောင်မလေးကိုလည်း မြင်ရတယ်
မှတ်တိုင်လေးကတော့ အရာအားလုံးထက်
ကောင်မလေး သူ့ကို အဖော်လုပ်ပေးနေတာကိုပဲ
ကျေနပ်နေလေတယ်။

တစ်ခါတလေတော့လည်း မှတ်တိုင်လေး တွေးမိတယ်
တကယ်လို့များ တစ်နေ့မှာ
မှတ်တိုင်လေးဆီ ကောင်မလေး ရောက်မလာခဲ့တော့ရင်...

နိစ္စဓူဝ လူပေါင်းများစွာ
မှတ်တိုင်လေးဆီ ရောက်လာတတ်ပေမဲ့
ဒီနေ့နဲ့ နက်ဖြန် မတူတတ်ကြဘူး
ပုံမှန်လာတတ်တဲ့ ကောင်မလေးကရော...
ရုတ်တရက် ကောင်မလေးအတွက်
မှတ်တိုင်လေး ဆုတောင်းပေးနေမိတယ်
ကောင်မလေး ကျန်းမာစေကြောင်းပေါ့။

တစ်နေ့တော့ ထူးထူးခြားခြား
ကောင်လေးက တခြားကောင်မလေးတစ်ယောက်နဲ့
မှတ်တိုင်လေးဆီရောက်လာတယ်
မပြုံးမရယ်တတ်တဲ့ ကောင်မလေးကတော့
ထုံးစံအတိုင်း မှတ်တိုင်လေးရဲ့အရိပ်ကို မခို
ခုံနေရာလည်း မယူဘဲ ရှိနေပေမဲ့
ကောင်မလေးမျက်နှာ မရွှင်တာ
မှတ်တိုင်လေး မြင်နေရတယ်။

နောက်နေ့တော့ မှတ်တိုင်လေး အဖော်မဲ့နေလေရဲ့
ကောင်မလေးလည်းမလာသလို ကောင်လေးလည်း ပေါ်မလာဘူး
တစ်ခုခုမှန်းတော့ မှတ်တိုင်လေးလည်း သိနေပါရဲ့
ရုတ်တရက်ကြားလိုက်ရတဲ့သီချင်းကို
မှတ်တိုင်လေး အမှတ်မထင် နားစွင့်လိုက်မိတယ်။

''မမြင်နိုင်အောင် လျှို့ဝှက်ထားတဲ့ အကြင်နာမျက်ဝန်းတွေ
ငါ့အချစ်တွေ မင်းလေးမသိအောင် ဟန်ဆောင်လိမ်ညာရင်း
မဆုံနိုင်အောင်ကြိုးစားရင်း ငါ နာကျင်နေပါပြီ
ဘယ်သူမှမသိနိုင်တဲ့ ငါ့အချစ်တွေ မင်းလည်း မသိဖို့လေ

မမြင်ကွယ်ရာ ငါ့ရဲ့အချစ်တွေ ရင်မှာသိုဝှက်ရင်း
အတူဆုံချိန် အိပ်မက်ထဲမှာ အကြင်နာကိုရင်ဖွင့်
မှောင်မှာရှောင်ပုန်းခဲ့ရတာ နာကျင်နေပါပြီ
ဟန်ဆောင်မျိုသိပ်ထားတဲ့အချစ်တွေ မင်းမသိနဲ့တော့လေ

တကယ်ဆို မင်းနဲ့တို့ဟာ ဘယ်လိုမှဆုံစည်းဖို့မဖြစ်နိုင်ခဲ့
ကြင်နာ ရှိနှင့်ထားသူ မင်းနဲ့ဝေးရာ ရှောင်ဖယ်နေပါမယ်
ဟိုအရင် ငါ့ရဲ့အခန်းမှာ လူတွေမသိအောင် တိတ်တဆိတ်ကြိတ်ငိုမယ်
အိပ်မက်ထဲတော့ အပြစ်ယူ မရက်စက်ပါနဲ့
တို့တွေ့ခွင့်လေး...''
..... ..... .....
.... ..... .....

