August 29, 2008

ဝိညာဉ်ကူးတဲ့ ည

ပလတ်စတစ်ထိုင်ခုံလေးပေါ်မှ ခန္ဓာကိုယ်ကို ဟိုယိမ်းသည်နွဲ့လုပ်လိုက်၊ ခါးမတ်လိုက်လုပ်လျက် မျက်လုံးအစုံက ကွန်ပျူတာဖန်သားပြင်ပေါ်မှ မခွာသည့် သမီးငယ်ကို ဒေါ်ယုယုနွယ် ခြင်ထောင်ထဲမှ ငေးမောကြည့်နေမိသည်။ သားသမီးဆိုတာ မိဘရဲ့ ကောင်းမွေ ဆိုးမွေ အားလုံးကို ရကြတာ ဓမ္မတာမဟုတ်ပါလား။ ပေ ၂၀ ပတ်လည် အခန်းကျဉ်းလေးထဲမှာ အမေတစ်ခု သမီးတစ်ခုဘ၀ကို စကြပြီဆိုကတည်းက ဒေါ်ယုယုနွယ် သမီးအတွက် စိတ်မကောင်းဖြစ်ခဲ့ရသည်။ ကိုယဉ်ထွန်း ဆုံးပြီးကတည်းက အဖေမဲ့သမီးလေးရဲ့ဘ၀... ဆရာဝန်အမှတ်မမီရင် အင်ဂျင်နီယာပဲတက်ပေါ့ သမီးရယ်လို့ ပြောခဲ့ဖူးပေမဲ့ ရိုးရိုးမေဂျာနဲ့သာ ဘွဲ့တစ်ခုရခဲ့တဲ့ သမီးလေးကို တွေးမိတိုင်း ဒေါ်ယုယုနွယ် ရင်ထဲမကောင်းဖြစ်ရသည်။ သို့သော်ငြား သမီးကတော့ တစ်ခါမျှ မိခင်အပေါ် အပြစ်မတင်ခဲ့ဖူးပါ။ ထို့ကြောင့်လည်း သမီးအတွက် တတ်နိုင်သမျှထက်ပို၍ ဖြည့်ဆည်းပေးချင်ခဲ့မိသည်။
တစ်နေ့လုံး အလုပ်လုပ်ရင်းနဲ့ မေမေ့ကို အရမ်းသတိရနေတာ။ အိမ်မှာ မေမေတစ်ယောက်တည်း အရမ်းပျင်းနေမှာဆိုပြီး အပြေးလာချင်ခဲ့တာ... ပြောရင်း ဝေ့တက်လာတဲ့ မျက်ရည်ဖုံး မျက်လုံးအိမ်ကြီးတွေနဲ့အတူ မုန့်ဘူးလေးကို လှမ်းပေးတော့ သမီးလေးကိုကြည့်ကာ မျက်ရည်ဖြိုင်ဖြိုင်ကျခဲ့ရဖူးသည်။ အသက် ၅၀ ကျော်လာပြီဖြစ်တဲ့ မိန်းမတစ်ယောက်ရဲ့ ရင်မှာ အားငယ်မှုတွေ ပြည့်နေတတ်ခဲ့ပြီလားမသိ။ သမီး ခုလုပ်နေတဲ့အလုပ်က မပင်ပန်းပေမဲ့ ၀ါသနာပါလှတယ်လည်း မဟုတ်ဘူး မေမေရဲ့။ ပြီးတော့ မေမေ့ကိုလည်း ကိုယ်ပိုင်ကားကို ကိုယ်တိုင်မောင်းနိုင်အောင် လုပ်ပေးနိုင်မှာ မဟုတ်ဘူး။ သမီး စင်ကာပူမှာ အလုပ်သွးလုပ်မယ်လေ။ လောလောဆယ် ကွန်ပျူတာတစ်လုံးတော့ လိုတယ် မေမေရဲ့။ သမီး ဆွဲကြိုးနဲ့ လက်စွပ် ရောင်းလိုက်မယ်နော်။ အဲဒါတွေ မ၀တ်ရလို့ သမီး ဘာမှမဖြစ်ပါဘူး။ ပိုက်ဆံအများကြီးရှာနိုင်တဲ့အခါကျတော့ တစ်မျိုးပေါ့။
ရည်မှန်းချက်တွေပြည့်နေတဲ့ သမီးလေးကို ဒေါ်ယုယုနွယ် ပိတ်ပင်စကား မပြောချင်ပါ။ မိခင်တစ်ယောက် ပီသစွာ အရန်သင့် လမ်းခင်းမပေးနိုင်ပေမဲ့ လမ်းထွင်နေတဲ့သမီးလေးကိုတော့ စိုးစဉ်းမျှ အနှောင့်အယှက် မဖြစ်စေလိုပါ။ သမီးလေးပြောခဲ့သလို ကိုယ်တိုင်ကားမောင်းနိုင်တဲ့အချိန်အထိ အသက်ရှင်မနေရင်တောင် သမီးလေးအတွက် စိတ်အေးခဲ့ရရင်ပဲ ကျေနပ်နိုင်ပြီမဟုတ်လား။
သမီး စာလုပ်နေတာလား၊ အလုပ်က ယူလာတဲ့ အလုပ်တွေကို လုပ်နေတာလား
အိပ်မပျော်နိုင်တဲ့ ရီဝေေ၀မျက်လုံးတွေနဲ့အတူ ခြင်ထောင်ထဲမှ ဒေါ်ယုယုနွယ် လှမ်းမေးလိုက်သည်။
အလုပ် မေမေရဲ့၊ ကာဗာတစ်ခုကို ‘ဒီဇိုင်းလုပ်နေတာ။ မျက်စိနောက်စရာ လှုပ်ခတ်နေတာမျိုး မဟုတ်ရဘူး၊ ပုံသေပန်းချီလိုလည်း မဖြစ်ချင်ဘူးဆိုလို့ လုပ်ချင်ရာ လျှောက်လုပ်ပစ်လိုက်ပြီ။ ဘာပဲဖြစ်ဖြစ် သုံးသောင်းတော့ ရမှာပေါ့၊ ဟဲဟဲ။
သမီးလေးက ပေါ့ရွှတ်ရွှတ် ရယ်ရယ်မောမောပြောနေပေမဲ့ အလုပ်တစ်ခုလုပ်တိုင်း စိတ်တိုင်းမကျမချင်း လုပ်တတ်တဲ့ သမီးလေးရဲ့အကျင့်ကို သိပြီးသားမို့ သိပ်လည်း ညဥ့်မနက်စေနဲ့ဦး သမီး၊ မနက်ကျလည်း အလုပ် ဆင်းရဦးမှာမဟုတ်လား ဟု ပြောရင်း ကိုယ်ကို တစ်ဖက်သို့ စောင်းလှည့်လိုက်သည်။ ခုတလော ရာသီဥတု မမှန်ခြင်းကြောင့်လားမသိ၊ ခန္ဓာကြီးက ဖောက်ပြန်ချင်နေ၏၊ ဟိုက နာ၊ သည်က ကျင်နှင့်။
*
လူတွေရဲ့ ဆန္ဒနဲ့ အိပ်မက်တွေက တစ်ယောက်နဲ့ တစ်ယောက် မတူညီနိုင်ဘူး သမီး၊ အနည်း အများ အနိမ့် အမြင့် ထုပမာဏတွေ ကွာသွားပေမဲ့ ကိုယ်လိုချင်တဲ့အိပ်မက်ကို ရယူနိုင်ခဲ့ရင် စိတ်ချမ်းသာကြရတာပဲ။ သမီးလည်း သမီး အတိုင်းအတာနဲ့ သမီးဖြစ်ချင်တာတွေ ပြည့်စုံပြီဆိုတဲ့တစ်နေ့ မေမေ့ဆီ အမြန်ပြန်လာခဲ့နော်
ဘုရားရှိခိုးပြီးတိုင်း မေမေ့ရဲ့လက်ရေးလေးတွေ စီထားတဲ့ သည်စာလေးပေါ်ကို နွေ အကြည့်ရောက်တတ်မြဲ။
လူတွေဟာ ဘ၀အတွက် ပြည့်စုံမှုတွေ တောင့်တကြတယ်၊ တောင်းဆိုကြတယ်။ ကိုယ်လိုချင်တာတွေရပြီး ပြည့်စုံမှုတွေရှိသွားရင် ပျော်ရွှင်သွားကြလိမ့်မယ်လို့ထင်တယ်။ ဒါပေမဲ့ လူအများစုဟာ ကိုယ် ဘာဖြစ်ချင်တာလဲ၊ ဘာကို လိုချင်တာလဲဆိုတဲ့ ကိုယ့်ရဲ့ ခံစားမှုအစစ်အမှန်ကို နားလည်အောင် မကြိုးစားကြဘဲ လမ်းလွဲလိုက်ရင်း သူတို့ရဲ့ တန်ဖိုးရှိတဲ့အချိန်တွေကို အလဟဿ ကုန်ဆုံးသွားခဲ့တယ်။ နားလည်ပါ သမီး၊ ကြိုးစားတဲ့သူတိုင်းအတွက် နေရာတစ်နေရာ အမြဲရှိနေမှာပါ။ နေတတ်အောင် နေဖို့ လိုသလို နေချင်တဲ့နေရာ ဖြစ်ဖို့လည်း လိုတယ်လေ။
နှစ်နှစ်ကျော်က ပြောခဲ့တဲ့ မေမေ့ရဲ့စကားတွေက နွေ့နားထဲမှာ လတ်လတ်ဆတ်ဆတ်ကြားနေရဆဲ။ မျက်လုံးအစုံမှာ မျက်ရည်တွေ ၀ိုင်းလာခဲ့သည်။ လမ်းစပျောက်နေသော အိပ်တန်းပျံငှက်တစ်ကောင်၏ ကြေကွဲမှုကို မည်သူမျှသိကြလိမ့်မည်မဟုတ်ပါ။
ထိုတစ်ညကိုတော့ နွေ ကောင်းကောင်းမှတ်မိနေဆဲ။ လုပ်လက်စအလုပ်တွေကို မျက်စိမှိတ် ရပ်နားပစ်လိုက်ရင်း ညောင်းကိုက်နေတဲ့ ခန္ဓာကိုယ်ကို မေမေ့ဘေးနားဝင်လှဲလိုက်တော့ သမီး အိပ်ပြီလား ဟု တစ်ချက်ညည်းရင်း မေမေ ပြန်လည် အိပ်ပျော်သွားခဲ့သည်။ အမှောင်ရိပ်ကျနေ၍ သဲသဲကွဲကွဲမမြင်ရသော်လည်း မေမေ့ရဲ့မျက်ခွံတွေ အရင်လိုပြည့်ဖောင်းမနေတော့တာ နွေ သတိထားမိလိုက်သည်။ လျော့ရဲရဲပါးပြင်ပေါ်မှာ စေတနာ မေတ္တာငွေ့များ ယှက်ဝန်းလွှမ်းဖွဲ့နေသော လှိုက်လဲသိမ်မွေ့နူးညံ့သည့် အပြုံးတွေကြောင့် မေမေ့ရဲ့ဇရာကို နွေ မေ့လျော့ခဲ့မိသည်လား။
မျှော်လင့်ချက်တွေ၊ အလိုဆန္ဒတွေဆိုတာ ပတ်ဝန်းကျင်ရဲ့ရိုက်ခတ်မှုကြောင့် ဦးနှောက်ထဲက ဖြစ်ပေါ်လာရတာ။ အများစုက ကိုယ့်ရဲ့ရင်ထဲက အစစ်အမှန် လိုလားတောင့်တမှုကိုတော့ ကြည့်မြင်ဖို့ မေ့လျော့နေတတ်ကြတယ်။ အဲဒီတော့ ကိုယ့်လိုချင်တာတွေကိုရဖို့အတွက် သူတို့ရဲ့လွတ်လပ်ပျော်ရွှင်မှုတွေကို စတေးပစ်ကြရတယ်။ လိုချင်တာတွေ ရတော့ကော စိတ်ချမ်းသာမှုရှိရဲ့လား။ ပိုင်ဆိုင်မှုတွေ များလာရင် ဆုံးရှုံးရမှာကို ကြောက်ရွံ့လာတယ်။ ပူပင်သောကတွေ ကြီးမားလာတယ်။
မေမေ ပြောမထွက်ခဲ့တဲ့စကားတွေကို တစ်စတစ်စ နွေ သိမြင်လာခဲ့သည်။ ခဏလေးပဲ သည်းခံပါ မေမေ။ နွေ ကြိုးစားပိုက်ဆံရှာပြီး မေမေ့ကို ချမ်းချမ်းသာသာထားမှာပါလို့ ဦးနှောက်တစ်နေရာက လှုံ့ဆော်နေပေမဲ့ နှလုံးသာမှာတော့ တဆစ်ဆစ်နာနေခဲ့သည်။
ခလုတ်တွေကိုနှိပ်နေတဲ့ နွေ့လက်တွေ သိသိသာသာ တုန်ယင်နေသည်။ ဖုန်းလာကိုင်ပါ မေမေ၊ ဖုန်းလာကိုင်ပါ။ ရင်ထဲမှာ ဘယ်နှကြိမ် ဘယ်နှခါ ဆုတောင်းနေမိသည် မသိ။ သမီးလေး ဆိုတဲ့ မေမေ့ရဲ့အသံ ကြားလိုက်ရတော့ နွေ့တစ်ကိုယ်လုံး ပျော့ခွေသွားချင်ခဲ့သည်။ နေမကောင်းလို့လားလို့ တအားစိတ်ပူသွားတယ် သမီးရယ်။ နေကောင်းတယ်မဟုတ်လား။ တစ်ပတ် တစ်ခါပဲ ဆက်ပါ သမီးရယ်၊ သမီး ပိုက်ဆံကုန်ပါတယ်....
မေမေဆက်ပြောတဲ့စကားတွေကို နွေမကြားတော့ပါ။ နွေမျက်ရည်ကျတာကိုသာ သိရင် မေမေပါ ရှိုက်ကြီးတငင် ငိုနေမယ်မှန်း နွေသိသည်။ မေမေ့ကို ချစ်တယ်နော်။ သမီးကို အရမ်းလွမ်းနေလား။ မေမေတစ်ယောက်တည်း အရမ်းပျင်းနေမှာပဲ။ သမီးပြန်လာရင် လာကြိုနော်၊ ဒါပဲနော် မေမေ။
ပလုံးပထွေးစကားတွေကို ဆိုရင်း လည်ချောင်းမှာ ဆို့နေသည်။ သမီးအတွက် ရှိနေပေးပါ မေမေရယ်။
..... ..... .....
မျက်လုံးအစုံကို ဖြည်းလေးစွာဖွင့်လိုက်ရင်း မျက်နှာကြက်ဆီသို့ အဓိပ္ပာယ်မဲ့စွာ ငေးကြောင်ကြည့်နေမိသည်။ ကြေကွဲဝမ်းနည်းစိတ်သည် ရင်ထဲသို့ ချက်ချင်းရောက်လာသည်။ နွေ ငိုချင်သွားသည်။ တစ်ယောက်ယောက်နှင့် ခင်ခင်မင်မင် ရင်းရင်းနှီးနှီး စကားပြောချင်သည်။ ပူပန်ကြောင့်ကြမဲ့ ဟစ်အော်ရယ်မောလိုသည်။ တကယ်တော့ စကားပြောဖော်ရဖို့က ဘာမျှမခဲယဉ်း။ ကမ္ဘာရွာကြီးရဲ့ တစ်ထောင့်တစ်နေရာမှာ ခိုနားရင်း မိတ်ဆွေရှာဖွေသူများနှင့် စကားပြောနိုင်သည်။ ငြီးငွေ့နေသည့် စိတ်အာရုံတွေကို လျှော့ချနိုင်သည်။ သို့သော် သည်လိုခံစားမှုမျိုးကို နွေ မလိုချင်။ မေမေ့ပေါင်ပေါ် ခေါင်းအုံး၍ မေမေ ချော့သိပ်သည့် အိပ်ရာဝင်ပုံပြင်၊ တေးသီချင်းတို့ကို နားဆင်ခွင့်မရရင်တောင် အနည်းဆုံးတော့ မေမေ့ကိုယ်ငွေ့လေးနဲ့ ထိစပ်ချင်နေမိသည်။
လှဲနေရာမှ ထလိုက်ရင်း ပြတင်းပေါက်ဆီသို့ လျှောက်သွားခဲ့သည်။ နေ့တစ်နေ့ ကုန်ဆုံးတော့မည့်အချိန်၊ အလင်းရောင်သည် မှုန်ပျပျ။ ကောင်းကင်တွင် အမှောင်သည် တိုးဝင်ဖြန့်ကျက် နေရာယူနေလေပြီ။ သည်လိုအချိန် ရောက်တိုင်း လူတွေအားလုံး အိပ်တန်းပျံငှက်တွေလို ကိုယ့်နေရာလေးဆီသို့ ပြန်ကြရော့မည်။ ဟိုမှသည်မှ သွားလာနေသူများ... နွမ်းဖတ်နေသော သူတို့မျက်နှာများပေါ်တွင် အိမ်ပြန်ချိန် ဟူသည့် မျှော်လင့်ချက်များနှင့် ပြည့်စုံ၍ ပြုံးရွှင်ကြည်နူးကောင်း ကြည်နူးနေမည်။ နေလုံးပျောက်ကွယ်သွားသည်နှင့် အမှောင်ရိပ်က ဖုံးလွှမ်းလာသည်။ အမှောင်သည် တိတ်ဆိတ်ချောက်ချားဖွယ်ရာ။
ခပ်သွက်သွက်မောင်းနှင်နေသော မော်တော်ကားလေးပေါ်မှ နွေလေပူ တံလျှပ်များထံသို့ ခံစားမှုအာရုံ ကင်းမဲ့သူလို နွေ ငေးကြောင်ကြည့်နေမိသည်။ အမည်ဖော်မရသည့် ကြောင့်ကြစိုးရိမ်မှု... မည်သည့်အရာမျှ ခံနိုင်စွမ်း ရှိတော့မည်မထင်ပါ။ သည်မြေ၊ သည်နေရာ၊ သည်အခန်းလေး... နွေ့ရင်အုံသည် တဒုန်းဒုန်းခုန်နေသည်။ အခန်းလေးအတွင်းသို့ နွေ ခြေလှမ်းလိုက်သည်။ နှစ်ယောက်အိပ်ခုတင်အိုတစ်လုံး၊့ စာကြည့်စားပွဲတစ်ခုနှင့် ပန်းကန်စင်။ နှစ်ပေါင်းများစွာကြာမြင့်ခဲ့သော်လည်း မပြောင်းလဲသည့် မြင်ကွင်းဖြစ်သည်။ ကြည့်ရင်းကြည့်ရင်း နွေ့မျက်လုံးတွေေ၀၀ါးလာသည်။ ရင်ထဲမှာ မီးညွန့်မီးစတွေ ထိုးဆွနေသည့်အလား ပူလောင်စူးရှသွားသည်။ ရှိုက်ကြီးတငင် ငိုချလိုက်ချင်ပါသည်။ လေသည် ခပ်ကြမ်းကြမ်းတိုက်ခတ်ရင်း အခန်းအတွင်းသို့ ဆောင့်တိုး ၀င်လာခဲ့သည်။ အံတင်းတင်းကြိတ်ထားသော်လည်း ပါးပြင်ပေါ်သို့ မျက်ရည်တွေ လိမ့်ဆင်းကျလာခဲ့သည်။
အမြင့်ဆုံးနေရာက လှမ်းကြည့်လိုက်ရင် အရာအားလုံးဟာ သူ့အောက်မှာ ပြားပြားဝပ်ရှိနေကြပြီး တချို့အရာတွေဟာ သူ့အမြင်မှာ သေးကွေးမှုန်ဝါးနေကြလိမ့်မယ်။ ဒါပေမဲ့ အမြင့်ဆုံးမှာရှိနေတဲ့သူနဲ့ အောက်ခြေမှာ ရှိနေတဲ့သူတို့ဟာ တစ်ယောက်နဲ့ တစ်ယောက် ကွာခြားမှုမရှိပါဘူး။ အမြင့်ဆုံးနေရာမှာရှိတဲ့သူကိုလည်း အောက်ကနေ မော့ကြည့်လိုက်ရင် သူဟာ ပုံသဏ္ဌာန်အားဖြင့် သေးငယ်ပြီး သဲမှုန်တစ်မှုန်လောက်ပဲ ရှိမှာပါ။ မေမေက ပြောလက်စ စကားကိုရပ်ကာ နွေ့ကိုကြည့်လိုက်ရင်း နှစ်ခြိုက်စွာ ပြုံးလိုက်သည်။ ထာဝရတည်မြဲနေသည့် နွေးထွေးမှုအပြုံး။ မေမေ့မျက်နှာတွင် အလိုရမ္မက်များကင်းဝေး၍ အမြဲတမ်း သိမ်မွေ့အေးချမ်းနေစမြဲဖြစ်သည်။ မေမေနှင့်အတူ အမှောင်လွှမ်းနေသော မိုးကောင်းကင်ကြီးကို မျှော်ကာ ငေးရီကြည့်နေမိသည်။ မိုးကောင်းကင်ကြီးထဲမှ အလင်းစက်များသည် မြူငွေ့တွေထဲမှာ မှိန်ဖျော့နေကြသည်။
သွားတော့လေ သမီး တိုးတိုးပြောသံ ကြားလိုက်ရသည်။ မေမေ့မျက်နှာပေါ်က အပြုံးရိပ် နွေ့ထံ ကူးစက်သွားသည်လား၊ နွေ နှစ်နှစ်ခြိုက်ခြိုက် ပြုံးလိုက်မိသည်။ ကြည်လင်သော အပြုံး၊ ကြည်နူးချမ်းမြေ့သော အပြုံး။ နွေ ခုတင်လေးပေါ် လှဲချလိုက်သည်။ မေမေ့လက်မောင်းအိုလေးက ခါတိုင်းထက် ကျစ်လျစ်နေသယောင်။ ကြောင့်ကြပူပန်မှု၊ စိုးရိမ်ထိတ်လန့်မှု၊ အထီးကျန်ဘ၀ဖြင့် အလိုမကျမှုများ၊ လောဘ၊ ဒေါသနှင့် မာနမီးလျှံများ အားလုံးကင်းငြိမ်းလို့ နွေ ခဏလေးပဲ မှေးစက်ပါရစေ မေမေ။



