June 21, 2007
မိုးရွာရင်
မိုးတွေရွာရင်...
ဟိုးငယ်ငယ်တုန်းကဆို မိုးရွာမှာကို သိုးလေး သိပ်ကြောက်တယ်။ ဘာလို့ဆို သိုးလေးမှာ ထီးမရှိလို့။ ငယ်ငယ်ကဆို ထီးတစ်လက် အရမ်းလိုချင်ခဲ့တဲ့ သိုးလေး မိုးတွေရွာရင် စိတ်ညစ်ရတယ်။ နောက်တော့ ကိုယ်ပိုင်ထီးတစ်လက် ရလာတဲ့အချိန် မိုးရွာတဲ့အခါ ထုတ်မဆောင်းပြန်ဘူး။ အဲဒီအချိန်မှာ သိုးလေးရဲ့စိတ်က မိုးရေထဲသွားရတာကို ပျော်နေပြန်တယ်။ တကယ်လို့ အဲဒီအချိန် သိုးလေးမှာသာ ကိုယ်ပိုင်ထီးတစ်လက်မရှိဘူးဆိုရင် ထီးမရှိဘူးဆိုတဲ့ စိတ်နဲ့ သိုးလေး ပျော်ချင်မှပျော်မှာ။ အခုတော့ သိုးလေး စဉ်းစားမိတယ်၊ လူတွေပေါ့... ကိုယ့်မှာ မရှိတဲ့အရာဆိုရင် မျှော်လင့်ခြင်းကြီးစွာနဲ့၊ လိုချင်တပ်မက်စွာနဲ့ တောင့်တကြတယ်၊ မျှော်လင့်ကြတယ်။ ကိုယ့်မှာရှိလာပြီ၊ ပိုင်ဆိုင်လာပြီ ဆိုရင် ငါ့မှာရှိတာပဲ၊ ထုတ်ပြီးအသုံးမပြုလည်း အကြောင်းမဟုတ်ဘူး၊ မရှိလို့မှ မဟုတ်တာ၊ မသုံးချင်လို့ မသုံးတာပဲဟာ ဆိုတဲ့ စိတ်မျိုး ထားတတ်ကြတယ်။ ဒါ သိုးလေးကိုယ်တိုင် ဖြစ်ခဲ့တဲ့ စိတ်ကိုပြောတာပါ။ အရွယ်နဲ့လိုက်လို့ မိုးရွာတဲ့အခါမှာ သိုးလေးရဲ့စိတ်တွေဟာလည်း အမျိုးမျိုးပြောင်းနေတယ်။ တစ်သမတ်တည်း ရှိမနေဘူး။ ခုနေချိန်မှာ မိုးရွာရင် သိုးလေးမှာ ကိုယ်ပိုင်ထီးတစ်လက် မရှိလည်း အကြောင်း မဟုတ်တော့ဘူး၊ သိုးလေး နေတတ်သွားပြီ။ ဘ၀ကြီးမှာ ပိုင်ဆိုင်မှုတွေသိပ်များရင် ဆုံးရှုံးရမှာတွေလည်း သိပ်များတယ်တဲ့။ ပိုင်ဆိုင်မှုနည်းတော့ ဆုံးရှုံးမှု ဆိုတာလည်း နည်းသွားတာပေါ့။ တကယ်တော့ မိုးတွေရွာရင် သိုးလေး ဘာလုပ်ချင်သလဲဆိုတဲ့ စိတ်အနေနဲ့ကတော့ မိုးတွေရွာရင် သိုးလေး အိမ်မှာပဲဖြစ်ဖြစ် ၀ရန်တာလိုနေရာလေးမှာပဲဖြစ်ဖြစ် တစ်ယောက်တည်း ရွာနေတဲ့မိုးတွေကို ကြည့်... နားကျပ်ကက်ဆက်ကလေးနဲ့ သိုးလေး နှစ်သက်တဲ့ သီချင်းတွေကို နားထောင် (ဒါမှမဟုတ်) သိုးလေးကြိုက်တဲ့ စာအုပ်တစ်အုပ်အုပ်ကို ဖတ်၊ ကော်ဖီပူပူလေးတစ်ခွက် ဘေးမှာ ချပြီး သောက်လို့ အဲလိုမျိုးလေး အခု နေချင်တယ်။ ဒါ သိုးလေးရဲ့ လတ်တလောဖြစ်နေတဲ့ ခံစားချက်။ နောက်နေ့... နောက်နေ့တွေမှာတော့ သိုးလေးရဲ့စိတ်က အဲလို ဟုတ်ချင်မှ ဟုတ်မှာပေါ့။ မိုးဟာ ဖွဲရာက ရုတ်တရက် သည်းထန်သွားနိုင်သလို သိုးလေးရဲ့စိတ်ဟာလည်း ... ... ...
သိုးလေးကို tag လုပ်တဲ့ ကိုပုဂံသားကျေးဇူးနဲ့ သိုးလေး ရေးဖြစ်သွားတာပါ။ သိုးလေးကလည်း ဘိမသု ဘိမသ နဲ့ ပြန် tag ချင်တာတော့
မယမင်း
Posts
June 21, 2007 at 6:24 PM
မိုးကို အစိုးမရသလို။
ဒေါ်ဒေါ်သိုးလေး စိတ်ကလည်းအစိုးမရ၀ူးပဲ။
ဟီးဟီး။ :P