မှတ်တိုင်လေး တွေးမိတယ်
သီချင်းက ကောင်မလေးကိုများ စောင်းပြောနေသလားလို့။

နောက်နေ့ နောက်နေ့တွေမှာလည်း
ကောင်မလေး ပေါ်မလာတော့ဘူး
မှတ်တိုင်လေးမှာတော့ အဖော်မဲ့ပြီပေါ့...
တကယ်တော့
မှတ်တိုင်လေးအဖို့ရာ မထူးဆန်းတော့ပါဘူး
မှတ်တိုင်လေးအတွက်
ထာဝရအဖော်ဆိုတာ မရှိဘူးလေ။

ဒီလိုမျိုးတွေဖြစ်အောင်များ
နာမည်က နိမတ်ပြသလားလို့တောင်
မှတ်တိုင်လေး တွေးနေမိတယ်
ဘာလို့ဆို
မှတ်တိုင်လေးနာမည်က
အဝေးပြေး ... တဲ့ ...

AddThis Social Bookmark Button


မပြီးဆုံးခြင်း  

August 08, 2007

မပြီးဆုံးခြင်း

ငါ့အကြောင်းကို ဖွင့်ပြောရရင်
အားလုံး မောကုန်မှာပေါ့
ဒီတော့ နားနားပြီး ပြောမယ်
နားနားပြီးလည်း ဖတ်ပေါ့။

အခုတလော ရူးသွပ်မှုတွေက
မိုးထိမြင့်နေတယ်
သန်းခေါင်ယံည အတွေးတွေဆိုတော့
အရုဏ်ပေါ်တော့ ပျောက်ကွယ်သွားတာ
မဆန်းပါဘူး။

ငါ့အိတ်ကပ်ကို ခဏမေ့သွားတယ်
စကောလားရှစ်အတွက် အွန်လိုင်းကနေ ၀င်ခွင့်ဖြေဖို့...
အန်ဂျီအိုမှာလည်း ဘာရာထူးဆိုလားပဲ
မျှော်လင့်လိုက်သေး။

တစ်ညတစ်ည စာအုပ်လက်ကမချဘဲ
စိတ်ကူးက ဟားဗတ်တက္ကသိုလ်မှာ
Edgar Allan Poe အကြောင်း ဖတ်နေတာ
ရက်ပေါင်း ၄၀ ကြာပြီ။

Would you mind နဲ့ Don't you mind တောင်
ကွဲပြားအောင်မသိလို့ အခုမှ
အခြေခံသဒ္ဒါ ပြန်လေ့လာနေရတုန်း။

သူငယ်ချင်းကတော့ အားပေးတယ်
မင်း နီးတော့ နီးလာပါပြီတဲ့
သူရည်ရွယ်တာ မမေးတော့ဘူး
လိုရာဆွဲတွေးတာပဲ ကောင်းတယ်။

မောသွားပြီဆို မိတ်ဆွေ
ရေသောက်နိုင်တယ်နော်
သောက်မယ့်ပမာဏတော့
ကိုယ့်ဘာသာကိုယ် ချင့်ချိန်ပေါ့။

ငါလည်း မောပြီ
ဒီတော့
ဒီနေရာမှာ တစ်ခန်းရပ်လို့
ကိုစိုင်းဝင်းမြင့်စကား ခဏငှားလိုက်ရရင်
မြန်လို့လည်း မရ
ပြေးလို့လည်း မရတဲ့ ကမ္ဘာ
ဖြည်းဖြည်းလျှောက်ရင် ဝေးဝေးရောက်မယ်
စကားများများကိုလည်း
မနက်ဖြန်မှပြောမယ်။ ။