(တန်ဖိုးထားသူကို လေးစားခြင်းအပြင် ရင်ထဲမှာသိမ်းထားတဲ့ အမြတ်တနိုးစာများစွာထဲက ၀ိညာဉ်ကူးတဲ့ ည ဆိုတာလေး တစ်ခုကို လိုလားစွာ ဆွဲထုတ်လိုက်တာပါ။ အိပ်မက် မက်သူလို ယောင်ယမ်းနိုးထလာတာလားလို့ ထင်ကောင်း ထင်နိုင်ကြပေမဲ့ အကြောင်းပြချက် တစ်စုံတစ်ရာမရှိပါဘဲ ခရီးတစ်ထောက်နားရဦးမှာမို့ တစ်ဆင့်စကားနဲ့ စာတွေလိုက်ဖတ်ရတာ ပျော်ဖို့ကောင်းပါတယ်လို့....)



AddThis Social Bookmark Button


ရှိနေဆဲပါ ကြယ်...  

June 02, 2008

ရှိနေဆဲပါ ကြယ်...

တနင်္ဂနွေတစ်နေ့မှာ ဆရာက topic တစ်ခု ချပေးတယ်။
ီDescribe an important thing in your life တဲ့။ အဲဒါနဲ့ပတ်သက်ပြီး essay တစ်ပုဒ်လည်း လက်တန်းချရေးဖို့ ၄၅ မိနစ် အချိန်ပေးတယ်။ ကျွန်မဘ၀မှာ အရေးအကြီးဆုံးဆိုတဲ့အရာကို များများစဉ်းစားဖို့ မလိုပါဘူး။ အချိန်တိုင်း ကျွန်မဦးနှောက်ထဲ၊ အရိုးထဲ၊ နှလုံးသားထဲထိ စွဲထင်နေတဲ့ ကျွန်မရဲ့ လမ်းပြကြယ်လေးပဲပေါ့။ ၄၅ မိနစ်ဆိုတဲ့ အချိန်အတိုင်းအတာဟာ သာမန်လူတွေအတွက်တော့ ပိုလွန်းနေမှာဖြစ်ပေမဲ့ ကျွန်မအတွက်တော့ အစပျိုးလောက်ရုံပဲ ရှိပါတယ်။ တကယ်တော့ ဒီအကြောင်းအရာနဲ့ ပတ်သက်ပြီး ပြောရရင် ကျွန်မဘ၀တစ်ခုလုံးကို ပြောပြရမှာလေ။ လွန်ခဲ့တဲ့ ၁၅ နှစ်၊ ကျွန်မအသက် ၈ နှစ် သမီးက ရခဲ့တဲ့ လမ်းပြကြယ်ဟာ အဲဒီအချိန်ကစလို့ စက္ကန့်တိုင်း၊ မိနစ်တိုင်းမှာ ကျွန်မဘ၀ရဲ့ အရေးကြီး အစိတ်အပိုင်းတွေမှာ ပါဝင်ပတ်သက်နေခဲ့ပါတယ်။


*


၄၅ မိနစ်ဆိုတဲ့ အချိန်ကန့်သတ်ချက်ကို Time's up ဆိုတဲ့ ဆရာ့ရဲ့အသံက အတည်ပြုသတ်မှတ်လိုက်တဲ့အခါ ကျွန်မတို့အားလုံး ပြီးဆုံးခြင်း အနေအထားကို ရောက်ရှိနေပါပြီ။


"First Row, Joanne"

ဆရာ့ရဲ့မူအရ essay တစ်ပုဒ် ရေးပြီးတိုင်း တစ်ယောက်စီ အလှည့်ကျ အတန်းရှေ့ထွက်ပြီး ကိုယ်ရေးခဲ့တဲ့ essay ကို တစ်တန်းလုံး ကြားအောင် ရွတ်ပြရပါတယ်။ ကိုယ့်အလှည့်မဟုတ်လို့ အာရုံစိုက် နားမထောင်ချင်လို့လည်း မရပါဘူး။ တစ်ယောက်ဖတ်ပြီးသွားတိုင်း ကျန်တဲ့ အတန်းသားတွေကို ဆရာက စိတ်ကြိုက် လက်ညှိုးထိုးပြီး ရွတ်ပြသွားတဲ့ essayို ကိုယ်နားလည်သလို ပြန်ပြောခိုင်းတတ်တာမို့ တစ်တန်းလုံးရဲ့ အာရုံဟာ essay ရဲ့ အနှစ်သာရအပေါ်မှာပဲ ကျရောက်နေတတ်ပါတယ်။


လူတွေရဲ့ဘ၀မှာ အရေးကြီးဆုံးပစ္စည်း ဆိုတာတွေဟာ အမျိုးမျိုးပါပဲ။ အများအားဖြင့်တော့ ဈေးနှုန်းသတ်မှတ်ချက်အရ တန်ဖိုး မြင့်ကြတာပေါ့။ တချို့က လည်ဆွဲ တဲ့။ အချိန်တိုင်းဆွဲထားတာ အိပ်နေရင်တောင် မချွတ်ဘူးလို့ပြောတယ်။ တချို့ကျတော့ အရုပ်၊ မွေးပွရုပ်တဲ့။ တစ်ရုပ်ပျက်သွားတဲ့အခါ နောက်တစ်ရုပ် ချက်ချင်းဝယ်တယ်။ အဲဒီအရုပ်မရှိရင် မနေတတ်အောင် ဘ၀မှာ အရေးပါသတဲ့။ တချို့ကျတော့လည်း နားကပ်၊ တချို့ကျတော့လည်း ကား တဲ့။ ကိုယ့်စိတ်ကူးနဲ့ ကိုယ်မို့ အားလုံးရဲ့စိတ်ကူးတွေဟာ ကျွန်မရဲ့နားထဲမှာ ဆန်းသစ်နေပါတယ်။ ကျွန်မဘ၀ရဲ့ အရေးကြီးဆုံးပစ္စည်းတွေကတော့ သူတို့ရဲ့နားထဲမှာ ငြီးငွေ့စရာ ဖြစ်နေမလားပဲ။


