ဝန် နှင့် အား  

July 09, 2007

ဝန်နှင့် အား

တလောက အသိဘုန်းကြီးတစ်ပါး အိမ်ကို<ကတော့ သတ္တ၀ါထဲမှာ ဘယ်သတ္တ၀ါ အင်အားအကြီးဆုံးလဲတဲ့ ဘုန်းဘုန်းက မေးတယ်။ ဒီတော့ သိုးလေးအပါအ၀င် အိမ်ရှိလူကုန် တစ်ယောက်တစ်မျိုးဖြေကြတာပေါ့။ ဆင်တို့၊ ခြင်္သေ့တို့၊ ကျားတို့ အစုံပဲ၊ေ>မဟောက်တောင် ပါလိုက်သေး။ ပြီးမှ ဘုန်းဘုန်းက ကျေနပ်ပြီဆိုရင် အဖြေပြောမယ်ဆိုပြီး အဖြေပြောပြတော့ အကုန်လုံး အံ့အားသင့်သွားရတယ်။ ပုရွက်ဆိတ် တဲ့။ ဒီတော့မှ တစ်ယောက်က ထပြောတယ်။ ထင်တော့ထင်သား၊ ပုရွက်ဆိတ်လို့ပြောမလို့ပဲ။ သူကိုက်ရင် နာတယ်လေ။ ဆင်လည်း ပုရွက်ဆိတ်ကိုက်ရင် ကြောက်တာပဲတဲ့။ အဲဒီအခါ ဘုန်းဘုန်းက ဘာပြောသလဲဆိုတော့ ပုရွက်ဆိတ်ကိုက်လို့ နာလို့ မဟုတ်ဘူးတဲ့။ ဒီမေးခွန်းက ပေါက်တတ်ကရမေးခွန်း၊ အပြောင်အပြက်မေးခွန်းလည်း မဟုတ်ဘူးတဲ့။ ဘုန်းဘုန်းတို့ငယ်ငယ်က ၄ တန်း၊ ၈ တန်း၊ ၁၀ တန်း အဲဒါတွေက အစိုးရစစ်တွေလို့ပြောတယ်။ စကောလားရှစ်လည်း ပေးတယ်တဲ့။ အဲဒါ အဲဒီစကောလားရှစ်စာမေးပွဲမှာ ထည့်မေးတဲ့ မေးခွန်းတဲ့။ ရမ်းသမ်းတုတ်လို့ ပုရွက်ဆိတ်လို့မှန်သွားရင်တောင် အဖြေက မပြည့်စုံသေးဘူး။ ဘာကြောင့်လဲဆိုတဲ့ အကြောင်းပြချက် မှန်အောင် ဖြေရတယ်တဲ့။ ဒီတော့မှ အကုန်လုံးက ဘာကြောင့်ပါလဲဘုရားပေါ့။ ဘုန်းဘုန်းပြောပြတာကတော့ ဆင်တစ်ကောင် သစ်လုံးတစ်လုံးကို ဆွဲပြီဆိုပါတော့၊ အဲဒီ ဆင်ဆွဲလာတဲ့ သစ်လုံးရဲ့ အလေးချိန်နဲ့ ဆင်ရဲ့ အလေးချိန် တစ်နည်းအားဖြင့် ၀န်နှင့် အားကို ကြည့်ရင် သင့်တော်တယ်။ ပုရွက်ဆိတ်တစ်ကောင် အစာချီလာလို့ အဲဒီအစာရဲ့ အလေးချိန်နဲ့ ပုရွက်ဆိတ်ရဲ့အလေးချိန် ယှဉ်ကြည့်ရင် ရှေ့ကပြောခဲ့သလို ၀န်နှင့် အားကို ယှဉ်ကြည့်ရင် ဘယ်လိုမှ မမျှဘူးတဲ့။ ပုရွက်ဆိတ်ချီလာတဲ့အစာဟာ ပုရွက်ဆိတ်တစ်ကောင်လုံးရဲ့အလေးချိန်ထက် ပိုလေးတယ်တဲ့။ ထမင်းလုံးတစ်လုံး ချီလာရင်တောင် အဲဒီထမင်းလုံးနဲ့ ပုရွက်ဆိတ်၊ ထမင်းလုံးက ပိုလေးသတဲ့။ အဲဒီမေးခွန်းကို စကောလားရှစ်မေးခွန်းမှာ ထည့်မေးတဲ့အခါ သိရသလောက်တော့ ပုရွက်ဆိတ်လို့ မှန်တဲ့သူတွေ ရှိပေမဲ့ အကြောင်းပြချက် မှန်ကန်အောင်ပေးနိုင်တဲ့သူ အတော်နည်း ဆိုပဲ။