AddThis Social Bookmark Button


ကဗျာအပေါ် သူတို့ရဲ့အမြင်  

ကဗျာအပေါ် သူတို့ရဲ့အမြင်

တူတူပုန်းတမ်းကစားနေတုန်း၊ ပုံပြောနေတုန်းမှာ ကလေးဟာ ကဗျာဆရာ ဖြစ်သွားတယ်။
နွားကျောင်းသားက သူ့ချစ်သူအတွက် ခရေပန်းကုံးကလေးတွေ ကုံးပေးနေတုန်းမှာ ကဗျာဆရာ ဖြစ်သွားရတယ်။
လယ်သမားဟာ လယ်ထွန်ရာက ရပ်ပြီး သက်တံ့ကြီးကို ငေးကြည့်နေတုန်းမှာ ကဗျာဆရာ ဖြစ်သွားရတယ်။
အလုပ်သင်စာရေးဟာ ပန်းအလှပြပွဲကို ကြည့်နေတုန်းမှာ ကဗျာဆရာ ဖြစ်သွားတယ်။
ကပ်စေးနှဲတဲ့သူဌေးဟာ သူ့ရွှေစကို ပွတ်သပ်နေတုန်းမှာ ကဗျာဆရာ ဖြစ်သွားတယ်။
နန်းတွင်းသားဟာ သူ့အထက်က မှူးမတ်ကြီးရဲ့ အပြုံးပေါ်မှာ မျှော်လင့်ချက်တစ်ခုကို တည်ဆောက်နေတုန်းမှာ ကဗျာဆရာ ဖြစ်သွားတယ်။
တောတွင်းသား လူရိုင်းဟာ သူကိုးကွယ်နေတဲ့ နတ်ရုပ်ကို သွေးနဲ့ အရောင်ခြယ်နေတုန်းမှာ ကဗျာဆရာ ဖြစ်သွားတယ်။
မင်းဆိုးဟာ သူ့ကိုယ်သူ နတ်ဘုရားလို့ ထင်နေတုန်းမှာ ကဗျာဆရာ ဖြစ်သွားတယ်။
ဒါဟာ ဟက်ဇလစ် ပြောခဲ့တဲ့ စကားတွေပါ။

ဆရာမြသန်းတင့်ကတော့ ''လူတိုင်းမှာ ခံစားချက်တွေ၊ စိတ်ကူးတွေ၊ မျှော်လင့်ချက်တွေ၊ အားငယ်ချက်တွေ ရှိကြတယ်။ ဒီခံစားချက်တွေကို ဖော်ပြတာတိုင်းဟာ ကဗျာလို့ ပြောပါတယ်။ တစ်လုံးတည်းနဲ့ ချုပ်ပြောရရင် ရင်ခုန်သံကို ဖော်ပြတိုင်းဟာ ကဗျာပဲပေါ့။ အဖြစ်အပျက်တစ်ခုကို မြင်တယ်၊ ကြားတယ်။ ဒီအခါမှာ ခံစားမှုကို ပေးတယ်။ ခံစားမှုဝေဒနာကနေ စိတ်ကူးကို နှိုးပေးတယ်။ အဲဒီအခါမှာ နရီတို့၊ အသံတို့နဲ့ အဲဒီအကြောင်းကို ဖွဲ့တယ်။ ဒီမှာ ကဗျာ ဖြစ်လာတယ်'' တဲ့။

AddThis Social Bookmark Button


ပုံရိပ်  

August 04, 2007

ပုံရိပ်

လူသားအဖြစ်နှင့် ကျွန်မ စတင်အသက်ရှူချိန်မှာ
အမေက အဖေ့ဝိညာဉ်နဲ့အတူ ကျွန်မဘေးမှာ ရပ်လို့
ပီဘိကလေးငယ် ကျွန်မ
ဘာမှမပြောနိုင်ခဲ့ဘူး။

စကားပြောတတ်တဲ့အရွယ်ရောက်ပြန်တော့လည်း
ဆွံ့အနေတဲ့ ကျွန်မ
အိပ်မက်ထဲမှာ အဖေနဲ့တွေ့တောင်
နှုတ်ဆိတ်နေခဲ့ရတယ်။