ရှေ့ဆုံးတန်းရဲ့ အစွန်ဆုံးခုံက ငါးယောက်မြောက်လူဖြစ်တဲ့ ကျွန်မအလှည့် ရောက်လာပါပြီ။
"Melinda"

ဆရာ့ရဲ့ အောင်မြင်ခန့်ညားတဲ့အသံက တည်ငြိမ်စွာ ထွက်ပေါ်လာပါတယ်။


ဆရာ့ကို ကျွန်မ စာအုပ်ကလေးပေးလိုက်တဲ့အခါ ဆရာက ok ဟု ပြောပြီး စာအုပ်ကလေးကို ဖွင့်လှန်လိုက်ပါတယ်။

ကျွန်မကိုယ်စား ဆရာက တစ်လုံးချင်း လေးနက်စွာ ဖတ်ပြပါတော့တယ်။ ရင့်ကျက်မှု၊ တည်ငြိမ်မှု၊ စာနာမှုတို့ ပြည့်နေတဲ့ ဆရာ့ရဲ့အသံဟာ တစ်တန်းလုံးရဲ့ အာရုံကို ဖမ်းစားနိုင်ခဲ့ပါတယ်။ ဆရာ့ဘေးမှာ ရပ်နေတဲ့ ကျွန်မကတော့ ကျွန်မရဲ့ essay ထဲမှာ အသက်ဝင်လှုပ်ရှားလို့ နေပါတယ်။


တကယ်တော့ ခုလို ကျွန်မရဲ့ လမ်းပြကြယ်လေးကို အများသူငါရှေ့မှာ ထုတ်ဖော်ပြောပြခွင့်ရဖို့ ဘယ်တုန်းကမှ မမျှော်လင့်ဖူးပါဘူး။

"My father gave me as my birthday present. He knew how the darkness and dreariness always got me down. What would have been more perfectly timed more attuned to my need"


ဆရာ့ရဲ့အသံက တစ်ချက်တစ်ချက် ကျွန်မနားထဲကို ၀င်ရောက်လာပါတယ်။ တကယ်ပါ၊ ကျွန်မရဲ့ဝိညာဉ်က ဆရာ့ကို ပူးကပ်သွားသလိုမျိုး ကျွန်မဟာ စိတ်ရှိလက်ရှိ တစ်ကြောင်းချင်း အားရစွာ ဖတ်ပြနေပါတယ်။ တစ်ချိန်တည်းမှာပဲ ရုပ်ရှင်တစ်ကား အနှေးကွက်ပြသလို အာရုံမှာ ထင်ဟပ်လာခဲ့တယ်။


*


မှောင်လွန်းတဲ့ ညဟာ အဲဒီနေ့ကစလို့ ကျွန်မအတွက် အမြဲ လပြည့် ဖြစ်စေခဲ့တယ်။ အဖေဟာ ကျွန်မရဲ့ ၈ နှစ်မြောက် မွေးနေ့အတွက် ကျွန်မအိပ်ရာရဲ့ မျက်နှာကြက်မှာ တိမ်ဆိုင်တွေ အပြည့်တပ်ဆင်လို့ လပြည့်ည မီးသီး ၀ိုင်းစက်စက်လေးနဲ့အတူ အဏုမြူကြယ်လေး တပ်ဆင်ပေးခဲ့တယ်။ ညစဉ်ညတိုင်း အဖေနဲ့အတူတူ၊ တစ်ခါတစ်ရံ အမေနဲ့အတူတူ ကျွန်မကောင်းကင်ကို ကြည့်တယ်။ ကျွန်မရဲ့ကောင်းကင်ဟာ ကျွန်မအတွက်တော့ အမြဲ တစ်ရာသီပဲပေါ့။ ရက်ပေါင်း ၂၀ တိတိ ပြည့်တဲ့ တစ်နေ့မှာ အဖေက တခြားဘ၀တစ်ခုကို ကျွန်မထက်အရင် သွားနှင့်တယ်။ အဲဒီညမှာ တစ်ရာသီကောင်းကင်ကတောင် မိုးတွေရွာနေတာ ကျွန်မမျက်ဝန်းထဲမှာ တွေ့ခဲ့ရတယ်။ သည်းသည်းမည်းမည်းပါပဲ။


နောက်ပိုင်း အမေလာတဲ့ ညတွေမှာ အမေနဲ့အတူတူ ကျွန်မ ကောင်းကင်ကို ကြည့်ပြီး၊ တစ်ယောက်တည်းရှိတဲ့အခါတော့ ကျွန်မကောင်းကင်ပေါ်က အဖေနဲ့အတူ စကားတွေပြောတယ်။


"Hard times almost over. Hold on, keep going on, Light is coming soon"
အဖေဟာ ကောင်းကင်ပေါ်ကနေ ကျွန်မကို ညတိုင်း အဲဒီလို အမြဲပြောတတ်တယ်။
ဒုက္ခတွေ ငြိမ်းအေးပြီး ရဲရဲဝံ့ဝံ့ ဘ၀ခရီးကို လျှောက်စမ်း၊ ရပ်မနေနဲ့။ ဆက်ပြီးလျှောက်နော်၊ အလင်းရောင် လာတော့မယ်တဲ့။

ဆွံ့အခြင်း ဆိုတဲ့ ပျောက်ဆုံးနေတဲ့ ကျွန်မရဲ့ ဆည်းလည်းသံဟာ တစ်ခါတစ်ရံ ကျွန်မဘ၀ရဲ့ လမ်းကြောင်းကိုတောင် မှေးမှိန်စေပါတယ်။ ကိုယ့်ဘ၀ကိုယ် နာကြည်းမုန်းတီးစိတ်တွေဟာ အဖေ့ရဲ့ကောင်းကင်အောက်မှာတော့ ကျရှုံးသွားစမြဲပါ။ ကျွန်မဘ၀ လမ်းမပျောက်စေချင်တဲ့ အဖေ့ရဲ့ မေတ္တာနဲ့ အဖေ့ရဲ့လမ်းပြကြယ်ဟာ ကျွန်မရဲ့ ငြီးငွေ့စရာ အထီးကျန်ဘ၀ကို ရှေ့ဆောင်ပေးနိုင်ခဲ့တယ်။ သူတို့ကိုမြင်ရတိုင်း ကျွန်မအတွက် ယုံကြည်ချက်နဲ့ လုံခြုံမှုတွေ ပေးခဲ့ပါတယ်။


အဖေပြောပြတတ်တဲ့ ကမ္ဘာကျော်ပုဂ္ဂိုလ်တွေထဲမှာ ကျွန်မ ၀င်ရောက်ခံစားနိုင်ခဲ့တယ်။ သူတို့လိုမဖြစ်ရင်တောင် ကျွန်မဘ၀ အဓိပ္ပာယ်မဲ့ သေဆုံးမသွားဖို့ ကျွန်မရဲ့ လမ်းပြကြယ်လေးကို ကတိပေးနိုင်ခဲ့တယ်။

*


ှု I missed him terribly, though I know he would always be a part of me, together with the atomic star.

ဆရာ့ရဲ့ ရွတ်ဆိုသံအဆုံးမှာ ဆရာဟာ ကျွန်မကို တစ်ချက်လှမ်းကြည့်ပြီး ညေပာသမန လို့ မေးလာပါတယ်။ ကျွန်မ ခေါင်းဆတ်ပြလိုက်တဲ့အခါ ဆရာက marker ကို လှမ်းယူလိုက်ပြီး ကျွန်မကို ပေးတယ်။ ရင်ထဲမှာ ကျန်ရှိနေတာလေးတွေကို whiteboard ပေါ် ကျွန်မ ချရေးလိုက်တယ်။


"How is he now? Where is he? I felt guilty for having doubts, but sometimes, I thought, faith is so hard. Atomic star built my faith for a life time"

AddThis Social Bookmark Button


သဘာဝရဲ့ ရင်သွေးငယ်များ  

May 20, 2008

သဘာဝရဲ့ ရင်သွေးငယ်များ

ညထဲမှာ ကယောင်ချောက်ချားနဲ့ မေဇွန် နိုးလာခဲ့တယ်။ အမှောင်က ညဥ့်နက်နက်ကို သရုပ်ပြနေသလိုပဲ။ ညယောင်ဆောင်ထားတဲ့ မနက်၊ သို့မဟုတ် မနက်ယောင်ဆောင်ထားတဲ့ ည ဖြစ်မှာပေါ့။ နာကျင်ကိုက်ခဲနေတဲ့ ခန္ဓာကိုယ်ကို တစ်ချက်လူးလွန့်လိုက်တော့ ကျောက်တုံးလို့ထင်ရတဲ့ အရာတစ်ခု မေဇွန့်ကိုယ်ကို လာရောက်ထိခတ်တယ်။ လက်ထဲမှာ မတော်တဆ ဖမ်းဆုပ်မိလိုက်တာက ကြမ်းရှရှသဲတွေ။ မေဇွန် ဘယ်ကိုရောက်နေတာလဲ။

ပိန်းပိတ်နေတဲ့အမှောင်ထဲကြားမှာ ချောက်ချားစွာနဲ့ ကိုယ့်ကိုယ်ကိုယ် ပြန်စမ်းလိုက်တော့ မေဇွန့်တစ်ကိုယ်လုံး စိုရွှဲလို့ပါလား။ အထိအတွေ့ အေးစက်စက်ကြောင့် ခုမှ ချမ်းရမှန်းသိလာတယ်။ ဦးနှောက်ရဲ့ မြန်ဆန်လှတဲ့ လှုံ့ဆော်မှုက မဝေးလှတဲ့ အချိန်တစ်ခုကို အမှတ်ရစေလိုက်တယ်။ အမေ..... တုန်ယင်လှိုက်လှဲစွာနဲ့ အာခေါင်ကို ခြစ်ပြီး မေဇွန် အသံကုန်အော်လိုက်တယ်။ မနေ့က ညနေခင်းရဲ့ ကြောက်မယ်ဖွယ်ပုံရိပ်တွေ မေဇွန့်အာရုံမှာ ပေါ်လာတယ်။ အမေ ဘယ်ရောက်နေလဲ၊ ပြီးတော့ မကြီးတို့ရော.....။ အမေ... အမေ သမီးဘေးမှာ ရှိနေလား။ သမီးကို တစ်ယောက်တည်း မထားခဲ့ပါနဲ့ အမေရယ်... သမီးကြောက်တယ်။ သမီး ခု ဘယ်ရောက်နေတာလဲ။ အမေ ဘယ်မှာလဲ။ တပေါက်ပေါက်ကျလာတဲ့ မျက်ရည်တွေနဲ့အပြိုင် မေဇွန် စကားတွေ တတွတ်တွတ်ပြောနေမိတယ်။ အမှောင်က မေဇွန့်ကို ပြက်ရယ်ပြုနေသလားပဲ။ လှိုက်တက်လာတဲ့ ၀မ်းနည်းမှုကို ရင်တွင်းမှာသာ ထားပြီး ဖင်တရွတ်ဆွဲရက် ရွှေ့သွားလိုက်တယ်။ ခုချိန်မှာ မေဇွန့်အတွက် အမေနဲ့တွေ့ရဖို့ကလွဲပြီး တခြား ဘာကိုမှ မမျှော်လင့် မတောင့်တပါဘူး။

၅ မိနစ်လောက် သွားပြီးတဲ့အချိန်မှာ မေဇွန့်ခန္ဓာကိုယ်ကြီးက မလှုပ်ရှားချင်လောက်အောင် နာကျင်နေခဲ့ပြီ။ ရုတ်တရက် ခံစားလိုက်ရတဲ့ အသိစိတ်ကြောင့် ဘေးကို လက်စမ်းကြည့်လိုက်တယ်။ လူတစ်ယောက်၊ သေချာတယ် ဒါလူတစ်ယောက်။ ဘယ်သူလဲ၊ အမေလား...။ အမေ... အမေ... အလျင်လိုစိတ်နဲ့အတူ အမေ့နာမည်ကို တွင်တွင်အော်ပြီး တစ်နေရာပြီး တစ်နေရာ စမ်းကြည့်လိုက်တယ်။ အေးစက်စက် လက်တစ်စုံ။ အပေါ်ကို တိုးပြီး စမ်းလိုက်တယ်။ အမေ မဟုတ်ပါစေနဲ့၊ အမေ မသေရဘူးဆိုတဲ့ စကားတွေက ရင်ထဲမှာ အထပ်ထပ် ပဲ့တင်လျက်။