ဒီမေးခွန်းကိုကြည့်ပြီး ဘ၀နဲ့ယှဉ်တဲ့အသိလေးကို ရလိုက်တယ်။ လောကကြီးမှာ လူတော်တော်များများဟာ ကိုယ့်ရဲ့ ပင်ကိုအားနည်းချက်ကို ရှေ့တန်းတင်ပြီး လက်တွေ့လုပ်ဆောင်ရတဲ့ ကြိုးစားမှု၊ ၀ီရိယ၊ လုံ့လ အားနည်းမှုတွေကို ဖုံးကွယ်ပစ်တတ်ကြတယ်။ ငါ့မှာသာ သူ့လိုချမ်းသာတဲ့မိဘတွေရှိကြည့်ပါလား ငါလည်း သူ့လိုဖြစ်မှာပေါ့၊ ငါ့မှာသာ သူ့လိုအခွင့်အရေးမျိုး ရကြည့်ပါလား ငါလည်း ဖြစ်အောင်လုပ်မှာပေါ့ ဆိုတဲ့ အတွေးမျိး တော်တော်များများ တွေးတတ်ကြတယ်။ တကယ်တော့ လောကကြီးမှာ လူရယ်လို့ဖြစ်လာရင်၊ ဗုဒ္ခဘာသာဝင်တစ်ယောက်ရဲ့ အတွေးနဲ့ တွေးမယ်ဆိုရင် ရှေးဘ၀က ပြုခဲ့ဖူးတဲ့ ကုသိုလ်ကံအကျိုးပေးနဲ့ ယခုဘ၀မှာ လူရယ်လို့ဖြစ်လာတာတောင် သူ့အကျိုးပေးနဲ့သူ မတူဘူး။ တကယ်လက်တွေ့ ရင်ဆိုင်နေရတဲ့ ဘ၀ကြီးကိုပဲ ရဲရဲဝံ့ဝံ့ရင်ဆိုင်ရမယ်။ ကိုယ်ဟာ ပုရွက်ဆိတ်တစ်ကောင်ဖြစ်နေလို့ ဆင်ချီလာတဲ့ သစ်လုံးမျိုး ငါ မချီနိုင်ပါလားလို့ တွေးပြီး စိတ်ဆင်းရဲနေရင် တစ်သက် စိတ်ချမ်းသာမှုဆိုတာ ဘယ်တော့မှရနိုင်မှာမဟုတ်ဘူး။ ဒီတော့ ကိုယ်ရောက်နေတဲ့နေရာမှာ ကိုယ့်မှာရှိတဲ့အင်အားနဲ့ အကောင်းဆုံးသောအလုပ်တွေကို အဖြူစင်ဆုံးစိတ်ထားပြီး လုပ်တာသာ အမှန်ကန်ဆုံး ဖြစ်လိမ့်မယ်လို့ တွေးလိုက်မိပါတယ်။

AddThis Social Bookmark Button


1 comments: to “ ၀န် နှင့် အား

  • စိုးဇေယျထွန်း
    July 10, 2007 at 12:42 PM  

    ဟုတ်တယ် လောကမှာ အင်အားအကြီးဆုံးက ပုရွက်ဆိတ်ပဲ ။ တစ်ခု ရှိသေးတယ် ကမ္ဘာပေါ်မှာ အလေးဆုံးကဘာလဲ သိလား။
    မသိရင် ပြောပြမယ်။ ကျွန်တော့ ဘလော့ဂ်ကို သာလာခဲ့

 

© 2007 - Aye Chan Thu | Design by Amanda @ Blogger Buster