ကျောင်းနေရမယ့်အရွယ်ရောက်တော့
အမေ့ရဲ့စိတ်မကောင်းခြင်းကြီးတဲ့မျက်နှာ
ငယ်ရွယ်ပေမဲ့ ကျွန်မ ခံစားနေတတ်ခဲ့ပြီ။

မေရီချက်ပ်မင်းကျောင်းကို ပို့ဖို့ပြောတဲ့ ဆွေမျိုးတွေဟာ
ကျွန်မအမေရဲ့ ရန်သူတွေပဲ
အများနည်းတူ သင်္ကေတတေတွေသုံးလို့
ကျွန်မရဲ့ သောတအာရုံ ပျက်စီးမှာ
အမေ အရမ်းကြောက်နေခဲ့တယ်။

ပင်ပန်းကြီးစွာနဲ့ တစ်ကျောင်းဝင်တစ်ကျောင်းထွက်
အများနည်းတူ ကျောင်းတက်ခွင့်ရဖို့ ကြိုးပမ်းခဲ့တဲ့
အမေ့ရဲ့မေတ္တာကြောင့် ကျွန်မ
အများနည်းတူ ကျောင်းသူလေးတစ်ယောက်ဖြစ်ခဲ့ရတယ်။

ကျောင်းတက်ချိန်ကနေ ကျောင်းလွှတ်ချိန်အထိ
ကျောင်းပေါက်ဝမှာ ထိုင်စောင့်နေတဲ့ ကျွန်မရဲ့အမေကို
ဘယ်ဆရာ ဆရာမမှ နားချလို့မရခဲ့ဘူး
သမီးလေး အားငယ်နေမှာစိုးတယ်တဲ့။

ကျွန်မရင်ထဲဘယ်လိုရှိရှိ
အမေသိအောင် ထုတ်မပြောချင်ဘူး
အမေမျက်ရည်ဝဲမှာ ကျွန်မလိုလားဘူး။

ပတ်ဝန်းကျင်က ထင်ကြမယ်
ကျွန်မနှလုံးသား ကျောက်သားလိုမာကြောတယ်လို့
တကယ်တော့ အခိုးငွေ့လေးလို
ထိကိုင်လိုက်တာနဲ့ ပျောက်ပြက်သွားလောက်အောင်
ကျွန်မနှလုံးသား ခံစားလွယ်မှန်း
အမေတစ်ယောက်ပဲသိတယ်။

အရွယ်ရောက်လာတာနဲ့အမျှ
ကျွန်မ အမေ့ကို တိုးလို့သာ သနားခဲ့တယ်
တကယ်တော့ အမေနဲ့ ကျွန်မ အပြန်အလှန် အသနားပိုနေခဲ့ကြတာပဲလေ။

အမေမျှော်မှန်းတဲ့ ဆရာဝန်မကြီး မဖြစ်ချင်ပေမဲ့
အမေကျေနပ်အောင် ကျွန်မ ကြိုးစားခဲ့တယ်
ဒါကို အမေလည်း သိမယ်ထင်ပါတယ်
တကယ်က ကျွန်မ ဆရာဝန်မကြီး မလုပ်ရဲတာပါ။

ဆရာလည်း တစ်ယောက်ချင်း စာလိုက်မမေး
ကျောင်းသားလည်း မဖြေချင် ထ မဖြေလို့ရတဲ့
အဝေးသင်တက္ကသိုလ်သာ ကျွန်မအတွက် အသင့်လျော်ဆုံးပေါ့
အခုတော့ ကျွန်မက အင်္ဂလိပ်စာမေဂျာနဲ့ ဘွဲ့ရခဲ့ပြီပေါ့။