ရွှဲရွှဲနစ်နေတဲ့ ခါးထိရောက် ဆံပင်တွေက အမေ့ရဲ့ ဆန့်ကျင်ရာပါပဲလား။ အမေ မဟုတ်ဘူးပေါ့။ ဒါပေမဲ့ သူ... သူလည်း လူတစ်ယောက်ပဲ။ လှုပ်ရှားနေတဲ့ လက်အစုံက ဦးနှောက်သိနဲ့ တခြားလက်တစ်ဖက်ကို စမ်းလိုက်တယ်။ သေဆုံးနေတဲ့ မိန်းမရဲ့လက်ထဲမှာ ကျစ်ကျစ်ပါအောင် ဆုပ်ထားတဲ့၊ ဖြေထုတ်လို့မရတဲ့ တခြားလက်တစ်စုံ။ ဒါ... ဒါ ဘယ်သူလဲ။ မြန်ဆန်သွားတဲ့ရင်ခုန်သံတွေနဲ့အတူ ကိုယ်ကိုရွှေ့လိုက်ပြီး တခြားလက်တစ်စုံပိုင်ရှင်ကို သိဖို့ ရှာဖွေလိုက်တယ်။ အမေရေ... ကလေးလေး..... ကလေးလေး ပါလား။ အမေ... မေဇွန် အရူးတစ်ပိုင်းလို ထပ်မံအော်ဟစ်လိုက်ပြန်တယ်။ ကြောက်တယ် အမေရယ်... သမီးကြောက်တယ်။ သာယာခဲ့တဲ့ မေဇွန်တို့ရွာလေး ခု ဘယ်လိုဖြစ်နေပြီလဲ။ ပြီးတော့ အမေရော.....။

*

နေ့ခင်းပိုင်းအချိန်ကြီးဖြစ်ပြီး နီမြန်းလာတဲ့ ကောင်းကင်ကိုကြည့်ရင်း ပဲတိုက်နေတဲ့ အစ်မတွေကို သိမ်းဖို့ဆည်းဖို့ အမေ ပြောနေတယ်။ အဲဒီအချိန်မှာ မေဇွန်က အမေနဲ့အတူ အ၀တ်လျှော်လို့ပေါ့။ ရုတ်တရက် ရွာချလိုက်တဲ့ မိုးစက်မိုးပေါက်တွေရဲ့နောက်မှာ လူသားတွေကိုဝါးမျိုမယ့် မုန်တိုင်းဆိုတဲ့ အရိပ် အငွေ့အသက်တွေကို မေဇွန်တို့ ဘယ်သူမှ မသိခဲ့ကြဘူး။ မိုးရွာရင် ဒီည အိပ်ကောင်းဦးမယ် အမေ လို့တောင် မေဇွန် ပြောနေခဲ့သေးတာ။ တစ်စထက်တစ်စ ပြင်းထန်လာတဲ့ လေပြင်းမုန်တိုင်းတွေက တစ်ခါမှ မမြင်ဖူးခဲ့တဲ့ မေဇွန့်ကို အရမ်းချောက်ချားနေစေခဲ့တယ်။

အိမ်ကလေးပေါ်မှာ အမေရယ်၊ မေဇွန်တို့ မောင်နှမ ငါးယောက်ရယ် တစ်ယောက်ကို တစ်ယောက်ဖက်ပြီး စောင်တွေအထပ်ထပ်ခြုံလို့ ဘုရားစာတွေ တစ်သီကြီးရွတ်နေခဲ့ကြတာ။ ၀ုန်း ဆိုတဲ့ အသံနဲ့အတူ မေဇွန်တို့အိမ်ကလေး သိမ့်သိမ့်တုန်ခါသွားပြန်တယ်။

အမေ... သမီးတို့ အပြင်ထွက်ကိုထွက်ပြီး မိုးလေလုံမယ့် တစ်နေရာရာကို ပြေးမှ ဖြစ်မယ်နဲ့တူတယ်။ လေက တော်တော်နဲ့ ပြီးဦးမယ်မထင်ဘူး။ ရေတွေကလည်း တော်တော်တက်နေပြီ အမေ

အစ်မကြီးက စိုးရိမ်တကြီး အမေ့ကို စကားပြောရင်းက တစ်ချက် ၀င်ဆောင့်လိုက်တဲ့ လှိုင်းရဲ့ ရိုက်ချကြောင့် ကြမ်းပြင်ပေါ် လွင့်ကျသွားတယ်။ မကြီး.... ကျွန်မတို့မောင်နှမတစ်တွေရဲ့ ၀ိုင်းအော်သံနဲ့အတူ သမီးကြီး ဆိုတဲ့ အမေ့ရဲ့ ၀မ်းခေါင်းသံကြီးက ချောက်ချားစွာ ထွက်ပေါ်လာတယ်။

အိမ်ရှေ့လမ်းမပေါ်မှာ ကျောက်သားတွေလို ကြမ်းရှတဲ့ မိုးပေါက်တွေကြား၊ လူသားတွေကို ၀ါးမျိုမယ့် လှိုင်းလုံးတွေရဲ့ကြား ကလေးတွေ၊ မိန်းမတွေ၊ သားနဲ့ သမီးကို ကျစ်ကျစ်ပါအောင် ဖက်ပြီး အသက်လုပြေးလွှားနေတဲ့ ယောက်ျားတွေ၊ အမေ အိမ်မှာကျန်ခဲ့တယ်။ အမေ သေရင် ငါလည်း သေမယ်။ ငါ့ကို ထားခဲ့ပါ ဆိုတဲ့ မိန်းမတစ်ယောက်ရဲ့အသံနဲ့အတူ သမီးရေ... သားရေ... ဆိုတဲ့ ငိြုွေကးသံတွေ။ တကယ့်ကို ကမ္ဘာပျက်နေတာပါပဲ။ ရုတ်တရက် ဟီး... ဟီး... ဆို ငိုချလိုက်တဲ့ အစ်မလတ်ရဲ့ အသံနဲ့အတူ မေဇွန်တို့အိမ်ကလေး လွင့်ထွက်သွားတယ်။ ဒါ မုန်တိုင်း တဲ့။ လူတစ်ရပ် အမြင့်ထက် ကျော်အောင် တက်လာတဲ့ လှိုင်းလုံးကြီးတွေက ကမ်းစပ်က သဲတွေကို ဆွဲယူသလို လူတွေကို ခေါ်ဆောင်သွားပြန်တယ်။ အမေရယ် မေဇွန်တို့ မောင်နှမ ငါးယောက်ရယ် လွင့်စဉ်သွားတဲ့နေရာကနေ အော်ဟစ်တကြီးနဲ့ ပြန်စုစည်းကြပြန်တယ်။ အမေ့လက်ကို တင်းတင်းဆုပ်ထား၊ သမီးကြီးက ညီမလေးတွေကို တင်းတင်းကိုင်ထား၊ အားလုံး တစုတစည်းတည်း သွားကြမယ်။ အံကိုကြိတ်ပြီး အမေပြောတော့ မိုးရေတွေနဲ့ ရောနေတဲ့ မျက်ရည်တွေကြားက ညီအစ်မတွေအကုန်လုံး ခေါင်းညိတ်လိုက်ကြတယ်။

ကြမ်းတမ်းခက်ထန်လှတဲ့ လေပြင်းက ခန္ဓာကိုယ်က အ၀တ်ကိုတောင် ချမ်းသာမပေးချင်ဘူး။ ရှေ့မှာ လဲကျလိုက် ပြန်ထပြေးလိုက်နဲ့ မိန်းကလေးတစ်ယောက်နဲ့ ကလေးလေးတစ်ယောက် ကျွန်မတို့ဘက်ကို ပြေးလာနေတယ်။ ဒီဘက်ကို မလာနဲ့။ ရေတွေ တအားတက်နေပြီ။ ဟိုဘက်ကို ပြန်ပြေး၊ ပြန်ပြေး အမေက ကုန်းအော်တယ်။

ဘွားဘွားရေ၊ ဘွားဘွား၊ ဟီး... ဟီး... ဆိုတဲ့ အသံကို ကြားတော့ မေဇွန်တို့ အကုန် အံ့သြမင်သက်သွားတယ်။ ဒါ မေဇွန့်တူလေးရဲ့ အသံ။ သားလေး သားလေး လာ လာ၊ သား ကြောက်နေပြီလား။ ဘွားဘွားဆီလာ မျက်ရည်တွေမထိန်းနိုင်တော့ဘဲ ငိုရင်းက အမေ အော်ပြောပြန်တယ်။

သမီးတို့ဆီမှာ အိမ်တွေ တစ်အိမ်မှ မရှိတော့ဘူးအမေ။ ပြီးတော့ အစ်ကို... အစ်ကိုလည်း...

ဟီး... ဟီး...အစ်မက ပြောရင်းနဲ့ ငိုပြန်တယ်။

လာ... လာ... ဝေးနိုင်သလောက် ဝေးဝေးရောက်အောင် ပြေးရမှာပဲ။ ဘုရားကိုသာ အာရုံပြုထား၊ ကလေးကို အလယ်မှာ ထားလိုက်။ လက်ကို မြဲမြဲချိတ်ထား အကုန်လုံး....

အမေ့ရင်ထဲ ဗလောင်ဆူအောင် ဖြစ်နေမှာသေချာပေမဲ့ သားသမီးတွေ၊ မြေးတွေရဲ့ကြားမှာ အမေက သူရဲကောင်းတစ်ယောက်လို အံတင်တင်းကြိတ်ရင်း ပြောတယ်။ အဲဒီလိုနဲ့ မေဇွန်တို့ တစ်သီတစ်တန်းကြီး ပြေးလိုက်၊ လဲကျလိုက်။ မိုးဒဏ် လေဒဏ်အောက်မှာ မေဇွန်တို့လို ဘ၀တူ ရွာသူရွာသားတွေရဲ့ ချောက်ချားဖွယ်ရာအသံတွေနဲ့အတူ ပြေးလွှားနေတဲ့ လူမမည်ကလေးလေးတွေ။

အမေ.... ကျွန်မတို့ အကုန် ၀ိုင်းအော်လိုက်ကြတယ်။ သွားပြီ၊ မေဇွန်တို့ရဲ့ ဘ၀တွေ။ အမေ၊ မေဇွန်တို့မောင်နှ ငါးယောက်၊ ပြီးတော့ အစ်မနဲ့ တူလေး။ အရှိန်နဲ့ ဆောင့်ချပြီး ပြန်လည် ဆွဲယူသွားတဲ့ သေမင်းရဲ့ လက်တွေကို မေဇွန်တို့အားလုံး မတွန်းလှန်နိုင်ခဲ့ကြဘူး။

*

အမေ... အမေ... သမီးကို လာကြည့်လှည့်ပါဦး အမေရယ်။ သမီးကို ဒီလိုမျိုးတော့ တစ်ယောက်တည်း မထားခဲ့ပါနဲ့... ဟီး ဟီး။ မကြီး... မကြီးရေ... ဟီး ဟီး..... ချောက်ချားဖွယ်ညကို မေဇွန့်ရဲ့ ငိုသံက ဖုံးလွှမ်းသွားပြန်တယ်။ ဖင်တရွက်ဆွဲရက် သွားနေရင်းက ထိတိုက်မိတဲ့ အလောင်းကောင်တွေ။ အား... ဟား... ယောက်ျားလား၊ မိန်းမလား၊ ကလေးလား၊ ဘယ်လိုအရွယ်တွေလဲ၊ ဘယ်သူတွေလဲ ဆိုတာ စမ်းသပ်ရင်းနဲ့ မေဇွန် အရူးတစ်ပိုင်းလို အော်ဟစ်လိုက်တယ်။ မနက် မြန်မြန်ရောက်ပါတော့ လို့ ထပ်မံအော်လိုက်ပြန်တယ်။ ဒါမှ ဒီ လူသေပင်လယ်ကြီးထဲက မေဇွန် လွတ်မြောက်နိုင်မှာလေ။ ပြီးတော့ အမေ့ကို ရှာရမယ်။ မကြီးတို့ရော၊ တူလေး... တူလေးကိုရော။
မေဇွန့်ဆုတောင်း မပြည့်ခဲ့ပါဘူး။ နေမင်း ပေါ်လာပြီး အရုဏ်ဦး ရောက်လာပြီဖြစ်ပေမဲ့ မေဇွန့်အတွက်တော့ တစ်လောကလုံး အမှောင်တိပါပဲ။ မေဇွန့်တစ်ဘ၀လုံး၊ ပြီးတော့ မေဇွန်တို့ တစ်ရွာလုံးအတွက်တော့ ပြန်မပွင့်တော့မယ့် ပန်းတွေလိုြွေကသွားခဲ့ပါပြီ။

မိဘမဲ့ တဲ့။ မေဇွန်က ခုတော့ မိဘမဲ့ ဖြစ်ရပြီပေါ့။ မေဇွန် လက်မခံနိုင်ပါဘူး။ အမေ ရှိနေသေးတယ်။ အမေ သေရင် အလောင်းတော့ ရှိရမှာပေါ့။ ခုတော့ ဘာမှ မပြနိုင်ဘဲနဲ့ မေဇွန့်ကို သနားတဲ့ မျက်လုံးတွေနဲ့ မကြည့်ကြပါနဲ့။ ပြီးတော့ အနိုင်ကျင့်ဖို့ မကြိုးစားကြပါနဲ့။ အမေနဲ့ အစ်မတွေကို တိုင်ပြောမှာနော်။ အိမ်အမိုးတွေကို နင်းပြီး မေဇွန် လျှောက်တယ်။ တစ်ရွာလုံးအနှံ့ပေါ့။ လေမုန်တိုင်းကြီး ပြီးသွားတာကို အမေ မသိလို့ ပုန်းနေတာ နေမှာ။ အစ်မတို့က တူလေးကို ချော့နေရတယ် ထင်ပါရဲ့။

အမေ... အမေ... ထွက်ခဲ့တော့၊ ဘာမှမရှိတော့ဘူး။ အမေ ချမ်းနေပြီလား။ သမီး အဲဒီကို လာခဲ့ချင်တယ် အမေ။ သမီးလည်း အရမ်းလည်း ချမ်းတယ်။ အမေ.....

(If u know some places which are not getting any help yet, email me immediately.
Tell me where it is!
Now we are going to work as volunteer and channel for some NGO.)

AddThis Social Bookmark Button


ကျိန်စာ  

May 13, 2008

ကျိန်စာ

ရာစုတွေကို မျက်ကွယ်ပြုချင်တဲ့ လူတစ်ယောက်
နာရီတွေနဲ့ လမ်းလျှောက်ထွက်ခဲ့တယ်
ဦးတည်ရာမဲ့ လမ်းပေါ်မှာ
သံလိုက်အိမ်မြှောင်က လက်တံတရွေ့ရွေ့
ကိုယ်ထူကိုယ်ထလမ်းတွေရဲ့နောက်မှာတော့
အ၀ါရောင်ဖဲကြိုးများ
နှုတ်ခမ်းထက်မှာ တေးသွားတစ်ပုဒ် ညည်းအန်
သံစဉ်မရှိပေမဲ့ အကွေးအကောက်တွေ လှပနေခဲ့
အိမ်ခြေမဲ့ဟင်းလင်းပြင်နား လတ်ဆတ်တဲ့လေ ရှူသွင်းတော့
ခပ်ဝေးဝေးက ဖျော့တော့မီခိုးငွေ့ ခဏမေ့သွားတယ်
အတွေးထဲက မရေရာခြင်လမ်းညီညီကို
သေချာခြင်းအထီးကျန်တွေနဲ့ လျှောက်လှမ်းရင်း
သက္ကရာဇ်ဟောင်းတွေကို ရူးသွပ်စွာ ဖမ်းဆုပ်နေဆဲ
ရင်ဘတ်ထဲက ထွက်ကျလာတဲ့ ကဗျာတစ်ပုဒ်
လူမမြင်အောင် ဖွက်ထားလိုက်တယ်
တနင်္လာတွေမှာ အပြစ်မရှိဘူးတဲ့လေ။

AddThis Social Bookmark Button


ကျေးဇူးတင်လျက်  

May 10, 2008

ကျေးဇူးတင်လျက်

အားလုံးပို့သတတဲ့ မေတ္တာကြောင့် သိုးလေး ဘာမှမဖြစ်ဘူးလို့ ပြောချင်တာပါ။ ကိုဇော်မျိုးယူခိုင်တဲ့ ကုဒ်ဒင်းကို ယူချင်ပေမဲ့ သိုးလေး ဘလော့မေးလ်ကို password မေ့သွားလို့ ၀င်လို့မရတော့ဘူး။ ရိုးရိုးပို့စ်မျိုး၊ စာရိုက်တင်ချင်တာမျိုးဆို တခြားမေးလ်ကနေ ဘလော့မေးလ်ကို လှမ်းပို့လိုက်လို့ရပေမဲ့ ကုဒ်ဒင်းတွေနဲ့ ပြင်ရ ထည့်ရမှာမျိုး မရတော့လို့ပါ။
 အမြဲပဲ စာတွေလိုက်ဖတ်ဖြစ်တယ်။ မြန်မာပြည်နေ ဘ၀တူ ပြည်သူအတွက် ကိုယ်တိုင်ကြုံတွေ့ခဲ့ရတဲ့အဖြစ်အတွက် ထပ်တူထပ်မျှ ကြေကွဲရပါတယ်။ အားလုံးအတွက် ဆုမွန်ကောင်း တောင်းပေးပါတယ်။

AddThis Social Bookmark Button


ရင်ထဲမှ သူငယ်ချင်း ဖြူ... သို့...  

April 19, 2008

ရင်ထဲမှ သူငယ်ချင်း ဖြူ... သို့...

ဘ၀ကို စိတ်ကြိုက်နာကြည်းခွင့်ရှိတယ်
ဒါပေမဲ့ ဘ၀ကို စိတ်ကြိုက်မဖျက်ဆီးသင့်ဘူးတဲ့
မလိုချင်လောက်အောင် မုန်းတီးပေမဲ့
ငါ ဘာလို့ တန်ဆာဆင်နေမိပါလိမ့် ဖြူ
အမှောင်ကို မြတ်နိုးသူရဲ့ ချောက်ချားညတွေကို
နင် ရင်ဆိုင်ဖူးလား
ငါတော့ လပြည့်ည ကောင်းကင်အောက်မှာ
ငါ့ဘ၀ကို ဖုံးကွယ်ဖို့
မလုံခြုံတဲ့အမိုးတစ်ခုအောက်မှာ ထိုင်ရင်း
အကြိမ်ပေါင်းများစွာ ငိုကြွေးခဲ့ဖူးတယ် ဖြူ
လူ လူချင်းတဲ့
ငယ်ငယ်က အဖေ အမြဲပြောခဲ့ဖူးတယ်
လောကကြီးထဲ ရဲဝံ့စွာထွက်ဖို့
ငါ စွမ်းဆောင်ခဲ့ပါတယ်
နင်နဲ့အတူရှိခဲ့တဲ့ အဲဒီ 2001 အထိပေါ့
ကျရောက်သမျှ မိုးသက်မုန်တိုင်းက
ငါ့ကိုချည်း ထိမှန်တယ်ထင်တယ် ဖြူ
အဖေ... ပြီးတော့ နင်...
လွင့်စဉ်သွားတဲ့မုန်တိုင်းနောက်ကို
အရူးတစ်ယောက်လို လိုက်ရင်း
ငါ ရှာဖွေခဲ့မိတယ်
အတော်ကြာကြာကလေးပါပဲ
အမေ ငါ့ကိုပြောခဲ့တဲ့ လေလွင့်နေချိန်တွေပေါ့
စက်ရုပ်တစ်ရုပ်လို သည်းခံမှုအပြည့်နဲ့
ဘ၀ခရီးကိုကျော်ဖြတ်ခဲ့တာ
ခုဆို 4 နှစ်ရှိပြီ ဖြူ
ပစ်စလက်ခတ်ထားတဲ့ ငါ့နှလုံးသားကို
အချိန်မှန်ကုစားပေးသူကတော့ အမေပေါ့
နောက်ထပ်ရလာမယ့် ဘယ်လိုဒဏ်ရာမျိုးကိုမှ
အမေ့ကို မမြင်စေချင်တော့ဘူး ဖြူ
ခရီးဆုံးကို အမေ ငြိမ်းချမ်းစွာလျှောက်လှမ်းနိုင်ဖို့
ဘ၀ကို ဘယ်လိုပဲနာကြည်းပေမဲ့
ငါ့နှလုံးသား အစိမ်းသေ သေဆုံးသွားရင်တောင်
အမေ့ကို ပျော်စေမှာပါ ဖြူ
နင် ဆုတောင်းနေပေးပါ။

AddThis Social Bookmark Button


နားလည်ပေးပါနော်  

April 08, 2008

နားလည်ပေးပါနော်

တစ်စုံတစ်ယောက်ကိုမှ ကျွန်မ ချစ်ခွင့်မရှိပါတဲ့
နေပါစေလေ ကိုယ်ထူထောင်ခဲ့တဲ့ ကိုယ့်ရဲ့အရိပ်ပဲ
အဲဒီအတွက် နှလုံးသားတွေ နာကျင်ရ နာကျင်ရ
ကျွန်မ ခံစားနေမှာပါ
နောက်ဆုံးအချိန်ထိ.....

ပိုက်ဆံထည့်မှ တေးသံမြည်တတ်တဲ့ ကိရိယာလို
လူတွေကို ကျွန်မ မုန်းတီးမိတဲ့အခါ
ကိုယ်ပြန်ကြားရတဲ့ တေးသံရဲ့ ချိုမြိန်မှုကိုသာ
နားလည်နေတတ်ဖို့
အတိုင်းအဆမရှိတဲ့ ၀မ်းနည်းမှုတွေကို
ကြိုးစားအားထုတ်မှုတွေအဖြစ် ပြောင်းလဲပစ်ဖို့
တကယ်ပါ သူဟာ ကျွန်မရဲ့ မီးပြတိုက်ပါပဲ.....

အောင်မြင်မှု ရှုံးနိမ့်မှုဆိုတာထက်
မှန်ကန်တဲ့ ရှင်သန်ခြင်းမျိုးဖြစ်ဖို့
မသိခဲ့တဲ့ဘ၀တစ်ခုရဲ့ ပြုမိအမှားတွေကို
အံကြိတ်မျိုသိပ်ခံရင်း
ကျွန်မ ကြိုးစားစွာရှင်သန်နေပါတယ်
သူလည်း ပျော်နိုင်မယ်မဟုတ်လား.....

သူ မထုဆစ်ပေမဲ့ ဖြစ်စေချင်တဲ့ဘ၀ပုံစံအတွက်
ကိုယ်တိုင်ချုံခုတ် လမ်းလုပ်ခဲ့ရပေမဲ့
ဆူးတွေထိ စူးငြိခဲ့ရပေမဲ့
မျက်ရည်စက်လက်ကြားက ကျွန်မ ပြုံးပြနေမှာပါ
အဓိပ်ပယ်ရှိသောရှင်သန်ခြင်းအတွက်
သူက အသက်သွင်းပေးသူလေ.....

ကျွန်မဦးနှောက်က တားမြစ်ထားတဲ့
ဘယ်တုန်းကမှ မမျှော်လင့်ရဲတဲ့စကားတစ်ခွန်းအတွက်
သူ့ရင်ထဲမှာ အပြီးအပိုင်မြုပ်နှံထားတယ်တဲ့
ကျွန်မ ကောင်းစွာနားလည်နေပါတယ်
ငြိမ်သက်တဲ့အခြေအနေတစ်ခုမှာ
ကျွန်မအနား တိုးတိတ်စွာနေတတ်ပြီး
ပျောက်ကွယ်ချင်လောက်အောင် ၀မ်းနည်းနေချိန်မှာ
သူ့ရင်ထဲ မချိတင်ကဲဖြစ်နေတာတွေအတွက်
ကျွန်မ ဒီ့ထက်ပိုပြီး အတ္တမကြီးသင့်ဘူးလေ.....

ကျွန်မက အဆိပ်ပန်းတစ်ပွင့်နဲ့ တူနေမလားပဲ
အမြင်တင့်တယ်နေဦးတော့
သူတစ်ပါးခူးဆွတ်စေချင်ဦးတော့
အဆိပ်ပန်းလို့သ်ိလိုက်တာနဲ့
သူတို့ရဲ့ထိခိုက်မှုတစ်စုံတစ်ရာအတွက်
ရှောင်လွှဲသွားခံရမယ့် ပန်းလေ
အဲဒီအဆိပ်ပန်းကိုမှ တန်ဖိုးထားချင်သူက
ကိုယ်တိုင် အဆိပ်ခတ် ခံနိုင်ပေမဲ့
သူ့ဝန်းကျင်ကိုတော့ မပျံ့နှံ့စေချင်ဘူးထင်ပါရဲ့
ဒါပေမဲ့ သူ အစွမ်းကုန်စောင့်ရှောက်နေပါတယ်
မျှော်လင့်ချက်တစ်စုံတစ်ရာမပါဘဲ ပေးဆပ်မှုသက်သက်နဲ့ပေါ့.....

ကျွန်မလည်း ဆုတောင်းနေဆဲပါ
ကျွန်မဘ၀ အဓိပ်ပယ်ရှိစွာရှင်သန်ရင်းနဲ့
ခွဲခွာခဲ့တာ ကြာပြီဖြစ်တဲ့ အဖေနဲ့
မသိနိုင်တဲ့ဘ၀တစ်ခုမှာ အမြန်ဆုံးအတူနေနိုင်ဖို့
ပြီးတော့ အမေနှင့် သူ အေးချမ်းစွာ ကျန်နေရစ်ဖို့.....

AddThis Social Bookmark Button


မက်ခဲ့ဖူးသော အိပ်မက်တစ်ခု  

March 22, 2008

မက်ခဲ့ဖူးသော အိပ်မက်တစ်ခု

ည..... လပျောက်နေတဲ့ အမှောင်ကမ္ဘာထဲမှာ ကျွန်မ စမ်းတ၀ါးဝါး သွားနေမိတယ်။ အခုတလော ရင်ထဲ ပြည့်ကျပ်နေသလိုပဲလေ။ လျှောက်ရင်းလျှောက်ရင်းနဲ့ မျက်စိထဲမှာ အေးချမ်းတဲ့ နေရာလေး တစ်ခုကို မြင်လိုက်တယ်။ အလင်းလော... လျှပ်လော... မသဲမကွဲ နေရာလေးတစ်ခုလည်း မြင်လိုက်ရတယ်။ အလိုက်သင့် ခြေထောက် လေးက အဲဒီနေရာဆီကို တန်းတန်းမတ်မတ်။ ဟင်းလင်းပြင်တစ်ခုပါပဲ။ ပိုးစုန်းကြူးအလင်းတောင် မမြင်ရပါဘူး။ ဒါပေမဲ့ တကယ့်ကို အေးချမ်း နေပါတယ်။ ကျွန်မ ရပ်တည်နေတဲ့နေရာဟာ သဲကန္တာရလို နေရာမျိုးလား၊ ချောက်ကမ်းပါး အစွန်းမှာလား၊ ကမ်းခြေများလား ဘာတစ်ခုမှ မရေရပါဘူး။ ဒါပေမဲ့ ကျွန်မ ရပ်နေမိတယ်။ အေးချမ်းတယ်လေ။ မိုးကောင်းကင်ကြီးကို မော့ကြည့်လိုက်တော့ ပကတိအမှောင်။ ကြယ်ရောင် ပြိုးပြိုးပြက်ပြက်လည်း မရှိဘူး။ ဆန်ဖွပ်နေတဲ့ အဘိုးအိုလည်း မမြင်ရဘူး။ အမှတ်မထင်ဘဲ ကျွန်မ အဝေးကို ငေးကြည့်လိုက်တော့ သဏ္ဌာန်တူ လူရိပ်တစ်ခုကို မြင်ရတယ်။ အလင်းပါးပါးလေး ကျရောက်နေတဲ့ သူ့ခန္ဓာကိုယ်ကို ခြုံကြည့်လိုက်ရုံနဲ့ ယောက်ျားတစ်ယောက်ဖြစ်မှန်း ကျွန်မ သိလိုက်တယ်။ ဒါပေမဲ့ သူ ဘယ်လိုပုံစံလဲ၊ ဘယ်လိုအခြေအနေမျိုးနဲ့လဲ မသဲကွဲပါဘူး။ သူလည်း ကျွန်မကို မြင်သွားတယ်ထင်ရဲ့၊ ရုတ်တရက် စောင်းငဲ့လာတဲ့ သူ့ဦးခေါင်းအရိပ်ကို မြင်လိုက်တာနဲ့ ကျွန်မ အကြည့်လွှဲလိုက်တယ်။ သူ ဘယ်မှာရပ်နေတာလဲ၊ ကျွန်မနဲ့ တစ်နေရာတည်းမှာလား၊ မြေခြားနေလား၊ သူနဲ့ ကျွန်မကြားမှာ သမုဒ္ဒရာများ ခံနေမလား... အတွေးတွေ အစုံပါပဲ။