ခေတ်နဲ့အညီ လိုက်လျောညီထွေရှိတဲ့ အမေဟာ
ကျွန်မဘ၀အတွက် ခွန်အားတွေပေးတဲ့သူပါ
ကမ္ဘာဟာ ရွာဆိုရင်
ကျွန်မဟာ နှီးတစ်ချောင်းလောက်တော့
အသုံးဝင်ရမယ်တဲ့။

ကျွန်မဘ၀အတွက် အသက်မွေးဝမ်းကျောင်းအဖြစ်
ကွန်ပျူတာနဲ့ အလုပ်လုပ်ဖို့
ကျွန်မ ဆုံးဖြတ်ခဲ့တယ်
အားပေးသူဟာ အမေပဲပေါ့။

စာကြည့်စားပွဲရဲ့ စားပွဲခင်းအောက်မှာ
ငွေအကြွေလေးတွေ မပြတ် အမေထည့်ပေးခဲ့တယ်
လိုင်းကားစီးတဲ့အခါ ဘယ်သွားမလဲလို့ အမေးမခံရအောင်
အပိုအလိုမရှိ ကွက်တိပေါ့တဲ့။

တစ်ခါတစ်ရံ အိမ်ပြန်နောက်ကျလို့
အမေ့ကို ဖုန်းဆက်အကြောင်းကြားရတဲ့အခါ
ဘာစကားမှမပြောဘဲ ဖုန်းခွက်ကို တဒေါက်ဒေါက် ခေါက်နေတဲ့ ကျွန်မကို
အံ့အားတသင့်မျက်နှာနဲ့ ကြည့်နေမယ့်
ဖုန်းဆိုင်က လူတွေရဲ့ အကြည့်ဒဏ်ကိုလည်း
ခံနိုင်ရည်ရှိအောင် ကျွန်မ လေ့ကျင့်ထားရတယ်။

နှစ်ချက်ခေါက်ရင် အမေ
သုံးချက်ခေါက်ရင် နောက်ကျမယ်
စသဖြင့်
အမေနဲ့ ကျွန်မရဲ့ လျှို့ဝှက်အချက်ပေးစနစ်တွေ
သူတို့တွေ ဘယ်သိနိုင်ပါ့မလဲ။

အများသူငါတွေ အလိုမကျရင်
သူငယ်ချင်းကို ရင်ဖွင့်ကြတယ်
ကျွန်မရော...
ကျွန်မအလိုမကျသမျှ အမေ့ကိုဖွင့်ပြောရရင်
အမေ ဘယ်စိတ်ကောင်းနိုင်ပါ့မလဲ
ဒီအခါ ကျွန်မရဲ့ ခံစားချက်တွေဟာ
စာသားတွေအဖြစ် ပြောင်းလဲသွားတယ်
ဒါပေမဲ့ ကျွန်မ စိတ်ကူးယဉ်မဆန်ပါဘူး။

'လှုပ်ရှားနေတဲ့ ငါ့လက်တွေဟာ
ဘ၀အတွက် လှေခါးထစ်တွေ
အမေ့အတွက် ငါဟာ ထီးတစ်ချောင်း ဖြစ်ရမယ်'
ကျွန်မလက်ရေးနဲ့ ရေးထားတဲ့ ဒီစာသုံးကြောင်းပါဝင်တဲ့ စာအုပ်လေးကို
ည အိပ်ခါနီးတိုင်း အမေ ယူဖတ်တယ်
ဒီအချိန်မှာ အမေ့ဘက်ကို လှည့်မကြည့်လည်း
အမေ မျက်ရည်ဝဲနေမယ်ဆိုတာ ကျွန်မ သိတယ်။

ကျွန်မဘ၀မှာ အများကြီး မမျှော်လင့်လိုပါဘူး
မနက် အိပ်ရာကနိုးချိန် ဘေးနားမှာ အမေရှိနေရင်ပဲ
ကျွန်မ ကျေနပ်ပါပြီ အမေရယ်။

AddThis Social Bookmark Button


 

© 2007 - Aye Chan Thu | Design by Amanda @ Blogger Buster