အသံအဖြစ် ထွက်ကျမလာတဲ့ စကားလုံးသက်သက်နဲ့ ကျွန်မနှုတ်ခမ်းလေးတွေ လှုပ်ရှားသွားတယ်။
"ရှင် ဘယ်သူလဲ"

ကျွန်မ သိနေတယ်။ သူ ဘယ်လိုမှ မကြားနိုင်မှန်းကို။ ဒါပေမဲ့ ကျွန်မ မြင်လိုက်ရတယ်။ သူ့နှုတ်ခမ်းတစ်စုံ ခပ်ဟဟ လှုပ်ခတ်သွားတာကို။ ပကတိ အကြားမဲ့ပါပဲ။ ဒါပေမဲ့ သိနေတယ်။


"ခင်ဗျားရော ဘယ်သူလဲ"

ဒီလိုနဲ့ ကျွန်မတို့နှစ်ယောက် မသိသော အရပ်နှစ်ခုကနေ ကြားနိုင်မဲ့ အသံတွေနဲ့ အရိုးသားဆုံး စကားတွေ ပြောဖြစ်ကြတယ်။ နားထောင်ကြည့်မလား။



"ခင်ဗျား အခု ဘယ်မှာရပ်နေတာလဲ"
"ကျွန်မအထင် အာရှတိုက် တစ်နေရာရာမှာပဲ"
"ရှင်ရော"
"ကျွန်တော်က ကမ္ဘာမြေ တစ်နေရာရာမှာပေါ့"
"ကတ်သီးကတ်သတ်ပဲ"
"ဒါနဲ့ ခင်ဗျား ဘာလို့ ဒီကိုလာတာလဲ"
"ကျွန်မ ၀န်းကျင်တစ်ခုကို လွမ်းနေတယ်။ ခွဲရတာ အသားမကျသေးဘူး။ ပြီးတော့..."
"ပြီးတော့ ဘာဖြစ်လဲ"
"ဒီလိုပါပဲ၊ အရာအားလုံးကိုတွေးပြီးတော့ ပျော်လိုက်၊ စိတ်တိုင်းမကျလိုက်နဲ့မို့ ခဏလောက်များ အေးချမ်းရမလားလို့"
"ခင်ဗျားက ၀န်းကျင်တစ်ခုကို လွမ်းနေတယ်ဆိုတော့ အဲဒီဝန်းကျင်မှာ ခင်ဗျား အသားတကျ အံဝင်ခွင်ကျ ဖြစ်ခဲ့လို့လား"

"ပတ်ဝန်းကျင်နဲ့ လိုက်လျောညီထွေ ရှိတယ်ဆိုတာ ကိုယ့်ကိုယ်ကိုယ် သတ်မှတ်လို့ ရသတဲ့လား။ ဒါ ဘေးလူ အလုပ်လေ။ ကျွန်မ ကိုယ့်အလုပ် ကိုယ်လုပ်တယ်။ ကျွန်မ အမြဲသတိရဖြစ်တဲ့ အစ်မတစ်ယောက်ရဲ့ စကားနဲ့ပြောရရင် အဲဒီဝန်းကျင်မှာ ကျွန်မကလည်း ချစ်တဲ့... ကျွန်မကိုလည်း ချစ်တဲ့ လူတွေ၊ ကျွန်မက ချစ်ရပေမဲ့ ကျွန်မကို အမှတ်မရတဲ့ လူတွေ၊ ကျွန်မက အမှုမဲ့ အမှတ်မဲ့ပေမဲ့ ကျွန်မကို သတိတရ ရှိနေတဲ့ လူတွေ... အစုံပဲရှိမှာပေါ့။ ဒါဖြင့် ရှင်ကရော ဘာလို့ လာတာလဲ"


"ကျွန်တော် လူတွေနဲ့ စကားများများမပြောချင်ဘူး။ အထူးသဖြင့် မလိုအပ်ဘဲ အပိုပြောတတ်တဲ့လူမျိုးပေါ့။ ပြီးတော့ ဒီည လသာတယ်လေ။ လကိုကြည့်ရတာ စိတ်ချမ်းသာတယ်"


"ရှင် မှားနေပြီထင်တယ်နော်။ ဒီမှာ လ လုံးဝမရှိဘူး။ ပကတိအမှောင်ပဲ။ ကျွန်မလာတာ အဲဒီ ပုန်းနေတဲ့ လကို ဖမ်းချင်တာလည်း ပါတယ်"


"ဟားဟား... ခင်ဗျား မေ့နေပြီထင်တယ်။ ကျွန်တော်တို့ ရပ်နေတာ တစ်ဖက်ခြားစီမှာနော်။ ပြီးတော့ လက ဘယ်တော့မှ ရှောင်မပုန်းပါဘူး။ ကမ္ဘာကြီးကသာ သူ့ကို လည်ပတ်နေတာ။ သူကတော့ ဘယ်ကိုမှ ထွက်မပြေးပါဘူး။ အဲဒါလည်း စိတ်ဝင်စားစရာတစ်ခုပဲ။ အမှားအားကြီးသွားရင် အမှန်လို ဖြစ်သွားတတ်တယ်လေ။ ကျွန်တော်တော့ ဒီမှာရပ်နေရတာ အရမ်း စိတ်ချမ်းသာတယ်။ ခင်ဗျားရော"


"မပြောတတ်သေးဘူး။ ကျွန်မက ခုမှရောက်တာလေ။ ဒါနဲ့ ရှင် ဘာလူမျိုးလဲ"
"ကျွန်တော် ဘာလူမျိုးဆိုတာထက် ကျွန်တော်တို့ လူသား အချင်းချင်းပါပဲဗျာ။ ခင်ဗျား မကြောက်ပါနဲ့။ ခင်ဗျားရော"

"ရှင်က ပြန်မေးတာတော့ တကယ်တော်တယ်။ ဒီတစ်ခါ ကျွန်မ ထပ်မေးမယ်။ ရှင် ဘာဘာသာ ကိုးကွယ်လဲ။ ကျွန်မ အရင် ဖြေထားမယ်။ ကျွန်မက ဗုဒ္ဓဘာသာ"


"ကျွန်တော်လား၊ ခင်ဗျားတို့အယူနဲ့ဆိုရင် ကျွန်တော်တို့ ဘာသာရေးအလုပ်က အကုသိုလ်အလုပ် ဖြစ်နေမှာပေါ့"
"ရှင် မွတ်ဆလင်မ် လား"
"သေချာတာပေါ့"

"မထင်ပါဘူး။ ကိုယ့်ဘာသာကို ယုံကြည်မြတ်နိုးတာ ကောင်းခြင်းတစ်မျိုးပါပဲ။ ဘယ်ဘာသာပဲကိုးကွယ်ကိုးကွယ် နံပါတ် တစ် အနေနဲ့ စိတ်ကောင်းရှိဖို့က အဓိကပဲ။ ပြီးမှ နောက်ဆက်တွဲတွေ လာမှာလေ"


"သေချာတာပေါ့။ ကျွန်တော် ခြေလေးချောင်းသား မစားဘူး။ အတတ်နိုင်ဆုံး အသား ငါးတွေ မစားဖြစ်အောင် နေတယ်။ မိရိုးဖလာ ဘာသာဆိုပေမဲ့ ကျွန်တော့်ကိုယ်ကျွန်တော် ဘာမှန်းကို မသိပါဘူး"


"အဲဒါတွေ မပြောတာပဲကောင်းပါတယ်ရှင်။ ဟော... ကောင်းကင်မှာ အနီလေး မှိတ်တုတ်မှိတ်တုတ် မြင်တယ်။ ကြယ်တော့ မဖြစ်နိုင်ဘူး။ လေယာဉ်လား မသိဘူးနော်"


"ခင်ဗျား လေယာဉ်စီးဖူးလား"
"ရှင်ရော"
"ခင်ဗျား ကျွန်တော့်ကို ပြန်မေးနေတာပဲ။ ဒါဆို လေယာဉ်နဲ့ပတ်သက်လို့ကော အမှတ်ရစရာတွေ ဘာတွေ ရှိလား"
"ဟာ... ရှိတာပေါ့"
"ပြောပါဦး၊ ကျွန်တော် စိတ်ဝင်စားသွားပြီ"

"ကျွန်မ ငယ်ငယ် ပထမဆုံးအကြိမ် ဖေဖေ့ရုံးကို ညအိပ် လိုက်သွားတုန်းကပေါ့။ ဖေဖေ့ရုံးခန်းရဲ့ အပြင်ဘက် ခပ်လှမ်းလှမ်းမှာ ကွင်းပြင်ကြီးရှိတယ်။ ဘယ်လောက်ကြီးလဲဆို အဆုံးကို မမြင်ရဘူး။ ကျွန်မက ကလေးဆိုတော့ စပ်စုတယ်လေ။ ကွင်းအစပ်နားသွားကြည့်တာပေါ့။ သံဆူးကြိုးတွေနဲ့ ခတ်ထားတာ ဆိုတော့ အတွင်းဘက်ကို လှမ်းမြင်နေရတယ်။ ကွင်းရဲ့ ဟိုးခပ်လှမ်းလှမ်းမှာ လေယာဉ်တွေ တန်းစီထားတာမြင်တော့ ကျွန်မ အရမ်းအံ့အားသင့်သွားတာ။ ပြီးတော့လည်း စီးချင်တာ တအားပဲ။ ဒါနဲ့ ဖေဖေ့ကို ပူဆာတာပေါ့။ ဖေဖေ ဘယ်လိုချော့ချော့ မရဘူး။ ဖေဖေက အတွဲတွေအများကြီးနဲ့ ကား စီးမလားဆိုလည်း ကျွန်မကတော့ စိတ်ကောက်နေတာပဲ။ မရဘူးပေါ့။ အဲဒီမှာ ဖေဖေက အင်္ဂလိပ် သတင်းစာကြီးတစ်စောင် ယူလာတယ်။ ဘာသတင်းစာလဲတော့ ကျွန်မ မမှတ်မိတော့ဘူး။ ပြီးတော့ ကျွန်မကို လက်ညှိုးနဲ့ ထောက်ပြတယ်။ မြေပုံတစ်ခုပေါ်မှာ တြိဂံပုံသဏ္ဌာန် ဆွဲပြထားတဲ့ နေရာကိုလေ။ ပြီးတော့ ပြောသေးတယ်။ ဒါ လျှို့ဝှက် ဆန်းကြယ်တဲ့ တြိဂံဒေသလို့ ခေါ်တယ်။ ဟိုနေ့က ဖေဖေတို့ဆီကနေ တက်သွားတဲ့ လေယာဉ် ၅ စင်း၊ အထဲမှာ စစ်ပြန် လေသူရဲ ၁၄ ဦးပါတယ်။ အဲဒါ ကောင်းကင်မှာ ပျံသန်းရင်းနဲ့ အခု ဖေဖေပြတဲ့နေရာရောက်တော့ လုံးဝ အဆက်အသွယ် ပြတ်တောက်ပြီး ပျောက်သွားတာ ဒီနေ့ထိပဲ။ ဘာအစအနမှလည်း မရဘူး။ ဖေဖေနဲ့ သမီး ကောင်းကင်ပေါ်မှာ အဲဒီလိုပျောက်သွားရင် သမီးမေမေ တစ်ယောက်တည်း ကျန်ခဲ့မှာပေါ့တဲ့။ အဲဒီတုန်းက ဖေဖေ ပြောတာကို အကုန်နားမလည်ပေမဲ့ အဲဒီလို ပျောက်သွားမှာ၊ မေမေတစ်ယောက်တည်း ကျန်ခဲ့မှာမျိုးကို စဉ်းစားပြီး ကျွန်မ အငိုတိတ်သွားတယ်။ အဲဒီကတည်းက နောင် ဖေဖေ့ရုံးကို လိုက်သွားဖြစ်လည်း လေယာဉ်စီးဖို့ မပူဆာတော့ဘူး။ အဲဒီတုန်းက ဖေဖေ ကျွန်မကို ညှက်ချခဲ့မှန်း ကျွန်မ နည်းနည်းကြီးမှ သိရတာ။ ၁၉၄၅ ခုနှစ်က ဖြစ်တာတွေ၊ ပြီးတော့ ဖလော်ရီဒါပြည်နယ်မှာ ဖြစ်ခဲ့တာတွေကို မနေ့ တစ်နေ့ကမှ ဒီမှာဖြစ်သလိုမျိုး ပြောခဲ့တာလေ။ ဘာပဲဖြစ်ဖြစ် ကျွန်မအတွက်တော့ အရမ်းကို အမှတ်တရပါပဲ။ ရှင့်မှာရော ရှိလား"


"ကျွန်တော့်မှာလည်း ရှိချင်ရှိမှာပေါ့။ ဒါပေမဲ့ ကျွန်တော်က အဲဒါမျိုးတွေကို နေ့တိုင်း ဖြုတ်၊ ထုတ်၊ တပ်ဆင် လုပ်နေရတော့ အမှတ်ရစရာတွေလည်း မရှိချင်တော့ပါဘူး"


"ဒါဆို ရှင်က အင်ဂျင်နီယာပေါ့"
"ခင်ဗျားပတ်ဝန်းကျင်မှာရော ခင်ဗျား ဒီလိုပဲ မေးလိုက် ပြောလိုက်ပဲလား"

"ရှင်... ရှင်ပဲ ကျွန်မကို မေးခွန်းတွေ မေးနေတာပါနော်။ ကျွန်မပတ်ဝန်းကျင်က လူတွေက ကျွန်မ ဆိုတဲ့ လူတစ်ယောက်ရဲ့ ဖြစ်တည်မှု တစ်ခုကိုတောင် မေ့ချင် မေ့နေမှာပါ။ ကျွန်မက စိတ်ဝင်စားစရာ အလျဉ်းမရှိတဲ့သူပဲလေ"


"ကျွန်တော်တော့ အဲဒီလိုမထင်ပါဘူး။ လူတိုင်းမှာ ထူးခြားချက်ကိုယ်စီရှိကြတာပဲလေ။ ခင်ဗျား မပြန်သေးဘူးလား။ ခင်ဗျားရောက်နေတာ တော်တော်ကြာပြီနော်။ ကျွန်တော်တော့ ဒီမှာ ခဏလှဲလိုက်ဦးမယ်။ ကောင်းကင်နဲ့ မြေကြီး တစ်သားတည်း ကျအောင် ခံစားလိုက်ဦးမယ်"


"အခု ပြန်မှာပါ။ လူတွေဟာ အကြောင်းအမျိုးမျိုးကြောင့် ဘယ်ကိုပဲ ရောက်နေ ရောက်နေ နောက်ဆုံးတော့ ကိုယ့်နေရာ ကိုယ် ပြန်ကြရမှာပဲ မဟုတ်လား"


"အဲဒါ အမှန်ဆုံးစကားပဲပေါ့ဗျာ။ မပူပါနဲ့၊ နောက်နေ့ဆို ခင်ဗျားမျှော်နေတဲ့ လ ခင်ဗျားဆီ ရောက်လာမှာပါ။ လောကကြီးက တရားပါတယ်ဗျ။ မတရားချင်နေတာ လူတွေပါ။ နောက်နေ့တွေရော ခင်ဗျား လာဦးမှလား။ ခင်ဗျား....."


သူ ဘာတွေဆက်ပြောနေလဲ ကျွန်မ မသိတော့ပါဘူး။ နောင်တစ်နေ့မှာ ကျွန်မ မျှော်နေတဲ့ လ ကျွန်မတို့ဆီ ရောက်လာမယ်ဆိုပေမဲ့ ဒီနေ့အဖို့တော့ မှောင်နေဆဲပဲလေ။ သူနဲ့သာ ဆက်ပြောနေရင် ကျွန်မ အိမ်ပြန်ခက်ရချည်ရဲ့။ ခံစားချက်အစုံနဲ့ ရင်ခုန်သံတွေကိုတော့ ရင်ဘတ်ကြီးထဲမှာပဲ မျိုချထားလိုက်တယ်။ ကျွန်မကိုမျှော်နေမယ့်... အပြုံးနဲ့ဆီးကြိုနေမယ့် အမေ့ကို ကျွန်မ ပြန်ပြုံးပြရဦးမယ် မဟုတ်လား။ တရားသော လောကကြီးမှာ တရားသော လူတွေရဲ့ကြား အပြုံးများနဲ့ တုံ့ပြန်နိုင်ကြပါစေလို့ပဲ တိတ်တဆိတ် ဆုတောင်းလိုက်တော့တယ်။

AddThis Social Bookmark Button


ကယောင်ကတမ်းရေရွတ်မိသော ညများ  

February 21, 2008

ကယောင်ကတမ်းရေရွတ်မိသော ညများ

ညမုဆိုးထံကို တစ်စတစ်စ တိုးဝင်လာတဲ့အမှောင်ဟာ
သားကောင်ဖြစ်မှန်းမသိ ဖြစ်ခဲ့ပေါ့
သြော်... အရုဏ်ရောက်တော့မှာပ
ကုန်လွယ်လှချည့် ညရေ
သံသရာဆိုတာ ရှိနေသရွေ့
ကိုယ်ကိုယ်တိုင်ပဲ
စိုက်ပျိုးလိုက် ရိတ်သိမ်းလိုက်
ပြန်တူးဆွလိုက် မြေမြှုပ်ပစ်လိုက်နဲ့
ရင်ခုန်သံတွေ ရှင်သန်ဖို့ ရင်ခုန်သံတွေ စားသုံးရင်းနဲ့။

ကယောင်ကတမ်းပဲ ဟင်းလင်းရင်ခွင်ကို စမ်းမိတယ်
ရည်ညွှန်းရာအတည်တကျမရှိပါဘဲ နာကျင်နေလိုက်တာ
အေးချမ်းတယ် အပြစ်ကင်းတယ် ဆိုတဲ့ အရိပ်လက်ခဏာ
သမီးမျက်နှာမှာ ရှာတွေ့သေးရဲ့လား အဖေ
ဟုတ်ပါရဲ့... သမီး မပြုံးဖြစ်တာ ကြာခဲ့ပြီပဲ
စကားခွန်းဆို မရှိပါဘဲနဲ့တောင်
အပြစ်ရှာချင်ကြတဲ့ လူတွေကြားမှာ
သမီး နှုတ်ဆိတ်နေတာ မှားလား။

အားပေးချွေးသိပ်လှည့်ပါဦး အဖေ
လွတ်မြောက်ခွင့်ပေးထားပါရက်နဲ့
မစွန့်ခွာခဲ့တဲ့ အဲဒီလက်အစုံရယ်
အဖေမျှော်လင့်ခဲ့တဲ့ပုံရိပ်တစ်ခုကို အသက်သွင်းရင်း
အေးစက်သထက် အေးစက်သွားတဲ့
သမီးရဲ့ နှလုံးသားတစ်ခုရယ်
ဘာပဲဖြစ်ဖြစ် အဖေလာရင်တော့ သမီးပြုံးနိုင်မယ်ထင်ရဲ့
ဒီည အိပ်မက်ထဲမှာ အဖေရှိနေပေးပါနော်။

AddThis Social Bookmark Button


ဘ၀ ညီမျှခြင်း  

February 13, 2008

ဘ၀ ညီမျှခြင်း

မျှော်လင့်ခြင်းနဲ့ အသက်ရှင်နေရင်း
ရှင်သန်ခြင်းကို မေ့လျော့မိတဲ့အခါ
မျှော်လင့်ချက်ဆိုတာဟာ ...
... ... ...
... ... ...
ဝေးနေရတဲ့ ရင်ဘတ်တစ်ခြမ်းလည်း
လွမ်းတယ်။

ဘ၀ရယ်...
ငါ အိပ်မက် မက်ကောင်းတုန်းမှာ
နင်က တော်တော်ဝေးဝေးထိ ခရီးဆက်နေခဲ့ပြီပဲ
ပိုးမွှားတွေကို သေစေသတဲ့
အာရုံတွေကို လန်းဆန်းစေသတဲ့
အဲဒီနေခြည်ရဲ့ဒဏ်ကို
ငါ ဘာကြောင့် မခံနိုင်ခဲ့တာလဲ...

ငါ စကားတွေအများကြီး ပြောခဲ့ရဲ့နဲ့
သူတို့တွေ မကြားခဲ့ဘူးတဲ့
ဖမ်းယူဆုပ်ကိုင်နိုင်စွမ်းမရှိအောင်ကို
ငါ့လက်ချောင်းတွေ မောပန်းနေခဲ့ပါပြီ
အိပ်မက်ထဲမှာတောင် သီဆိုသူမဖြစ်ခဲ့ဖူးပေမဲ့
ငါ့သံစဉ်တွေရဲ့ အတက် အသက်
စည်းချက်ကျကျ လှပနေမှာကိုတော့ ယုံကြည်ပေးပါ
ဘ၀နဲ့ရင်းခဲ့တဲ့ ကာရန်တွေကြားမှာလေ...

ကောင်းကင်ဟာ အပြောကျယ်တယ်
ပင်လယ် နက်ရှိုင်းတယ်
ငါတို့ ဒီလို အဓိပ်ပယ်ဖွင့်ခဲ့ကြတယ်နော်
ဒါပေမဲ့ ဘ၀ကိုတော့ ဒီအတိုင်းပဲထားလိုက်ပါ
ငါတို့ရေးခြယ်သမျှ ဒုက်ခဆိုလည်း ဒုက်ခ
အလှဆိုလည်း အလှပေါ့... ... ...

AddThis Social Bookmark Button


ပင်ပန်းတဲ့အခါမျိုးမှာတော့ ရင်ဖွင့်ခွင့်ပေးပါနော်...  

February 08, 2008

ပင်ပန်းတဲ့အခါမျိုးမှာတော့ ရင်ဖွင့်ခွင့်ပေးပါနော်...



ဒီကနေ့ဆိုရင် ဘလော့ကြီးနဲ့ခွဲခွာခဲ့တာ တစ်လတိတိ ရှိပါပြီ။ တကယ်တော့
ဒီစာကို ရေးဖို့ စိတ်ကူးမရှိခဲ့ပါဘူး။ အတ္တပဲဆိုပါတော့။
ကိုယ်မလုပ်နိုင်ပေမဲ့ ကြည့်လိုက်တဲ့အခါ လာလည်တဲ့သူငယ်ချင်းတွေကိုမြင်ရတဲ့
ကြည်နူးတဲ့စိတ် အတွက် သိုးလေးရဲ့ အတ္တကြီးမှုသက်သက်ကြောင့်ပေါ့။
နောက်ဆိုရင် သိုးလေး ဘလော့မှာ ရေးဖြစ်မှာ မဟုတ်တော့ပါဘူး။
ဘလော့ကသူတွေအားလုံးကို သိုးလေး အရမ်းပဲသံယောဇဉ်ရှိပါတယ်။ ၀ါသနာပါရာ၊
စိတ်ထက်သန်ရာအလိုက် ရေးကြလို့ ရသစုံခံစားနိုင်တယ်၊ နွေးထွေးတယ်၊
ဖော်ရွေတယ်၊ သိသမျှ မညည်းမညူပြောပြ တတ်တယ်။ ခုလောလာဆယ် မရေးနိုင်ပေမဲ့
လုံးဝအဆက်ပြတ်သွားမှာတော့ မဟုတ်ပါဘူး။ သိုးလေး အချိန်ရတာနဲ့
လက်လှမ်းမီသလောက် ဖတ်ဖြစ်မှာပါ။ ပြီးတော့ ကိုယ်တိုင်ဖန်တီးနိုင်တဲ့တစ်နေ့
သိုးလေး ပြန်ရေးဖြစ်မှာပါ။



သိုးလေးမှာ အပေါင်းအသင်းမိတ်ဆွေဆိုတာ လက်ချိုးရေရင် ငါးချောင်းတောင်
မပြည့်ပါဘူး။ သိုးလေးက လူအများနဲ့ ရောထွေးနေရတာကို မနှစ်သက်ဘူး၊
ဝမ်းနည်းတဲ့အခါဆို ဘယ်လောက်ကြီးပဲ ငိုချင်ချင် တစ်ယောက်တည်း
အိပ်ရာထဲရောက်မှ ကြိတ်ငိုတိတ်တယ်။ စိတ်တူ ကိုယ်တူကိုပဲ ပေါင်းသင်းတတ်လို့
သိုးလေးမှာ သူငယ်ချင်း များများမရှိပါဘူး။ အေးစက်နေတဲ့ သိုးလေးကို
နွေးထွေးမှုပေးခဲ့တာ ဘလော့က လူတွေပါပဲ။ ဒါကြောင့် အားလုံးကိုပဲ သိုးလေး
တန်ဖိုးထားတယ်။ အတိုင်းအတာတစ်ခုထိ သိုးလေး ရှောင်ပုန်းခဲ့ပြီးပါပြီ...
လောကကြီးတစ်ခုလုံး၊ လူတွေအားလုံး၊ ပတ်ဝန်းကျင်ရဲ့ ဒီအိမ်မှာ ဒီကောင်မလေး
ရှိမှန်းတောင် မသိဘူး ဆိုတဲ့အသံမျိုး ကြားရတဲ့အထိပေါ့။ သိုးလေးကိုယ်ထဲမှာ
လည်ပတ်နေတဲ့ အဖေ့ရဲ့သွေးတွေ၊ အမေ့ကိုချစ်တဲ့ စိတ်တွေကို အားပြုပြီး
သိုးလေး လောကကြီးထဲ ၀င်တော့မယ်။ လူတွေရဲ့ အကြည့်တွေ၊ အသံတွေ၊ ဖြစ်လာမယ့်
အခြေအနေတွေအားလုံးကို ရဲရဲဝံ့ဝံ့ရင်ဆိုင်ဖို့ အသင့်ဖြစ်နေပါပြီ။
အားလုံးနဲ့ ထုသားပေသား တစ်သားတည်း ကျဖို့ဆိုတာ အချိန်လိုပါတယ်။ ၆ လ၊ ၁
နှစ်၊ ၂ နှစ် ပြောမတတ်ပါဘူး။ စေတနာကောင်းလျှင် ကံကောင်းမည် ဆိုတဲ့
ဆောင်ပုဒ်ကလေးကို ကျင့်သုံးပြီး သိုးလေး ရှေ့ဆက်ပါမယ်။



နောက်တစ်ခုက ကိုနေဘုန်းလတ်အတွက်ပါ။ ဒီနေ့မှ မေးလ် စစ်ဖြစ်တော့
ကိုနေဘုန်းလတ်အတွက် တင်ပေးဖို့စာကိုလည်း ဒီနေ့မှ တွေ့ရပါတယ်။ သိုးလေးက
အားလုံးနဲ့ အလှမ်းဝေးနေလို့ အခြေအနေတွေလည်း မသိရပါဘူး။ ဘယ်လိုပဲဖြစ်ဖြစ်
သိုးလေး အကြိမ်ပေါင်းများစွာ ၀င်ရောက်ခဲ့တဲ့ ကိုနေဘုန်းလတ်
လွှတ်ချခဲ့တဲ့မြို့တော်ကြီးမှာ အေးချမ်းစွာနဲ့ အမြန်ဆုံး
ပြန်လည်ရေးသားနိုင်ပါစေလို့ ရင်ထဲကနေ လှိုက်လှိုက်လှဲလှဲ ဆုတောင်းပေးပါတယ်။
သိုးလေး မကျွမ်းကျင်တဲ့အပိုင်းမို့ သိုးလေး ဝေဖန်ရေးတွေ မပေးချင်ပါဘူး။
ကိုနေဘုန်းလတ်အတွက် ရင်ထဲမှာပူလောင်နေမယ့် မိသားစုကို မြင်ယောင်ပြီး
စိတ်မကောင်းဖြစ်မိပါတယ်။ အမြန်ဆုံးပဲ လွတ်လပ်ခြင်းရဲ့အရသာကို
ခံစားနိုင်ပါစေ ဆိုတာကိုပဲ ဆုတောင်းပေးနေပါတယ်။



ဘလော့မရေးဖြစ်တော့ဘူးဆိုပေမဲ့ ရင်ထဲမှာ လက်စသတ်ချင်တာလေးတစ်ခု
ကျန်နေသေးတယ်လေ။ အရင်တုန်းက ဘလော့မှာ သိုးလေးရေးခဲ့တဲ့ စာတွေ၊ ကဗျာတွေကို
ခေါင်းစဉ်မတပ်ခဲ့မိဘူး။ နောက်ပိုင်းမှာတပ်ဖြစ်ပေမဲ့ ရှေ့ပိုင်း
တော်တော်များများပဲ ကျန်နေတယ်လေ။ အားလုံး တစ်စုတစ်စည်းတည်း သိုးလေး
ပြန်ကြည့်နိုင်အောင် တပ်ချင်ပေမဲ့ အင်တာနက်ဆိုင်မှာ
ထိုင်လုပ်မှရမယ့်ကိစ္စမို့ သိုးလေးမှာ စိတ်ညစ်နေရတယ်။ အထူးသဖြင့်
ကဗျာတွေကိုပေါ့။ သိုးလေးရေးတဲ့ကဗျာတွေ အပုဒ်ပေါင်း
တော်တော်မနည်းတော့ဘူးလေ။ အဲဒါလေးတွေကို စိတ်ကူးပေါက်တိုင်း သိုးလေးက
ပြန်ဖတ်ချင်တာဆိုတော့ စုစုစည်းစည်းလေး ရှိနေစေချင်တာပါပဲ။ အဲဒီအတွက်
အလုပ်အပ်မလားလို့ စိတ်ကူးနေတာ။ ဘယ်သူကမှလည်း ယောင်လို့တောင် စကားမဟကြတော့
သိုးလေးလည်း လက်လျှော့ထားရတယ်လေ။ ဒါနဲ့ စကားမစပ် နောက်ပိုင်း သိုးလေး
သိချင်တာတွေရှိလို့ မေးတဲ့အခါ ဘလော့က မောင်နှမတွေကိုပဲ မေးရမှာမို့
သိုးလေးကို မညူစူကြပါနဲ့လို့ ကြိုပြီး ခွင့်ပန်ချင်ပါတယ်။



သိုးလေးကို သတိရတဲ့အခါပဲဖြစ်ဖြစ်၊ သိုးလေးနဲ့ပတ်သက်လို့ ဝေဖန်
အကြံပြုချင်တယ်ဆိုရင်ပဲဖြစ်ဖြစ် thoemalay@gmail.com ကို
မေးလ်ပို့နိုင်ပါတယ်။ ဒါပေမဲ့ တစ်ခါတစ်ရံ g-talk ဖွင့်တဲ့အခါ ကိုယ်မသိတဲ့
နာမည်မျိုး invite လုပ်ထားရင် လက်ခံဖြစ်မှာမဟုတ်လို့ မေးလ်ကို
ကြိုပို့စေချင်ပါတယ်။ အားလုံးပဲ သိုးလေးနဲ့အတူ ဘ၀ကို အားနဲ့ မာန်နဲ့
ကိုယ်နိုင်တဲ့ တစ်ထောင့်တစ်နေရာကနေ ချီတက်ကြပါစို့။



မလေး တို့ မမလေးမ တို့ မေးခဲ့ဖူးတဲ့ သိုးလေးမွေးနေ့ ဘယ်တော့လဲဆိုတာ...
လာမယ့် ၃ လပိုင်း ၉ ရက်နေ့ဟာ သိုးလေးမွေးနေ့ပါပဲ။ အရမ်းအံ့သြသွားလားဟင်၊
ဒီလောက်ပူပြင်းတဲ့ရာသီမှာ မွေးလာပြီး နာမည်ကျတော့ အေးခဲမတတ်ပဲ
ဆိုပြီးတော့ပေါ့။ အဲဒီလိုပါပဲ သိုးလေးက မွေးကတည်းက ဆန့်ကျင်ဘက်တွေနဲ့
ရှင်သန်ခဲ့လို့ပဲထင်ပါရဲ့... profile မှာ သိုးလေး ရေးထားသလိုမျိုးပဲ
သည်လောကကြီးမှာ ရှင်သန်ခဲ့စဉ်အတွင်း အားလုံးမဟုတ်ရင်တောင်
တစ်စုံတစ်ယောက်ဆီမှာ အေးချမ်းသူ ဆိုတာ ရှိခဲ့ဖူးပါလားဆိုတဲ့ တစ်ခါတစ်ရံ
သတိရခြင်းမျိုးလေး ဖြစ်ခဲ့ရင်ပဲ သိုးလေး ကျေနပ်နေမှာပါ။



နောင်ဆိုရင် အဖော်မဲ့ အထီးကျန်ဖြစ်နေမယ့် သိုးလေးရဲ့ဘလော့မှာ
သိုးလေးကတော့ အမြဲ အိပ်ဖန်စောင့် လုပ်နေမှာပါ။ ဖြတ်လျှောက်သူတွေ၊
မျက်လုံးဝေ့ကြည့်သူတွေ၊ ကိုယ့်အလုပ် ကိုယ်လုပ်နေကြတဲ့သူတွေ အားလုံးကို
မျက်စိမညောင်းသရွေ့ လိုက်ကြည့်နေရင်း .....

AddThis Social Bookmark Button


ဘ၀ကြီးမှာ အပျော်ရွှင်ဆုံးက အမေ့ရဲ့ သမီးလေး ဖြစ်ခွင့်ရတာပါပဲ အမေ  

January 07, 2008

ဘ၀ကြီးမှာ အပျော်ရွှင်ဆုံးက အမေ့ရဲ့ သမီးလေး ဖြစ်ခွင့်ရတာပါပဲ အမေ

ငယ်ငယ်တုန်းတော့ ကြိုက်တတ်ခဲ့တဲ့သီချင်းက တစ်ကိုယ်ရေညများ
အတန်းကျောင်းတက်ချိန် ခံစားတတ်ခဲ့တာ အထီးကျန်
ခုတော့ သံစဉ်မဲ့ တစ်ကိုယ်ရေခန်းမှာ
ဘာသီချင်းမှ မဆိုညည်းဖြစ်တော့ပါဘူး
အရင်လိုမဟုတ်တော့ဘူးဆိုတဲ့ သူငယ်ချင်းရဲ့စကားအတွက်လည်း
ဝါကျတွေမတည်ဆောက်ချင်တော့ဘူးလေ
ရေးခဲ့တဲ့စာမျက်နှာက ၂၀ ကျော်ခဲ့ပြီမဟုတ်လား
ဇာတ်ကောင်တွေအများကြီးအတွက် ခံစားခဲ့ရမှတော့
လိုက်ဖက်မယ့် အရောင်ကို ရွေးချယ်နေတတ်ခဲ့ပါပြီ
အပြုံးတစ်ဝက် မျက်ရည်တစ်စက်နဲ့ မင်းသမီးလေးလိုလေ
အမေ ကျေနပ်မှာပါ.....

အမေချော့သိပ်ခဲ့တဲ့ အိပ်ရာဝင်တေးတွေနဲ့
ခုချိန်ထိ မကွယ်ပျောက်သေးတဲ့ အဖေ့ပုံရိပ်တွေဟာ
နာနာကျင်ကျင်ခံစားတတ်လွန်းသူအတွက်
အားတစ်ရပ်ပါပဲ
ကျေးဇူးတင်ပါတယ် အမေ
မပြည့်စုံပေမဲ့ လူဖြစ်လာရတဲ့အတွက်
ရတနာသုံးပါးဂုဏ်ကျေးဇူးကို အထူးသိနိုင်ခဲ့တဲ့အတွက်
ပြီးတော့
အနားမှာရှိနေပေးတဲ့အတွက်.....

ညတွေရောက်တိုင်း အမေ့နဖူးကို နမ်းမယ်
အမေ အိပ်မက်လှလှမက်ပါစေရယ်ပေါ့
နာကျင်လွန်းလို့ ကျရတဲ့ မျက်ရည်တွေကိုတော့
အမေခြုံပေးတဲ့ စောင်လှလှလေးအောက်မှာပဲ ပျောက်ဆုံးသွားစေချင်ပါတယ်
အမေ့အတွက် အလတ်ဆတ်ဆုံး ပြုံးပြနိုင်အောင်လေ.....

သမီးမွေးနေ့ရောက်တော့မယ်နော် အမေ
သူငယ်ချင်းတွေရဲ့မွေးနေ့ဆုတောင်းဆိုတာ မရှိခဲ့ဖူးလို့
အရူးတစ်ယောက်လိုလည်း မမျှော်တော့ပါဘူး
ခါတိုင်းလိုပဲ အမေရယ် သမီးရယ် အပြစ်မဲ့ကလေးတွေဆီ သွားကြမယ်
တကယ်တော့ သတ္တ၀ါဆိုတာ အဓိပ္ပာယ်ထပ်တူပဲမဟုတ်လား.....

ပျော်ရွှင်ပါ အမေ
စက္ကန့်တိုင်း မိနစ်တိုင်း
ရောင်နီပေါ်တိုင်း ဆည်းဆာရောက်တိုင်းပေါ့
အလိုအပ်ဆုံး ဆုတစ်ခုသာ တောင်းခွင့်ရခဲ့ရင်
အမေ့ထက်အရင် အကြွေစောချင်ခဲ့သူပါ အမေ....။

AddThis Social Bookmark Button


ငါလျှောက်ခဲ့တဲ့ လမ်း  

January 02, 2008

ငါလျှောက်ခဲ့တဲ့ လမ်း

ရောင်စုံတွေကြား ဖြတ်သန်းရင်းနဲ့
အဖြူတချို့ အခု မည်းသွားသလို
အရင်ကအမည်းတွေလည်း အခု ဖြူသွားတာတွေရှိတယ်
သေချာတာကတော့ အရောင်တိုင်းမှာ အဓိပ္ပာယ်ကိုယ်စီရှိကြတယ်
အကြောင်းမဲ့ အကျိုးမဖြစ်ဘူး ဆိုတာလည်း
သူ့အဓိပ္ပာယ်နဲ့ သူပဲ
ကိုယ် သတိနဲ့မနေထိုင်တိုင်း လောကကြီးက အနာရင်းတယ်ဆို
အားလုံးမှာ ဒဏ်ရာတွေအပြည့်ပေါ့
မှေးငိုက်နေတဲ့မျက်ဝန်းတွေနဲ့ အရိပ်သဏ္ဌာန်တွေကို လိုက်ကြည့်ရင်း
မိတ်ဆွေလား ရန်သူလား ခွဲခြားနေဆဲလား
လောကအတွက် လိုအပ်တဲ့ လူသားတစ်ယောက်အဖြစ်
နှစ်ရှည်ပင် စိုက်ပျိုးပြီးရဲ့လား
James Allen ကတော့ ပြောဖူးတယ်
အိပ်မက်အကြီးကြီးမက်ပါတဲ့
အဲဒီအိပ်မက်အ၀င်လမ်းမှာပဲ
ငါဟာ မောဟိုက်နေခဲ့တယ်
ငါဟာ တစ်ကိုယ်တော်ခရီးသွား
သစ်ရွက်ခြောက်တွေကြားက
မကျလာမယ့်မိုးကိုလည်း မျှော်လင့်ဖူးတယ်
ပြန်မရနိုင်မှန်းသိရက်နဲ့
ငယ်ဘ၀ကိုလည်း တမ်းတဖူးတယ်
အများနဲ့မတူတဲ့ လူတစ်ယောက်မို့
ငါရွေးချယ်ခဲ့တဲ့လမ်းဟာလည်း သီးခြားဆန်တယ်
တစ်လမ်းဆုံးရင် တစ်လမ်းဆက်လျှောက်ရမြဲလေ
နောင်တစ်ချိန်မှာ ငါလျှောက်ခဲ့တဲ့လမ်းရဲ့
ထူထပ်တဲ့ မြက်တွေအကြောင်း
အစာအတွက် အသက်လုနေရတဲ့
ငါ မနင်းချေခဲ့တဲ့ ပုရွက်ဆိတ်တွေအကြောင်း
ငါ့ညကို ထွန်းပဖို့ မျက်လုံးအစုံကျိန်းစပ်နေမယ့်
ငါမမြင်ခဲ့တဲ့ လူတစ်ယောက်အကြောင်း
ရောက်တတ်ရာရာလေးတွေပြန်ပြောဖို့
ငါ့ဘာသာစကားကို နားလည်တဲ့ အမေအို
အိပ်မက်အပြန်လမ်းမှာ စောင့်ကြိုနေရင်ပဲ
ငါ ဇရာကို လက်ကမ်းနိုင်ပါပြီ
ရုတ်တရက် တစ်စုံတစ်ခုဆိုတဲ့ ကံကြမ္မာသာ
ငါ့မှာ မရှိခဲ့ရင်ပေါ့။

AddThis Social Bookmark Button


 

© 2007 - Aye Chan Thu | Design by Amanda @ Blogger Buster